瀧宴日本料理 (Sugar+)

今晚嚟到銅鑼灣 Sugar+ 26樓嘅「瀧宴」食飯，一入去就被個View吸引住，環境又 Grand 又舒服，絕對係慶祝或者同另一半撐枱腳嘅好地方。我哋叫咗個 $980 精選套餐，有齊刺身、龍蝦、和牛，性價比極高！🍱 前菜三點盛＋刺身拼盤一開場個擺盤已經贏晒！前菜三小碟精緻到唔捨得食：薯仔沙律綿密開胃，水雲醋物酸酸地滑嘟嘟好清爽，仲有個蟹肉漬物鮮味十足。刺身部分非常新鮮，鮪魚色澤紅潤，油甘魚同鯛魚切得厚身，油脂豐富，入口有魚油香，唔係一般貨色可比。最驚喜係個海膽杯，海膽鮮甜唔腥，下面鋪滿晶瑩剔透嘅白身魚刺身同爆汁魚子，一啖食落去口感層次勁豐富，鮮到飛起！🥚 茶碗蒸＋清酒煮蜆湯茶碗蒸滑到好似布丁咁，上面鋪咗蟹肉同菇，每一啖都充滿高湯鮮甜味。蜆湯好足料，蜆肉大隻飽滿，海帶湯底清甜暖胃，飲完個人舒服晒，準備迎接主菜！🐟 Hamachi Fish Kala (燒魚鮫)呢個油甘魚鮫燒得好靚！魚皮燒到微焦香脆，入面魚肉依然嫩滑多汁，魚油喺口入面爆發，配埋少少檸檬汁同但蘿蔔，解膩又提鮮，送酒一流。🦞 鐵板龍蝦＋鮑魚重頭戲嚟啦！龍蝦肉爽口彈牙，鮮甜味鎖晒喺肉入面，唔洗點醬都好夠味。鮑魚亦係亮點，煮得非常腍身，完全唔會韌，鮮味Double up，每一啖都係享受。🥩 宮崎和牛薄燒呢個宮崎和牛真係冇得輸！我揀咗五成熟，粉嫩嘅肉色靚到暈。油脂分佈均勻，入口即溶，牛味濃郁。師傅好有心機咁捲住炸蒜片同蔥花，再配埋旁邊嘅洋蔥一齊食，口感豐富之餘又唔會覺得膩，每一啖都係幸福感！🍚 煙肉蒜香炒飯＋炒野菜食到尾聲仲有個炒飯，師傅手勢好勢利，炒到飯粒分明，鑊氣十足，加埋太陽蛋拌勻食，蛋液包裹住飯粒，香到停唔到口！炒野菜清清地，有齊芽菜、韭菜花等，爽脆解膩。🍵 甜品最後以抹茶豆腐布丁配紅豆作結。抹茶味香濃回甘，豆腐布丁滑溜，紅豆蓉甜度啱啱好，完美句號。成餐飯無論係環境定食物質素都好高分，特別係個view真係加晒分。$980 可以食到咁多款高質食材，仲要係專人服侍嘅鐵板燒，真心覺得抵食。推薦大家如果有慶祝活動，一定要嚟試吓！…Read More

銅鑼灣3xx高空景色日本料理享受🍣 性價比高🍎必試刺身鐵板燒午餐🍱夢幻餐廳浪漫推介 ❤️VIP私人房間㊙️聚餐首選日本料理🌊高空靚景+海景，一行入嚟就感覺超舒適，環境一流！坐喺大玻璃窗旁邊，望住海景食飯，真係心境都舒暢咗，無論約會定朋友聚餐，氣氛都夠晒浪漫甜蜜💖。餐廳主打鐵板燒、壽司、刺身等超多款經典日本菜，仲設有VIP房間，可以約埋friend開party🥳！食材新鮮，用心自家醃製嘅前菜苦瓜，似翡翠咁靚色，又完全唔苦，超開胃。午餐set「宴」$448仲有8折🔥，簡直抵到笑😍今日仲係大廚鴻師傅一對一為我們服務，店裏面嘅師傅，好多當係大師傅，曾經喺升級日本料理工作經驗。🦐刺身 壽司各兩款 精選新鮮生魚片，質量上乘，口感滑嫩，仲有赤蝦刺身，又大又鮮。展現海鮮的原汁原味。使用高品質的壽司米和新鮮食材，充滿層次感的味道，令人回味無窮。香煎鵝肝配以意大利黑醋和日本蜜柑，酸甜平衡，提升了鵝肝的豐富風味，野生大虎蝦，新鮮肉質鮮嫩，海鮮的鮮甜味道。🐚香草牛油帆立貝大粒肥美，鮮味十足 ,以香草牛油煎烤，口感肥美，醇香四溢，打卡CP值高，食物有水準。頂級美國牛肉，分為厚燒和薄燒兩種烹調方式，散發出的香氣令人垂涎，肉質鮮嫩多汁，薄銷包住蔥花蒜粒，又香又惹味。🍚鐵板炒飯每粒分明，滲滿住蛋黃醬，櫻花蝦+蔥花蒜粒再加隻太陽蛋，色香味都一齊爆發😋 🥦炒雜菜，一定要加埋秘製醬汁，啱晒喜歡重口味嘅你！每道菜都好似藝術品咁精緻，性價比高之餘仲有優惠！香港高質日本料理推介，快啲book檯嚟試吓～📍…Read More

