古月

營業中

休息中

古月@錦屏街🌟古滑雞飯，價錢係$58，飲品係另外加，佢嘅份量嚟講唔算太大份，我覺得係中規中矩，但係食物質素嚟講就做得唔錯，個人嚟講比較鍾意食佢嘅雞，加埋佢本身餐廳嘅醬汁，配埋啲飯食幾好食，唯一有少少不足之處係啲飯有少少爛，影響咗入口嘅口感。肉骨茶就可以無限任添，$88，加埋一字骨，鍾意食肉骨茶嘅朋友都可以一試。好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟🌟衞生程度 （5粒🌟）🌟🌟🌟🌟

去到北角”古月”，一間米芝蓮的必比登推介。原本覺得米芝蓮鬼識食呢啲東南亞菜咩，好大機會又中伏。點知佢真係幾好食😋。頸青豬飯，魚露雞翼，三色奶茶，全部都帶點驚喜。可以再嚟。

喺北角小巷搵嘢食，唔小心入咗連續攞咗幾年米芝蓮既餐廳，主打新加坡、馬來西亞菜式古滑雞sold out🙉，所以試咗另外兩款菜式：藥膳黑肉骨茶$88藥膳味足夠但稱不上十分濃郁，有胡椒味。大約有四大嚿肉，及一大個完整的蒜頭，蒜頭已經浸泡於湯底及黑醬油很久，沒有了蒜頭的辛辣味，入口即溶。可惜該店選取的並不是小編喜愛的飽滿煙靭的白飯，咬落質地較薄身，米香不足，有點兒遜色🥲。椰汁雞$65樣子並不太討好，醬汁像茶餐廳一patpat的白汁🙃。可是味道比想像中好😯！醬汁味道有少少椰奶味，應該亦有加入咖喱香料(?)，連埋炸蒜一齊送飯幾好食。炸雞件大約有五件，欣賞炸粉很薄👍🏻，相對下肉的比例很高，炸的效果有點像生炸👍🏻。有少少青瓜絲於表面作點綴，亦令可解膩。結論1）餐墊很精美，進去時第一眼看到印象不錯，餐廳應該有心做既❤️2）對小編來說，白飯質感很重要！可惜該店選取的並不是小編喜愛的飽滿煙靭的白飯🫢。3) 小菜方面，這個價錢來說，是可以的。晚飯(不包括餐飲)人均$70都算係咁。份量足夠。4)餐廳座位不少，有機會搭枱，服務okay，不會食完就趕你走⭐️坦白講，小編覺得未算係米芝蓮級數🙈，但撇除米芝蓮嚟講，食物水準

米芝蓮食店又一吹大咗系列，新加坡鹹甜滑雞好普通咋喎～・・・・・・・・・・・・・・・・・・・・🐷 古滑雞飯 HK$95＞無骨雞上髀，古惑配料：自製雞汁，油飯・味道：鹹鹹甜甜嘅雞醬幾特別，本身唔太鍾意呢啲打晒芡咁一pat pat嘅醬，但同雞食落又幾夾。油飯好香口，有啲香茅同炸蒜嘅香料味，係令到雞油飯香更出。・口感：全部雞都好滑好香雞味，0雪味。係份量可以大份啲啫，同埋個飯太濕了，鍾意食偏淋偏濕嘅飯嘅我覺得太濕了～・・・・・・・・・・・・・・・・・・・・🤰性價比：中～🤰9衝度：可試～🤰結論：去到先發現係米芝蓮店，幾好食嘅不過未去到必食，穩陣新加坡菜。・・・・・・・・・・・・・・・・・・・・

今日行開北角 平時消費都會盡量幫襯小店！係OpenRice 搵左呢間古月食真係食到一肚火先講服務方面🥲同朋友每人揹住個背囊 攞住袋野一開始店員安排我地去張二人座位細枱因為見到大半間餐廳都係吉既 冇人坐同埋嗰個位係廚房出入口，所以態度都好好咁問店員（著住白衫Hongkonger 短頭髮 帶住笑哈哈耳環既女士）：可唔可以調枱，我地攞住好多野同埋會好快食完。女店員：唔可以，你地多野比張凳你咪得。我真係不解，眼見其他一人或二人既客人都係坐4人枱，而餐廳半個場都係吉既，另外餐廳出面冇人等緊，仲要態度好差咁回應，我黎食野點解要受你氣？將心比己啦 你攞住好多野出去食飯 啲職員有位都唔調比你 要你縮埋一嚿食 仲要態度差 你會點🙁食物方面🥲見到OpenRice好多人推薦古"滑"雞飯呀！真係估佢唔到 啲雞髀係鞋既 啲飯係爛嘅 落得太多水😅環境方面🥲我成餐飯都係縮埋一舊食。地下污糟，牆壁都好多污跡。員工仲要全程係企住喺隔離，跟住出入呢係咁掃到背脊🤧黎左呢到先明點解有人話留港消費係智商稅🥺🥺呢間古月入我black list 呀！！！

