活蘭印度素食

朋友話想食咖喱，所以近近地搵到尖沙咀永安嘅活蘭印度素食，呢間餐廳喺永安裡面，商場平時冇咩人流，不過反而環境寧靜，唔洗迫到冇位坐，感覺幾舒服～店員好多都係印度人，不過原來有啲識講廣東話嫁😁🍛 我哋叫咗北印度咖喱拼盤同一啲小食，拼盤有5款唔同口味嘅咖喱+飯+乳酪+印度餅，真係一個set食到好多唔同味道，當中有一款咖喱辣勁十足🔥，但好有風味，食到我成個咀唇腫腫地😂💛 佢嘅乳酪酸酸甜甜，拌飯食一流，仲可以中和返辣味，唔會太heavy😋 整體嚟講，呢餐食得好開心，味道正宗又有驚喜，價錢亦算合理。平時鍾意食咖喱同素食嘅人，應該會好適合…查看更多

經印度同事推介，一班人就嚟咗試印度菜啦。印度同事話菜式都幾正宗，有家鄉風味🤣-Mushroom masala dosa $80-呢個煎餅真係冇諗過咁大個，真係成個頭咁大，細食嘅朋友分分鐘食唔晒呢一個煎餅。 👀個餅好脆口，可以點椰蓉、蕃茄醬一齊食，好似薯片咁都幾好食。而個煎餅嘅內餡可以揀嘅，我就揀咗炒菇，啲菇都幾Juicy，好match個煎餅。-Dahi puri $65-呢個冇諗過咁好食，個乳酪酸酸甜甜，一口一個，入邊有啲脆米同一啲印度傳統嘅食材，好match! 超級推介🥳總之印度菜嚟講都幾有驚喜，冇諗過都幾好食！溫馨提示，如果要嚟食嘅話，記得要book枱如果唔係就未必有卡位坐，個場都幾爆下。…查看更多

初嚐印度素食餐廳。大部分菜式含五辛，但好多都可以走五辛，落單時告知店員就可以。枱面放有樽裝礦泉水，但開咗要額外比$12。耆那教素食套餐 ($110)呢款套餐不含五辛，菜式包含香料蔬菜湯、2款無根類蔬菜咖哩、牛油香料燴扁豆、乳酪、醃菜、胡椒脆餅、印度烙餅、印度炸麥包同飯。中間嘅雜菜飯，米粒偏細長，質感較泰國米同日本米乾身，適合配咖哩或其他醬汁一齊食。飯嘅配料有青豆、紅蘿蔔、椰菜花同豆角。牛油香料燴扁豆口感綿密，似打爛咗嘅扁豆濃湯。其中一碟以椰菜、香葉為主嘅小碟味道唔算好濃，食材口感爽脆。黃色似薯蓉嘅小碟幾好食，味道甜甜哋，似食緊椰汁糯米飯，仲有菠蘿嘅香味。🥢瑪沙拉香料薄煎餅 ($95)特大超薄脆煎餅包住香料薯蓉薄脆超大塊，有大半張枱咁長，入面放有燈籠椒伴薯蓉。呢個菜式仲附有3種醬汁，我比較鍾意細碟裝住嘅白色醬，鹹鹹哋帶有好輕微嘅辣味。🥢炒椰菜花 ($75)酸甜汁燴炸椰菜花ㅤㅤㅤㅤ剛入口有酸甜味，食食下覺得太濃味，一定要配飯黎食。🥢原味無酒精雞尾酒特飲 ($40)其實就係青檸梳打水，仲有薄荷味。🥢椰青 ($40)…查看更多