高居臨下靚景鐵板燒，你有興趣嗎？位於銅鑼灣 Sugar+ 頂樓的「瀧宴日本料理」我幾鍾意，傳統的和式高雅裝潢，寬敞舒適，重點是游水魚缸活龍蝦，冇理由唔食龍蝦！宫崎和牛龍蝦牛餐，原價每位$1580，優惠價$980，項目豐富，材料新鮮。季節前菜清爽甜美的季節前菜三款，墨魚粒海鮮沙律、醋汁白子、北海道毛蟹配甜番薯，依這個次序吃，食完之後口腔仲係甜甜的，很討好。季節刺身3款鰹魚、右口魚、赤蝦，鰹魚與右口魚清甜爽口，赤蝦別具味道，一吃便知。瀧宴特色散壽司用雞尾酒杯於刺身壽司飯頗有趣，海膽、三文魚子、墨魚及多款魚種切成細細粒。海鮮茶碗蒸香滑，材料豐富，現代日本料理缺不了的基本菜，零失敗！季節吸物蜆湯，簡單配海帶，湯清味鮮甜。汁煮愛媛縣鰤魚鮫很肥美入味，甜甜的湯汁非常可口，我的摯愛菜式。野生生猛龍蝦以龍蝦頭的膏做汁，脂香四溢，亮點是龍蝦肉成功保持口感生嫩，新鮮就是美！南非鲍魚煮至軟透入味，預先切片。未煮嗰陣好生猛，仲喐嘅！日本宫崎和牛師傅咨詢生熟度，我們認為半成應該是最理想，果然粉嫩鬆軟，外層燒至微焦，口感一流！睇返未煮之前個樣，知道幾肥美！煙肉香蒜炒飯亮點絕對是太陽蛋，蓋著炒飯面，弄穿蛋黃液流出，混合煙肉香蒜，這個飯點會唔好食！炒什菜靈魂在那炸蒜醬，大大提昇食味。是日精選甜品 - 紅豆綠茶凍別於一般奶凍，口感爽爽哋似豆或大菜糕，紅豆很甜美，不喜歡吃奶類食品的同伴也吃清，各有千秋，不過我就比較喜歡吃北海道奶做的、濃郁豐盈的出品。週五晚吃好的，迎接新一個週末。#瀧宴日本料理 #銅鑼灣 #日本菜 #鐵板燒…Read More