位於北角小巷嘅小店，連續幾年都上到米芝連嘅美食榜✨已經幫襯過好幾次～每次食完都有溫暖的感覺🥰今次繼續試下其他未食過嘅菜式香酥脆皮雞第一次點呢款～炸粉夠薄夠平均，唔會成口麵團，入面嘅雞夠滑，上菜溫度夠熱，好食啊😋黑白胡椒肉骨茶胡椒味略嫌不夠強，排骨肉質唔係好淋，有啲嚼勁～啲湯再熱啲就更好😬藥膳蟲草花滑雞米粉 滑雞肉質都幾嫩，亦夠哂份量，湯底清清地又可以滋潤一下都唔錯👍🏻飲品方面就只有散叫今次試青檸薏米水～正常發揮～食哂已經好飽～ 無叫到上次個咖央厚多士，唯有下次再食嚕🫡

喺北角都食到新加坡既水準，古月喺北角嚟講都算有啲名氣，lunch time都唔係成日食到，因為都有唔少熟呢區既人等位，今日撞啱早左出去食lunch就試下。今日試左呢度既《黑白胡椒肉骨茶》配米粉，先講講個湯頭，非常之重胡椒既香味，而且每一啖都帶有蒜香，真係十分之正。配埋米粉食，真係連湯都飲埋呀。再講吓啲肉，每一條骨都煲到十分之淋，十分之容易入口，而且保留左肉既解甜，並唔會因為咁既＜鞋拾拾＞。配上跟餐既甜豉油又有另一番風味。除此之外，亦跟左幾片油炸鬼，用嚟跟湯食又係一種享受。

都幾難食下,唔知幾年米芝蓮係點拎返黎….🥵🥵1️⃣頸青豬飯娘惹咖哩配豬頸肉.首先,依碟野5分鐘就上菜,心諗奇怪點解會咁快手有得食.食落唔係熱,只係暖暖地.已經超扣分,咖哩味唔係香,唔夠濃味.只食得出dd椰香味.豬頸肉係幾淋,但超薄一片,超級唔抵💰HKD$682️⃣鴨滷麵見到個賣相都唔開胃,鴨肉小得太誇張,得果幾條,食落肉質仲要硬.個湯底係好淡味.食車仔麵好過食佢,真係嬲.💰HKD$603️⃣冰糖羅漢果冬瓜龍眼水超級甜💰HKD$30

係北角/鰂魚涌番工既大家一定知道呢間古月！！最近仲搞緊週年活動又送橙茶又送雪米糍✌🏻✌🏻抵到傻之前食過佢既古滑雞真係好古滑 加佢佢比既醬汁 送飯食一流今次試吓另一個招牌辣椒板麵！！上面有隻溫泉蛋 雖然無肉食 但佢撈埋各種配料都已經好夠👍🏻✅食完無覺得好寡 清晒成碟🤣🤣🤣🤣不過略嫌位置有啲難搵 行左一段路先搵到 不過見佢咁好食就值得既👍🏻店舖所用既插畫都好得意❤️令人更加想試佢畫出黎既食物😙👍🏻👍🏻

極失望米芝蓮推薦餐廳，古法滑雞一啲都唔滑，辣椒板麵有啲單調🤔🔻古滑雞飯 💰60 ➡️6/10唔知點解要叫滑雞飯，一啲都唔滑，仲好嚡😩雞肉係用去骨雞脾，suppose應該滑嘟嘟，但係好似煮得太耐啦🤔雞肉上面淋左啲鹹鹹地嘅汁，都冇咩特別🔻招牌辣椒板麵 💰68 ➡️6.5/10有多款配料嘅撈麵，有小魚乾、肉碎、乾辣椒、溫泉蛋、蔥花、炸蒜、菜圃，麵質似油麵，食辣椒板麵會送一碗胡椒魚蛋湯，為左食麵冇咁乾😙如果齋食碗麵會覺得有啲唔夠餸，唔夠飽肚，同埋要落多啲辣椒醬先覺得夠滋味🤔不過佢地自製嘅辣椒醬唔錯，好香口😋將各種食材撈埋，口感都幾豐富😝🔻馬來拉茶 套餐+💰2 (小) +💰8 (大) ➡️7.5/10馬來拉茶幾好飲，又香又滑，比起其他菜色反而有驚喜🤣👅味道：6.5/10💡抵食：7/10📌環境：7/10——————————————————————🔍餐廳：古月 #古月🏠地區：#gdwest北角🍽菜式：#gdwest星馬菜💸價錢：人均$80📍地址：北角錦屏街後街29號地下A號舖

