瀧宴日本料理

營業中

休息中

[ 瀧宴日本料理 ]約咗朋友係銅鑼灣食lunch，呢間日式🇯🇵餐廳匯聚刺身、壽司及鐵板燒等和式料理，午市有好幾款鐵板燒套餐選擇。✿ Lunch Special Menu $398/人季節前菜滑嘟嘟嘅冷豆腐，配以甜甜地嘅昆布作開胃前菜。季節刺身（2款）🐟油甘魚刺身厚實滑嫩，入口即溶；鮫鰈魚刺身肉質細嫩彈牙，魚皮微微燒過油脂感豐富。本日精選壽司（2款）🍣右口魚壽司配上烏魚子，帶微微鹹香味；伊佐木壽司鮮甜彈牙，配柚子胡椒味道清新。香煎鵝肝伴自家制醬汁選用法國🇫🇷鵝肝。鵝肝煎得表面酥脆，內裡軟滑，逼出甘香嘅油脂，入口即化。搭配酸酸甜甜嘅藍莓味醬汁，完全無內臟膻味。野生大虎蝦🦐選用澳洲🇦🇺虎蝦。虎蝦煎得好香，肉質紮實飽滿，鮮味甘甜，而且去埋殼食得好方便。香草牛油帆立貝選用北海道🇯🇵帶子。帶殼帆立貝大大粒，肉身圓厚啖啖肉，以蒜蓉牛油汁煎香兩面至金黃色，表面配以三文魚籽，鮮味突出。美國頂級牛肉 🇺🇸🐮🥩牛肉煎得肉香多汁，配以脆卜卜嘅蒜片🧄夠哂惹味。鐵板炒飯配海帶面豉湯 用上炙熱嘅鐵板炒飯，飯粒均勻翻炒至乾身，吸盡油脂香氣但唔油膩，每一口炒飯都食到櫻花蝦&蛋香口感。炒雜菜 🥗為呢餐豐富午餐作一個總結。