銅鑼灣高質鐵板燒很久沒有吃廚師發辦了，朋友想吃高級日式鐵板燒，剛好今天去銅鑼灣希慎逛街，附近有一間sugar +裡有很多餐廳，這一間有鐵板燒吃。高級裝修設計，適合慶祝生日，餐廳座位多，客人可以欣賞師傅在面前烹調每道鐵板燒表演，這次跟朋友一起吃瀧宴宫崎和牛龍蝦套餐$980+1/位 ，套餐非常豐富，提供熱茶，另收加一服務費～季節前菜seasonal appetizers魷魚配蛋黃醬、北海道毛蟹、酸酸甜甜開胃海帶鱈魚子季節刺身3款3 kinds of seasonal sashimi肥美的拖羅、赤蝦、金目鯛瀧宴特色散壽司Assorted Sushi海膽、三文魚子、三文魚、金目鯛配合的杯裝壽司，精緻適合打卡海鮮茶碗蒸Seafood Steam Egg Custard蟹肉蒸蛋非常嫩滑，有白果、鳴門卷、蘑菇等配料季節吸物Seasonal Soup蜆肉海帶湯汁煮愛媛縣鰤魚鮫South Hamachi Fish Kama非常嫩滑入味的魚肉野生生猛龍蝦Lobster非常鮮甜彈牙，烹調得恰到好處南非鮑魚Africa Abalone日本宮崎和牛Miyazaki Beef選了五成熟剛剛好，配洋蔥開胃解膩煙肉香蒜炒飯Bacon With Garlic Fried Rice配太陽蛋一起吃，夠鑊氣炒什菜Fried Assorted Vegetables有蘑菇、芽菜、韭菜花配上炸蒜是日精選甜品Dessert芝麻豆腐布丁配紅豆服務質素：9/10環境舒適度：8/10ᶘ ᵒᴥᵒᶅ個人口味評分：8/10…Read More

最近到訪銅鑼灣瀧宴，品嚐了期間限定的宮崎和牛龍蝦套餐（優惠價 $980｜原價 $1580），全程以鐵板燒形式呈現，食材新鮮、烹調細緻，每一道菜都展示了日式料理的精髓與質感。環境寬敞舒適，柔和燈光同木質裝潢。坐喺鐵板吧枱，近距離欣賞師傅行雲流水嘅烹調技藝，簡直係一場視覺同味覺嘅雙重享受。季節前菜一開始嘅前菜就畀我一個驚喜。沖繩 水雲菜 酸甜開胃，滑溜溜嘅口感帶住一陣清新嘅薑醋香，瞬間喚醒味蕾。旁邊嘅薯仔綿密柔滑，配上 黑松露帶子，鮮甜中滲出松露嘅濃郁香氣，三者層次分明，完美開啟今晚嘅美食之旅。季節刺身季節刺身則選用鰹魚、鯛魚及赤蝦。鰹魚油脂均勻，鮮味突出；鯛魚口感爽脆，帶微微海水香；赤蝦刺身肉質彈牙，鮮甜透澈，蝦膏香濃，非常出色。瀧宴特色散壽司瀧宴特色散壽司以海膽、魚子和各款刺身肉組成，呈現得像一杯海鮮盛宴。海膽香滑甘甜，配魚子的鹹鮮，賦予整體濃烈卻平衡的海洋風味。各款魚生配上米飯，交織出豐富的口感，令人回味。海鮮茶碗蒸海鮮茶碗蒸入口即化，蒸蛋滑溜細膩，香氣滿溢，暖胃之選。季節吸物 (大蜆清湯)季節吸物是大蜆清湯，湯色清澈，入口鮮甜，蜆肉厚身無沙，暖胃又清新。汁煮愛媛縣鰤魚鮫汁煮愛媛縣鰤魚鮫以甘甜醇厚的日式湯汁煮製，鰤魚鮫煮得軟嫩入味，魚肉細嫩，保留鮮味，配搭吸滿精華的蘿蔔，啖啖滋味。野生生猛龍蝦野生生猛龍蝦由魚缸即撈，肉質鮮嫩彈牙，經鐵板微煎後鮮香四溢。配以龍蝦膏炒成的濃汁，鹹香濃郁，完美提升龍蝦的天然甜味。南非鮑魚南非鮑魚肉質爽彈，入口有天然海水鹹香，師傅火候掌握得宜，咬下即感鮮香四溢，軟滑入味。日本宮崎和牛日本宮崎和牛 真係無得輸！和牛油花分佈均勻，煎至五成熟，外層微焦香，內部柔嫩多汁，入口即溶。牛香與肉汁在口中爆發，配炸蒜片更添風味。煙肉香蒜炒飯飯粒炒到乾身粒粒分明，煙肉鹹香同蒜頭濃郁香氣完美融合，仲有蔥花點綴，清新又惹味。上面一隻流心太陽蛋，濃稠嘅蛋液同炒飯撈勻，邪惡程度爆表，令人一口接一口！炒什菜 簡單但出色，芽菜同雜菜炒得爽脆可口，帶有淡淡嘅XO醬辣香，解膩又開胃。是日甜品是日甜品為哈密瓜奶凍，質地滑嫩，帶天然果香與清甜，冰涼清爽，令人回味無窮，為整餐劃上清新的句號。總結瀧宴的宮崎和牛龍蝦套餐用料上乘，火候及味道層層遞進，餐廳的服務亦細緻周到，無論是慶祝或聚餐，都是值得推介的高質選擇。…Read More

