Kampoeng

營業中

休息中

今日去到銅鑼灣行街，試吓呢間喺地牢嘅印尼餐廳。大熱天時，一坐低就嗌左杯鮮芒果涼粉雜果珍多冰，好多芒果同啫喱，即刻心情舒暢。我未試過印尼嘅沙律，叫咗個醬菜蛋豆腐，花生醬味香濃，份量超多，蛋白質豐富。再加三串沙嗲羊肉，好鍾意呢一個沙嗲，調校得非常入味，羊肉亦都好香。叫咗個印尼炒貴叼，貴刁味道適中，唔會太鹹，而且雞肉嫩滑。最後試多個印尼雜錦黃薑飯，色彩繽紛鮮艷，都幾辣咖，好中意啲花生加魚乾仔，香脆，送黃薑飯好適合。