SAVVY

自助頭盤有多款亞洲特色沙律🥗，🥣中西湯、🥖麵包、🧀芝士，仲有🦐凍海鮮~ 青口、大蝦、海螺、蜆、小龍蝦，樣樣都相當新鮮，自助頭盤都算好多選擇！主食有8款，東南亞美食到聖誕節火雞都有，一定滿足到你！當日揀咗🇹🇭泰式辣椒膏炒牛肉配白飯及🍗傳統聖誕火雞配栗子、小椰菜、粟米蓉及傳統火雞汁。上餐好快，有效率，建議食完頭盤再order主菜。🇹🇭泰式辣椒膏炒牛肉配白飯～ 炒牛肉唔乾，有質感唔會嚡熠熠，醬汁雖然係泰式辣椒膏，但唔算太辣，有香茅味，甜椒中和辣味，整體惹味送飯。🍗傳統聖誕火雞配栗子、小椰菜、粟米蓉及傳統火雞汁～ 率先食聖誕火雞感受節日氣氛，火雞不算太乾太柴，啖啖肉，沾上gravy入口添濕潤及增添風味。個人覺得配菜比火雞更出色，樣樣都好入味。每位都包餐茶，亦可upgrade做咖啡，相當豐富嘅午餐！