日式料理 鐵板燒 刺身🥢🦐🍵食材新鮮🤩 最近有機會去到瀧宴試吓佢哋的宮崎和牛龍蝦套餐（大滿足，勁飽肚!!!!）一走入餐廳，就可以感受到優雅的氛圍，同親切的服務😊 讚前菜 套餐的季節前菜係三款刺身，鮮嫩得來又兼有豐富的海味，非常開胃！特別想提到海膽刺身，每一口都能感受到海洋的鮮味，口感滑順，鹹香適中再來是遊宴特色散壽司，非常精緻，米飯香軟且不黏牙✨️海鮮茶碗蒸滑溜可口，海味濃厚。主菜野生生猛龍蝦，肉質鮮甜，可以明顯感受到新鮮的海味，簡直係唔可以錯過。而南非鮑魚同樣令人印象深刻，肉質彈牙，非常好味！另選咗日本宮崎和牛，油花分佈均勻，肉質滑嫩，一咬就融化喺口中，絕對係肉食者的天堂。煙肉香蒜炒飯亦相當出彩，香氣四溢，炒得恰到好處，唔油膩，非常好食。甜品 紅豆奶凍，紅豆蓉甜度適中，完美結束呢一頓豐盛的餐😆無論係食材新鮮度、服務質素、定係環境氛圍，都做到一流…Read More

An amazing Teppanyaki restaurant in CWB with stunning view🌃今日食宮崎和牛龍蝦套餐，雖然主角係鐵板燒，但成個餐好豐富🤩前菜、刺身、壽司、茶碗蒸、湯同埋燒物都有，好豐富！散壽司好有特色，有齊拖羅，海膽同三文魚籽，超級鮮甜鮮味，壽司既飯量岩岩好，食完成口都鮮味十足🤤而重點就一定係鐵板燒，勁夠火候，燒海鮮同肉都一流！龍蝦好大隻，啖啖肉加少少調味已經可以帶出返龍蝦嘅鮮味😍鮑魚都好爽口彈牙，煙煙韌韌好有口感，唔駛任何調味反而食得番啲海水味🥰和牛更加出色，鎖住晒和牛嘅肉汁，牛味香濃，肉質粉嫩，油脂十足！😋原隻日本流心蛋炒飯，炒野菜同埋甜品都係無得彈，勁豐富超滿足呀！😌…Read More

午市食鐵板燒，套餐豐富，性價比高。前菜：高野豆腐凍食嘅高野豆腐吸滿鰹魚高湯，清新開胃～🐟 刺身三點• 赤蝦 - 爽口鮮甜• 深海池魚 - 油香豐富 • 鏗魚 - 煙燻風味突出 🍣 左口魚邊、馬刀貝壽司左口魚邊炙燒好香口，馬刀貝爽脆鮮甜～ 🦢 香煎鵝肝鵝肝外脆內嫩似慕斯，配無花果醬同脆多士！ 🦐 野生大虎蝦蝦頭膏幾香，蝦幾爽口～ 🐚香草牛油帆立貝帆立貝大粒、牛油醬汁香而不膩，仲有海苔醬汁。🥩 頂級美國牛肉叫咗medium，外層焦香，肉心粉嫩多汁，配炸蒜片食更香口～ 🍚 鐵板炒飯配海帶麵豉湯🥬 炒雜菜餐廳有吧枱位可以睇師傅功架，抽風系統做得幾好。…Read More

