古月 (已結業)

- 三味牛舌配白飯 $108- 柚子胡椒素湯配慢煮雞胸扁烏冬 $82牛舌有三種部位 包括有牛舌芯/舌筋/舌尖 牛舌而三味係自家同甘汁 柚子胡椒 鹽炒 有厚度幾入味又唔會韌 份量適中 食牛舌最怕係咬唔開 柚子胡椒素湯配慢煮雞胸 可以揀扁烏冬或者太麵 烏冬控最後揀咗扁烏冬 淡淡嘅柚子味再配濃濃嘅胡椒味 又幾清新 個湯唔油膩 烏冬份量可以再多少少 慢煮雞胸真係好嫩滑 雞胸下面仲有啲四季豆 蕃茄仔 菇餐廳入面啲壁畫好有特色 bookmark咗三年終於有機會試到 💰$190…查看更多

個胡椒湯好好味、辣度適中（嗜辣者可能嫌不夠辣）、最正有大大個原個蒜頭（好多餐廳只有一小件甚至無都見過）我可以一啖蒜頭肉一啖飯一啖湯撈埋嚟食。湯入面有好多件肉骨、數落六七件都有、（喺新加坡食都無咁多件骨呀）仲要啲肉係唔嚡嘅、亦無肉酥味、點甜豉油食真係正到爆。只係88蚊真係好抵、性價比好高，係我喺香港食過咁多間餐廳裡面最好味嘅新加坡胡椒風味肉骨茶👍🏼 下次要試埋佢個喇沙至得。唯一唔太方便係只收現金😆…查看更多

同阿仔table for 2 ，試吓去古月吃，消湯牛腩飯份量足夠，牛腩炆得好腍，又有白蘿蔔，湯底不算油膩😋慢煮鴨胸肉拉麵令人驚喜，鴨胸肉超腍完全不過肥膩，拉麵煙靭有勁，整體味道真的不差…查看更多

好多年無再食過古月，今次完來好多嘢食都唔同，雖然古月仲有肉骨茶啊，但我最想食係蝦麵竟然無咗，但我都係想食湯麵，所以我就食咗慢煮鴨胸鴨白湯鮮製烏冬，除咗烏冬仲有太麵選擇。真係有覺得小小驚喜，覺得做得好好，唔知要慢煮幾耐，完全睇得出係好用心機去做。個湯底都好好飲，有一種好港式熟悉的味道，但講唔出我都有飲哂個湯但件鴨胸真係好滑，而且有5件鴨胸，真係好多肉，個鴨胸肉仲真係粉色。覺得佢哋好利害夠膽轉餐牌唔知佢哋會唔會再做蝦麵…查看更多

好耐冇來…. 以前真係好好的，失望….. 海鮮喇沙，得一隻蝦，三粒魚蛋…. 唉！！！一碗面要$82，我好似系食緊一碗$82嘅淨面，仲要個湯系冇乜特别一般喇沙湯底，加少少燒鵝皮仲要碎上，有啲揾笨，食完都要再去食麥當勞唉！失望到我第一次寫食評！…查看更多