北印度套餐（Poori/Chapathi) $115對印度咖哩認識不多，但此餐影相打卡一流🤭🤭😍。不但包含七款味道的咖喱（如爽辣的鷹嘴豆，香濃牛油香料燴扁豆，雜菜咖哩，還有甜甜乳酪醬)，而且配備多款主食（胡椒脆餅，印度烙餅及炸麵包球），一次過滿足你味蕾十個願望🤣我是食肉獸，都覺得非常好食，真係新奇有趣，令人喜岀望外。印度香料檸檬梳打🍹 (Jal Jerra Lemon Soda)$ 35抱著必試特色食物的決心😂，立即點了印度香料檸檬梳打。味道不錯，微辣中偏咸，似加辣版🌶️的鹹青檸🤭令人始料不及。這間餐廳植根香港已久（1981年），平日夜晚客人也是絡繹不絕，絶對值得一試👍🏻…查看更多

原來香港係有印度嘅純素餐廳，睇介紹係since 1982, 喺香港仲要有2間分店Menu 好HK-friendly, 有中英對照仲有好多圖驚你睇唔明。 我選咗北印度套餐， 一個套餐有好多小碟，滿足晒我想試多幾樣食物嘅心態成個套餐有乳酪醬沙律菜，黃薑椰奶甜品，鷹嘴豆咖喱，雜菜咖喱，牛油香料燴扁豆，2款是日雜菜咖喱配胡椒脆餅，印度烙餅，炸麵飽球及雜菜炒飯。每款咖喱配菜相近，主要有蕃茄，薯仔，茄子等， 但每一碟用嘅香料唔同，明顯地食到有唔到嘅味道。 雖然無肉，但味道同有肉嘅咖喱味道相比，實在有過之而無不及。胡椒脆餅及炸麵包球新鮮出爐， 配以雜菜咖喱， 令人停唔到口。 雜菜炒飯的飯煮時稍稍落多咗水， 改善埋就更完美另外叫咗杯Jal Jeera Lemon Soda(印度香料檸檬梳打) ， 味道好特別，有啲似我哋飲開嘅鹹柑桔，但多咗香料味，酸味，辣味同變得有氣，算係Lassi 以外嘅新嘗試店內以外國客人佔多，全層呢間餐廳最多人。整體嚟講好值得一試， 係素食嘅新選擇…查看更多

素食／無肉餐單／少鹽少糖是被這幾個字吸引進去，想多吃點素食，畢竟健康的身體才是本錢餐廳佈置很🇮🇳化，播放著我聽不懂的音樂。週六顧客很多，大多是南亞裔人士，服務員都是，所以感覺應該是很地道的🇮🇳料理對🇮🇳料理的印象就是咖哩和各種各樣的香料加各種食材煮成的糊糊，沒想到還有很多選擇👉Vada Pav 炸咖哩薯仔球夾麵包Deep fried mash potato ball coated with gram flour served inside a bun熱門印象街頭美食，由餐包夾住酥炸薯蓉球如圖片所示，薯蓉里加了很多香料，蘸綠色醬吃（不知道是什麼醬，酸甜辣味都有點）除了薯蓉球有點偏咸，其他都可以👉磨菇🍄湯Mushroom Soup味道很香濃，也偏咸，同西餐中的蘑菇湯不一樣的是加了很多茴香籽，吃起來要吐籽😅總結：說是少鹽其實還是偏咸，可能是我口味清淡…查看更多

呢間係尖沙咀永安商場入邊嘅印度素食餐廳有驚喜 佢啲印度烤餅都大大份 仲粗過隻手臂最適合一家大細或者呢一班朋友去食特別推薦 佢個前菜Dahi Batata Puri今次一口氣呃咗四個 薯仔肉醬配埋乳酪so tasty😋 ＆蕃茄炒飯 可以選擇唔…查看更多