今晚和朋友去的是一間以鐵板燒為核心的日式料理專門店，從前菜到甜品，每一道菜品都如同一幅幅精雕細琢的畫作，令人難忘。前菜：毛蟹肉質鮮甜，層次分明。水雲滑嫩爽口，酸甜適中。海鮮沙律集合了多種新鮮海產，口感豐富。刺身：赤蝦肉質緊實，甜味悠長。真鯛刺身入口即化，簡單好味；赤身充滿濃郁肉香，味道醇厚魅力。散壽司杯：海膽濃郁、吞拿魚肥美、金目鯛細嫩，三文魚子爆漿，色彩斑斕，層次豐富，令人回味無窮。茶碗蒸：蟹肉鮮甜，本菇醇厚，白果清甜，蒸蛋滑嫩如絹，溫暖細膩。沙白海藻湯沙白鮮美，海藻清新，簡單而不失高雅。鐵板燒：龍蝦肉質彈牙，鐵板的高溫迅速鎖住其鮮味，配其龍蝦內臟特製醬汁。鮑魚經過精心烹調，外焦裡嫩，鮮美多汁。而日本宮崎和牛入口即化，油脂與肉香在口中綻放。煙肉香蒜炒飯：煙肉咸香，香蒜辛香，米飯粒粒分明，吸收了所有食材的精華。炒什菜：以多種時令蔬菜快炒而成，保留了蔬菜的鮮脆與營養，色彩鮮豔。甜品：綠茶清新，紅豆甘甜，布丁滑嫩，口感細膩。…Read More

瀧宴位於銅鑼灣Sugar+ 26樓，擁有開揚維港景，環境寧靜舒適，適合商務或輕鬆聚會。主打鐵板燒、刺身及壽司，午市套餐由$358起，晚市則以Tasting Menu為主。食材新鮮度屬中上，師傅現場烹調具觀賞性，服務態度友善。整體表現穩定，與網上高分評價相比略有差距，但景觀及氛圍仍具優勢，可按預算及場合考慮。────────────────店舖名稱 Restaurant Name：瀧宴日本料理店舖地址 Restaurant Address：銅鑼灣糖街25-31號Sugar+ 26樓26/F, Sugar+, 25-31 Sugar Street, Causeway Bay營業時間 Opening Hours：⊿星期一至日 Mon to Sun 12:00-15:30, 18:00-23:00…Read More

銅鑼灣Sugar+26樓嘅瀧宴日本料理，餐廳有大片落地玻璃，出面系維多利亞公園景，鐵板位可以睇住師傅料理，入面仲有包廂，聽講可以睇到煙花景。招牌宮崎和牛龍蝦宴套餐，頭盤季節刺身有三款選擇，每片魚生都切得夠厚身，魚肉嘅香氣好突出，咬落去脆卜卜，充滿海洋味。特色壽司杯，魚片鋪面夠闊夠厚，食落去爽脆夾香甜，仲有勁鮮甜嘅海膽，好有誠意。海鮮茶碗蒸，蛋輕盈滑溜，入面裝載咗豐厚嘅蟹肉同各式海鮮，味道層次豐富，海鮮嘅香甜同蛋嘅柔和完美融合。南非鮑魚用自家製醬汁經過慢煮處理，鮑魚嘅肉質爽脆又有彈性，一啖啖都好juicy，醬汁好惹味。生猛龍蝦就選用咗鮮活龍蝦，蝦肉飽滿緊實，咬落去香甜四溢，配埋餐廳特製嘅醬汁。主菜宮崎和牛，肉質好軟滑，入口即化，油脂分佈勻稱。炒飯用煙肉同香蒜提香，粒粒分明又唔會油膩，襯上流心蛋黃。炒雜菜好爽脆，火喉控制得剛剛好，蔬菜色澤鮮豔。…Read More

