影片
更多
2023-09-22
3906 瀏覽
首先講吓book枱先，基本上係每個月1號先可以book枱，實質其實唔係三個月前，係兩個月多啲之前先可以book。開放book枱嘅時間係朝早10:00開始，但基本上你呢個時候入去book都唔會book到，而我係send email俾酒店最後幫我book，當然就會麻煩少少要覆多幾次email，不過佢哋回覆得好快，基本上10分鐘內都會回覆。同埋係即時付款（hold信用卡limit)，如果想取消，最後限期係booking當日48小時前取消，若果booking當日先no show，酒店會喺你Booking當日直接信用卡過數。講返啲嘢食先🤗🥢魚生、壽司🍣提供嘅魚生都係比較其他酒店自助餐高級，有帆立貝、三文魚、拖羅、油甘魚、甜蝦、三文魚籽，係非常非常新鮮！而壽司方面有海膽壽司已經贏晒好多其他酒店。🥢山珍海味鵝肝、花膠、鮑魚、海蔘、瑤柱冬菇。。。基本上你覺得貴嘅嘢都會有，而且樣樣都好食，只係驚你個胃頂唔住，食唔到咁多。🥢肉類牛扒、羊架都非常出色，牛扒夠嫩，切得薄之餘，肉身係帶點紅紅，非常之好食！而羊架係羊仔，所以細嚿啲，但正因為係羊仔，所以啲肉先會咁嫩滑。🥢海鮮有龍蝦、珍寶硯。。。。係非常之新鮮，非常
講返啲嘢食先🤗
🥢魚生、壽司🍣
提供嘅魚生都係比較其他酒店自助餐高級，有帆立貝、三文魚、拖羅、油甘魚、甜蝦、三文魚籽，係非常非常新鮮！而壽司方面有海膽壽司已經贏晒好多其他酒店。
🥢山珍海味
鵝肝、花膠、鮑魚、海蔘、瑤柱冬菇。。。基本上你覺得貴嘅嘢都會有，而且樣樣都好食，只係驚你個胃頂唔住，食唔到咁多。
🥢肉類
牛扒、羊架都非常出色，牛扒夠嫩，切得薄之餘，肉身係帶點紅紅，非常之好食！而羊架係羊仔，所以細嚿啲，但正因為係羊仔，所以啲肉先會咁嫩滑。
🥢海鮮
有龍蝦、珍寶硯。。。。係非常之新鮮，非常之鮮味，都係嗰句，太多嘢食根本食唔晒
🥢雪糕
雪糕有八款味道，全部係酒店自己整，每一款味道都好味或者好特別，我自己就即刻試晒所有味道，最鍾意係咖啡、士多啤梨同朱古力
🥢蛋糕
蛋糕嘅選擇其實唔算好多，但係都值得一試
總括而言
我係星期日去嘅，每位$928，價錢其實真係唔算平，但係對比其他酒店例如Hotel Icon、自助山，我覺得麗晶酒店係更勝一籌。首先佢嘅款式真係比較貴價，你都會覺得值回票價。而且每一樣食物都係好好味，你會好想好想試，但其實又食唔到咁多。最後我用AE卡俾錢，就有八五折，折返就$1763兩位，一位就$881
不得不提喺酒店嘅職員嘅服務態度非常之好，佢哋嘅安排係有大概兩至三個員工負責10枱客人，每一次收拾你嘅碟嘅時候都會問你仲需唔需要，而幫你斟水嘅時候都會係喺你出去拎嘢食嘅時候先會斟，唔會打擾你進食，服務真係唔錯！
有預算食自助晚餐嘅朋友，都不妨去試一試！
張貼