朋友話想食素, 咁就食印度素啦, 未食過就試試, 唔係太肚餓, 就叫咗2個菜, waiter哥哥話已經好夠<活蘭特色黃油瑪沙拉煎餅>勁大塊, 真係勁大塊, 呢張相係揭開睇睇入面的餡料, 餡料之係好少好少, 煎餅皮好脆好香好食, 可以配其他醬一齊食, 不過本人覺得只係食煎餅皮係最好食, 或者加埋佢本身餡料, 其他醬可以不用配<活蘭特色套餐>2大塊燒餅配埋各種唔同咖喱一齊食, 中間重有印度炒飯, 每種咖喱都唔同味, 有辣有唔辣, 唔逐個講喇, 食完好飽, 唔錯唔錯…查看更多

見到 巨版Paper Dosa ，就知係’Woodlands‘嘻嘻，捉左幾個朋友仔陪我去食～ 佢地好少接觸印度菜，所以呢，一講食唔食印度野，佢地只諗起重慶大廈、香濃咖喱雞味、酥餅～～ 今次令佢地開心大發現😂😂打開menu 佢地話無肉既… 印度好多都係素食者⋯⋯（店名咪寫住）叫左咖喱角、薯仔煎餅、菇煎餅、多餸飯（😂改名）、芒果lassi 、藏紅花杏仁奶 朋友仔總結： 下次再黎 佢話要食打卡名物…查看更多

因有一位友人吃素，所以要搵一間吃素的餐廳，在網上太多中式的素食己經有點悶，突然見到這間吃印度素食，原來有位友人都曾經來過這間店吃過都說好食，故不用想就立即訂位食飯！這裡環璄不算大，但裝修都很有印度風，裡面的侍應全是印度人，所以訂枱和點菜都要說英文的。我們看了餐牌後就點了幾樣食物。乳酪蒸米糕， 這個米糕是凍食，入口軟綿綿，帶點乳酪酸味，內裡好像是沒有蛋的蛋糕似的，口感綿滑，味道有少少辣。但好味！辣味茅屋芝士， 上枱似平時的咕嚕肉，芝士切成一粒粒四方體，原來就是茅屋芝士，味道帶有少辣，口感像吃肉似的。好得意！蔬菜麵，入面有一些蔬菜一起煮，入口算清而不淡，麵質都煮得不錯，味道可口。炸咖喱薯仔球夾麵包，入面大大舊炸咖喱薯仔，切來吃有點呢Hea，但口感豐富，就算配上麵包都不會覺得膩。瑪莎拉香料薯仔煎餅， 超級大塊的煎餅，煎得很薄很香，內裡有用上香草和薯仔整成的薯蓉，配上幾種香料醬吃，口感香脆，香料醬都很夾，唯一美中不足是薯蓉太少，不夠喉！濃汁牛油芝士雜豆蓉咖喱，咖喱味很香，裡面都有很多雜豆，用來送飯或點薄餅就一流！薯仔絲炸米餅，灱米餅香脆，上面有很多蕃咖粒，吃上去香脆可口，難以形容。秋葵咖喱，不知道那裡來的好吃，咖喱和秋葵非常夾，秋葵份量很多，一匙一口已經令人回味無窮，大家都紛紛爭著吃呢。北印度套餐，裡面包括有鷹咀豆咖喱，雜菜咖喱牛油香料燴扁豆，２款是日咖喱，乳酪醬，胡椒脆餅，雜菜炒飯，我們還揀選了印度烙餅，多種咖喱多種口味，用烙餅沾來吃層次豐富，炒飯也炒得很乾身，好正宗，非常特別。印度雪糕，食落口很有印度風味，一陣陣黃薑味道。非常特別有趣。我們還點了一些飲品，但太多不能盡錄，飲品味道都好飲特別，他們的飲品不會太凍，沒有冰的，但都好飲。總括來說這間點品質很好，服務都不錯，今晚非常大滿足！…查看更多