依間餐廳係2023年米芝蓮必比登推介的餐廳之一✨，係香港好少見到新加坡菜，所以我地好想去試下。 大概聽日午餐時間我哋前往，餐廳人唔算多，我哋一行六人到達後即刻有位置可坐。 一入餐廳，我哋即刻注意到佢獨特嘅擺設同裝飾，營造出一種舒適嘅氛圍💜。餐廳內的桌墊經過精心設計，色彩繽紛。 插畫同繪圖都好有創意😍 ，睇嚟似係請設計師幫手設計桌墊和壁畫。 我都不捨得把菜放在桌墊上🫣🫣。我哋六個人全部點了古滑雞飯🤪。 由於而家係八月感恩祭，套餐仲附送埋凍柳橙茶同雪米糍😋😋。⭐️ 古滑雞飯 $55雞飯的雞肉口感滑嫩，並且有濃郁的雞肉味道😍 。 它嘅醬汁係完美嘅搭配。 此外，而家仲配有一點點酸甜嘅汁同兩片細細嘅黃色酸蘿蔔。至於飯嘅部分，飯有點太軟細，口感唔太有嚼勁，都冇米嘅香味😶😶。 個人並不太鍾意呢種飯，可能係新加坡特色飯嘅一種。 佢同我哋平時喺屋企食嘅泰國米唔同，偏細且散開。⭐️ XO醬枱面仲有一罐XO醬可以自行添加😄。 XO醬有一定的辣度，同時也非常美味🤩🤩。 加入XO醬後，飯菜的味道更加豐富❣️，我強烈推薦試試看。 不過，佢真係好辣，後勁很強，所以唔太能接受辣味嘅人可能唔太適合🧐。⭐️ 凍柳橙茶、雪米糍 (

見佢話米芝連推介咗幾年，咁咪諗住試吓囉～不過去得呢啲米之連推介嘅餐廳都預咗名乎其實㗎啦，所以本身對佢冇好大期望，但冇諗過真係咁唔好食囉(´･_･`)星期六lunch 大概一點幾去到，唔洗等，我哋嗌咗一個滷鴨飯同辣椒板麵。個滷鴨飯冇影相，不過好多蒜，鴨肉煮得好老，有啲難咬，但佢問題都唔算大，仲叫食得入口。個重點係個辣椒板麵，個胡椒湯就唔評價啦，好視乎個人鍾唔鍾意胡椒味，我覺得趁熱飲都ok嘅。但個麵呢就超級無聊啦，一大兜又油、又淋、味道同口感都十分單一。真係唔知點樣食得哂成兜嘢，最後食咗幾啖就唔想再食，去第二度食好過啦（；＿；）平時啲餐廳最多都係味道普通、唔抵食，叫大家如果真係諗唔到食咩嘅可以一戰。但呢間就真係希望大家唔好以身試伏啦o(╯□╰)o

今天偶然在北角地鐵站附近發現了這家新加坡菜就決定進來試一試。我們點了一個肉骨茶還有另一個雞肉飯肉骨茶是有胡椒味的還蠻好喝的裡面也有一些排骨啊，蒜頭什麼的還不錯，然後雞肉飯份量不是很多，但是味道還不錯。

古月是一家新加坡美食餐廳，位於香港北角，曾在2016年和2017年的米芝蓮指南上獲得評選。我午餐品嚐了他們的古滑雞飯。這道菜對我來說有些過甜，但午餐套餐價格不到港幣60元，是預算有限的人的不錯午餐選擇。此外，菜品可以搭配油飯，但我選擇更健康的普通米飯。總的來說，雖然這道菜不是我最喜歡的，但古月有一個舒適的氛圍和友好的員工。我肯定會推薦這個預算友好的米芝蓮午餐選擇。Located in North Point, Hong Kong, Ancient Moon is a Singaporean cuisine restaurant that was listed in the Michelin Guide in 2016 and 2017. I had the opportunity to try their "rice with juicy chicken" dish, which was reasonably priced.The dish was a bit sweet for me. However, the price of this lunch set was below HK

My friend was highly recommending this south east asian restaurant, passing by and decided to give a try as an early dinner.I ordered curry pork rice with milk tea. It was unexpectedly yummy. Massive bowl of rice with right amount of curry sauce. Sauce didn't make the rice soggy. The deep fried shallots on top added so much crunch towards the dish. The chilli oil added extra spiciness towards the curry with a dash of nutty flavor too. Uncertain if it was sesame oil. Pork was tender and thinly sl