古月

營業中

休息中

有日經過北角，記得有推薦過呢間餐廳，咁就入去試一試啦，門面牆身壁畫很有特色，可惜其他地方混亂，枱旁雜物堆積不太衛生。食物種類唔算多，叫咗一個驚青豬飯，一上枱嚇你一驚，頹個茶餐廳！！！未食已經覺得唔好食，最重要係醬汁之下嘅飯係完全吾熱！！！咁嘅質素完全係過分。仲嗌左一份Roti烤餅，落單時候講明配咖喱，侍應覆單時亦再確定多一次，偏偏上枱就變成了咖央醬，亦因為啲飯已經冇水準唔想再逗留，唯有照食烤餅真係浪費了quota⋯飲品算正常，不過都係麻麻，叫咗一個羅漢果龍眼冰，其實似整杯羅漢水！斑蘭奶茶，得個賣相，冇班蘭味道，普通奶茶味。最重要係成餐飯去到最尾先上飲品，只因佢哋發覺忘記咗，嗱嗱臨沖返，其實當日食客不多佢哋喺旁邊嘻嘻哈哈玩樂，完全冇服務態度，不值一試。