店名/Shop Name：活蘭印度素食 (尖沙咀)地址/ Adresss: 尖沙咀麼地道62號永安廣場UG 16-17號舖種類/Type：印度素菜晚餐推介/Recommend：咖喱角，椰菜花薯仔咖喱加薄餅，印度咖啡，茅屋芝士班戟，無酒精啤酒，完全跟啤酒一樣！人均價錢：$100-150/人印度素菜咖喱角印度素菜咖喱角是一道融合了印度和中東元素的美食，香辣、濃郁、口感豐富和令人垂涎。印度素菜咖喱角是一種以麵粉為基礎的小吃，呈三角形狀，內部包裹著香辣的咖喱蔬菜餡料，外層則是金黃色的酥皮。咖喱角的酥皮酥脆，內餡則是濃郁香辣，口感絕佳。咖喱角通常作為小吃或者開胃菜食用，也可以作為主餐的一部分，搭配米飯或香氣四溢的印度飯食用。無論是哪種搭配方式，都能夠讓這道菜更加豐富多樣。注意這一點內的咖喱角算大隻，比較飽肚印度椰菜花薯仔咖喱加薄餅是一道融合了印度和中東元素，香濃、濃郁、酥脆可口和令人垂涎的料理。這道菜的主要成分是椰菜花、馬鈴薯和咖喱粉，加上一些豆類、番茄、椰漿等調味料烹製而成。椰菜花和馬鈴薯的口感各異，椰菜花爽脆，馬鈴薯則是軟糯，兩者融合在一起，口感豐富多樣。咖喱粉則是為這道菜增添了濃郁香辣的味道，讓人食指大動。此外，這道菜還可以搭配薄餅一同食用。薄餅通常是用麵粉製成，薄而鬆脆，口感十分獨特。搭配印度椰菜花薯仔咖喱後，不僅能夠增加食物的口感層次，還能夠平衡咖喱的辛辣味道，讓整道菜更加美味可口。印度咖啡印度咖啡是一種風味獨特、香氣濃郁的咖啡，濃烈、富有層次感、滋味豐富和令人回味的飲品。印度茅屋芝士班戟印度茅屋芝士班戟是一道融合了印度和西方元素的美食，香濃、奶香四溢、柔軟可口和令人垂涎的料理。這道菜的主要成分是班戟、芝士和香料，其中班戟是由麵粉、牛奶、雞蛋等原料製成的薄餅，芝士則是絲絲縷縷的乳酪，香味俱佳，口感豐富。無酒精啤酒無酒精啤酒是一種不含酒精的啤酒，清爽、口感與普通啤酒相似、健康和適合任何場合飲用的飲品。無酒精啤酒通常使用與普通啤酒相同的製作方法，但在發酵過程中，會控制酵母的生長，從而將酒精含量降至極低。因此，無酒精啤酒在口感和味道上與普通啤酒非常接近，同樣有著麥香和苦澀的味道，但不會讓人感到醉意。無酒精啤酒也被認為是一種健康的飲品，因為它不含酒精，熱量和碳水化合物的含量也相對較低，可以作為一種健康的選擇。此外，無酒精啤酒也非常適合在任何場合飲用，比如在酒吧、聚會、運動會等地方，人們可以放心飲用而不必擔心醉酒的風險。…查看更多

有個印度朋友帶咗我哋去Woodland印度素食餐廳，呢間餐廳已經喺香港開業咗好多年，係一間有悠久歷史嘅餐廳。佢地嘅菜式主要以印度南部嘅dosa同vada為主，味道地道，又健康，非常受素食者歡迎。我哋嚟到嘅時候，餐廳已經好擠，但係服務員都好有禮貌，即刻安排咗一張桌俾我哋。餐廳嘅裝修比較簡單，但係好清潔整潔，氣氛都好舒適。我哋嘗咗幾款dosa同vada，其中包括咖喱豆dosa，馬薩拉vada同onion rava masala dosa。咖喱豆dosa煎得啱啱好熟，味道香濃，豆嘅質地都幾好，dosa本身又香脆，外脆內軟，好好食。馬薩拉vada係用豆子磨成糊狀，再加啲香料同炸成球狀，味道鮮香，質地鬆軟，好好食。onion rava masala dosa係用燕麥粉同埋大米粉煎嘅，加上啲洋蔥同埋咖喱料，味道好正，dosa脆脆嘅，加上啲香料，味道爽口。總括而言，Woodland印度素食餐廳嘅dosa同vada真係好好食，味道正宗，質量唔差。餐廳嘅服務好好，環境清潔整潔，令人感覺好舒服。如果你鍾意印度菜同埋素食，呢間餐廳係一個好好嘅選擇。…查看更多