季節前菜前菜有薯仔沙律、水雲菜、海鮮沙律！薯仔沙律粒粒煮得軟嫩、水雲菜清脆生嫩！！季節刺身 伊佐木刺身超滑順！肉質細膩無腥，沾醬油芥末，鮮甜入口即化深海池魚深一油潤肥美，刺身切薄片，微微海香～油甘魚油甘魚刺身綿密如奶油！肥脂均勻，入口溶化，甜美鮮香！海膽刺身橙黃海膽綿密如奶油，入口即溶，微微海香甜美，無腥味😛😛瀧宴特色散壽司瀧宴特色散壽司色彩繽紛！壽司飯黏米香，頂上海鮮、蔬果，醋味微酸，入口鬆軟鮮美，鐵板熱氣蒸騰，增添風味，輕鬆過渡到主菜。海鮮茶碗蒸海鮮茶碗蒸滑細膩，內餡海鮮彈牙，湯汁鮮美不油～食落好舒服汁煮愛媛縣鰤魚鮫魚鮫肥美~魚頰肉厚實，汁醬滲入，烤至外脆內嫩，咬落去油脂爆開，鮮甜中帶焦香！野生生猛龍蝦蝦肉白嫩彈牙，配蒜蓉或奶油，烤出金黃，汁水四溢💕💕💕南非鮑魚南非鮑魚Q彈滋補！鐵板煎至金邊，鮑魚身滑嫩，吸滿醬汁，微微焦香～食若仲好煙un!!日本宮崎和牛A5級雪花油花，鐵板一煎，滋滋作響，入口即化，牛脂甜美多汁，配鹽同蒜片食一流！煙肉香蒜炒飯煙肉香蒜炒飯香氣四射！飯粒炒得乾爽，煙肉脆口、蒜蓉爆香，鹹鮮適中，鐵板熱炒保留米香💕炒什菜鐵板快炒有微微蒜香，平衡油膩是日精選甜品-綠茶紅豆布甸收尾是日精選甜品綠茶紅豆布甸，綿密滑順！綠茶清香中和紅豆甜～…Read More

平日午市都有幾款套餐選擇，今次就揀咗鮑魚套餐，依家仲有20% off前菜：汁煮豆腐刺身4切：刺身都幾有誠意，有伊左目魚、油甘魚、蝶魚同赤蝦刺身，魚類刺身肉質都好札實同彈牙，味道鮮甜完成前菜後，廚師會先將鐵板燒嘅食材俾你睇先，食材都好新鮮，特別係鮑魚，不停郁鮑魚：師傅介紹時話無加盐/豉油，咸味全部來自鮑魚嘅海水味，鮑魚口感彈牙，唔會韌虎蝦：蝦肉啱啱熟，仲有少少透明，十分爽彈，調味就用返蝦頭啲蝦膏鵝肝多士牛肉雜菜炒飯…Read More

瀧宴日本料理位於銅鑼灣Sugar+ 26樓，環境真係一流，成間餐廳用咗全落地玻璃，坐高位望住維多利亞公園嘅景色用餐，真心正，好高級。今次試咗佢哋熱賣嘅宮崎和牛龍蝦宴，啱晒想一次過滿足多款日本料理嘅你。頭盤季節刺身有三款，魚生好新鮮，啖啖都鮮甜又有彈性。每一片切得厚身，魚味香濃。再嚟係特色壽司，飯粒分明，魚生鋪面夠大塊，食落去鮮美又爽口，非常有誠意。海鮮茶碗蒸係必食推介，蒸蛋滑溜溜，入面放咗好多蟹肉同海鮮，鮮甜又嫩滑。南非鮑魚用咗自家製醬汁慢煮，啖啖肉質彈牙又Juicy，醬汁好入味。生猛龍蝦同樣香甜飽滿，蝦肉彈口，一咬落仲Juicy過癮，配埋特製龍蝦汁，特別惹味，仲可以感受到新鮮海味。主菜揀咗宮崎和牛，肉質好嫩滑，入口即化，油脂分佈靚，牛味香濃。炒飯用煙肉配香蒜落鑊炒，炒飯粒粒分明，香氣十足，帶少少鹹香，又唔油膩，配埋流心蘭王蛋，香氣更濃烈。炒雜菜鮮嫩爽脆，炒得夠火喉。最後甜品選擇都唔會馬虎，自家製雪糕或甜湯，落足心機。…Read More

朋友推介瀧宴$980/位嘅鐵板燒套餐，有齊龍蝦鮑魚同和牛，當然亦唔少得各項日式美食，性價比好高！今晚就訂枱一試佢嘅水準～銅鑼灣分店位於Sugar+，高樓層之餘內部裝潢亦都好高級，好啱慶祝生日/ 紀念日去。前菜同刺身各有3款，亦有散壽司、茶碗蒸、蜆湯同汁煮魚鮫，水準不俗。主角龍蝦同鮑魚非常新鮮，廚師拎食材俾我哋睇嗰陣鮑魚係勁生猛喪郁，烹調上亦都只係食佢海水天然嘅鹹味就足夠，龍蝦肉用返蝦膏整返個醬汁，同樣係食緊食材本身嘅味道，真係要夠新鮮先做到咁好食。至於主食和牛用料上乘，熟度亦控制得好好，咬落去肉質嫩滑😋…Read More