十八夢

❤️全年穀飼美國極佳級牛肩柳牛肩柳油脂豐富，肉味濃，肉質軟嫩但又帶有彈性，肉汁豐富，燒得岩岩熟，色澤鮮艷，粉嫩色，成口都係滿滿牛味，牛既油脂亦滲埋落去啲翠肉瓜度，超級好味道！🧡烤虎蝦茄子蓉蝦膏意大利飯虎蝦烤得好靚，焦香既外殼入面係彈牙既蝦肉，蝦肉鮮甜可口，茄子蓉係涼拌既，有啲蕃茄蓉撈埋，甜甜地，亦有啲醋酸，意大利飯就軟硬度岩岩好，有啲咬口，味道就啖啖都係蝦膏既鮮香，唔會太咸，岩岩好入味！每個午餐都會配有沙律餐湯飲品，食完夠晒滿足，加埋呢度既環境裝修，非常抵食！