📣高質正宗印度素咖喱🌟平時食得多印度菜都係雞羊魚，係朋友推薦下試左呢間正宗素菜！估唔到冇肉都可以好好食，而且性價比極高！😍Pani Puri ($65)傳統印度街頭小食，加湯料入個波波到再一野放入口，又脆又有薯蓉餡料再加埋個汁😋North Indian Thali ($105)八兜咖哩，一兜甜品再有印度黃飯同薄餅，超滿足！一盤試晒唔同味嘅咖哩😍每一項咖哩都好食，唯獨係個甜品有點怪怪的🙈Paper Masala Dosa ($95)特大超薄脆煎餅包香料薯蓉一上菜嚇親小編😂係極巨大份！整到十分脆，加埋入面的香料薯蓉食，好味！Mango Lassi ($30)比較杰身，同較甜，都好飲😁📍 活蘭印度素食 (尖沙咀)尖沙咀麼地道62號永安廣場UG 16-17號舖…查看更多

印度菜喺香港都叫常見 但係印度素菜真係好少見🇮🇳有一日同朋友嚟咗呢間餐廳食晚飯好食得嚟🤤價錢又抵🤑全部嘢食嚟到熱辣辣 加上唔係好食得辣嘅話可以同餐廳講聲 啱晒我依啲10小辣人士😆特別推介依個北印度拼盤 唔好睇張相睇落好細 其實夠兩個人食 佢有齊五款精選咖喱 印度薄餅 乳酪同埋飯👍🏻👍🏻啱晒啲眼闊肚窄樣樣都想試啲嘅人😻😻絕對要睇吓佢嘅印度雪糕 本身係以獵奇心態叫嚟試吓🤣點知咁好食嘅！佢個口感冇一般雪糕咁軟滑 不過味道絕對好食如果想試吓印度素菜嘅話 絕對推介依間餐廳！…查看更多

活蘭素食位於永安廣場，在尖東站附近，位置方便，因永安廣場人流較少，在午飯時段，即使沒有預訂座位，仍然可以免等入座。尖沙咀算是本港少數族裔其中一個集中地，鄰近的重慶大廈亦是他們的落腳點。說起印度菜，第一時間必定想起重慶大廈，然而，重慶大廈的餐廳不是主打素食。活蘭素食比較獨特，提供印度素食，不但吸引少數族裔，也吸引希望嘗試印度菜的人，還有各類型的素食者。先說活蘭素食值得欣賞的地方。因為活蘭是素食餐廳，因此，在餐牌上清晰列明食材，也有點出哪些食物是含有芝士、蛋奶等元素，方便素食者選擇。另外，我很欣賞他們的擺盤，他們懂得利用器皿，把食物精美地呈現，例如他們用一個鐵架晾起Taco；而套餐則是用數個碗拼成花狀，配合光線，打卡一流。另一個優勢是份量，看見餐牌圖片時，並沒預計到份量如此多，加上我們點的都是澱粉類，有麵包、有飯，足以填飽有餘。味道方面，活蘭素食的食物大致能夠接受。茅屋芝士班戟和活蘭特色套餐的調味十分足夠，套餐有不同的豆類，相對健康，而牛油果奶昔在其他餐廳並不普遍，值得一試。不過，我認為食物過於油膩，而且過辣，餐牌並無提及食物是辣的，是可以改進的地方。…查看更多