影片
更多
2024-11-24
274 瀏覽
天氣雖然涼咗，但打邊爐可以打到咁都實在太豐富。叁不館位於天后嘅火鍋店”叁不館”，英文名係更詼諧嘅”City of Darkness”。行到入去，係非常懷舊嘅環境。而且佢嘅懷舊並非淨係喺啲裝修同牆上，就連枱凳、器皿同menu，都好似流露緊幾十年前香港嘅特色，加上略暗嘅燈光同有特色嘅射燈，成晚食落係非常有懷舊氣氛。講嘢食之前，要提提大家，而家follow餐廳社交平台可以以一次過以$10買10支啤酒(即一蚊一枝)。跟住要講講醬料。佢嘅自家製蔥油醬同沙嗲醬都係甚有特色，建議可以攞多啲，反正已經醬油錢已經包咗($18/位)😅。咯咯雞花膠湯 $298非常大份嘅花膠同雞，不過成個湯嘅重心喺個湯度，飲落非常夠味，係咩都未食之前，先飲一碗暖身😍。蘇格蘭蟶子 ($58/隻)極新鮮大隻，絕對唔可以睇小。海中蝦半份 $88海中蝦好彈牙，亦夠大隻，點豉油一流日本扇貝 ($38/隻)同樣新鮮大隻，果然係日本嚟嘅海鮮，最重要係抵食。大連鮑魚 ($38/隻)大隻彈牙，又係抵食嘅海鮮之一。頂級安格斯牛頸脊(大) $368以三百幾蚊嚟講，呢盤牛頸脊算相當大份，仲未計，其實佢係切得幾厚，兩個人食嘅話係足夠有餘。牛頸脊當然係
叁不館位於天后嘅火鍋店”叁不館”，英文名係更詼諧嘅”City of Darkness”。行到入去，係非常懷舊嘅環境。而且佢嘅懷舊並非淨係喺啲裝修同牆上，就連枱凳、器皿同menu，都好似流露緊幾十年前香港嘅特色，加上略暗嘅燈光同有特色嘅射燈，成晚食落係非常有懷舊氣氛。
講嘢食之前，要提提大家，而家follow餐廳社交平台可以以一次過以$10買10支啤酒(即一蚊一枝)。跟住要講講醬料。佢嘅自家製蔥油醬同沙嗲醬都係甚有特色，建議可以攞多啲，反正已經醬油錢已經包咗($18/位)😅。咯咯雞花膠湯 $298
非常大份嘅花膠同雞，不過成個湯嘅重心喺個湯度，飲落非常夠味，係咩都未食之前，先飲一碗暖身😍。
蘇格蘭蟶子 ($58/隻)極新鮮大隻，絕對唔可以睇小。
海中蝦半份 $88
海中蝦好彈牙，亦夠大隻，點豉油一流
日本扇貝 ($38/隻)
同樣新鮮大隻，果然係日本嚟嘅海鮮，最重要係抵食。
大連鮑魚 ($38/隻)
大隻彈牙，又係抵食嘅海鮮之一。
頂級安格斯牛頸脊(大) $368以三百幾蚊嚟講，呢盤牛頸脊算相當大份，仲未計，其實佢係切得幾厚，兩個人食嘅話係足夠有餘。牛頸脊當然係打邊爐最適合嘅牛肉之一，肥瘦兼備，又有肉質。我一向認為打邊爐最啱嘅牛肉就係牛頸脊同牛小排。
招牌午餐肉餃 $80午餐肉餃？冇錯，咬落去入邊係一大粒午餐肉，好特別，比起普通午餐肉更適合打邊爐。
新鮮炸響鈴 $68全晚最抵食嘅嘢，$68有八件即炸響鈴，而且係非常大件，兩個人叫都要考慮吓😂。
珊瑚蚌 $128份量足夠多，唔再係散修修得三兩件嘅珊瑚蚌，咬落好有質感層次，好滿足。
新鮮肥鵝腸 $96特別隱藏美食。肥鵝腸比一般鵝腸會多啲脂肪，但同時腸嘅份量同闊度會大好多，加上餐廳比嘅份量好多，其實幾個人食都夠。
蝦膠油炸鬼 $78用上兩種唔同嘅蝦膠同油炸鬼炸成。除咗外型美觀，食落口感亦好豐富。要留意呢度菜式係生嘅，要煮熟先食得。
竹蔗茅根海底椰 $48一揸海底椰夠甜夠凍，兩個人飲啱啱好。
呢度除咗環境醬料嘢食都有特色外，店員嘅服務亦好周到，例如佢哋會提示唔同食物嘅烹調時間，亦會主動幫忙加糖等等，算係幾貼心。表面上嘢食價錢唔算平，但每樣嘢嘅份量都幾多，或者好大件，計返埋其實都算抵食。入冬了，係時候要嚟多幾次！
張貼
