影片
更多
2012-06-24
149 瀏覽
預早了個多星期BOOK位, 一行六人, 預訂了古法糯米雞&杏汁燉白肺湯, 雖然多次打去更改人數, 但係店員次次都好好態度抵讚一入到去, 就好有舊派的感覺, 光猛而乾淨好有型既餐牌話名叫茶室, 當然要試下D茶, 要了鐵觀音和普洱, 本人對茶既認識雖然不深, 但這理的茶確實一致認為不錯先來的就是名物之一: 杏汁燉白肺湯好大煲呢, 一大開就聞到好香既杏仁味, 一煲可讓六人分得每位一碗半一飲落去, 濃濃的杏汁味充斥住整個口腔, 質感香滑, 裡頭既白肺更是人間美味, 沒有任何的異味, 只有本身的原味 正!!! 飲過湯後, 先上的是叉燒, 雖然唔係肥叉, 但係食落都腍, 有肉味, 蜜味同鹹味適中, 很快又被清碟了再來是雲腿鴿甫, 鴿肉和草菇炒得幾香, 最精彩的是雲腿, 味道就似整甜左既金華火腿攞去炸, 非常可口接著是蝦多士, 大大舊炸到金黃色既蝦多士, 唔會有多餘既油份, 蝦肉彈牙爽口, 加上特製既酸甜汁真係一絕!生魚卷, 係用生魚肉卷埋金華火腿去炒架, 手工菜, 但味道也十分好, 炒得不油而香口, 魚肉爽甜, 加上火腿令到味覺層次豐富D另一主角登場, 超超超大隻既糯米雞~ 呢個真係超巧功夫, 成
一入到去, 就好有舊派的感覺, 光猛而乾淨
好有型既餐牌
話名叫茶室, 當然要試下D茶, 要了鐵觀音和普洱, 本人對茶既認識雖然不深, 但這理的茶確實一致認為不錯
先來的就是名物之一: 杏汁燉白肺湯好大煲呢, 一大開就聞到好香既杏仁味, 一煲可讓六人分得每位一碗半
一飲落去, 濃濃的杏汁味充斥住整個口腔, 質感香滑, 裡頭既白肺更是人間美味, 沒有任何的異味, 只有本身的原味 正!!!
飲過湯後, 先上的是叉燒, 雖然唔係肥叉, 但係食落都腍, 有肉味, 蜜味同鹹味適中, 很快又被清碟了
再來是雲腿鴿甫, 鴿肉和草菇炒得幾香, 最精彩的是雲腿, 味道就似整甜左既金華火腿攞去炸, 非常可口
接著是蝦多士, 大大舊炸到金黃色既蝦多士, 唔會有多餘既油份, 蝦肉彈牙爽口, 加上特製既酸甜汁真係一絕!
生魚卷, 係用生魚肉卷埋金華火腿去炒架, 手工菜, 但味道也十分好, 炒得不油而香口, 魚肉爽甜, 加上火腿令到味覺層次豐富D
另一主角登場, 超超超大隻既糯米雞~ 呢個真係超巧功夫, 成隻雞就係得番塊皮, 入面包住炒香既糯米飯, 真係好好食, 一D油膩既感覺都冇, 又唔會過鹹
子薑咕嚕肉, 呢個係我食過最好食既咕嚕肉, 佢唔係好似大排檔好有鑊氣O個種, 但係子薑味+酸甜汁+薄漿既啖啖肉真係夾到冇得頂!!!
蟹肉菜膽: 呢味相對普通喇, 不過蟹肉份量都算多既, 清清地咁囉
呢餐真係食得超滿足啊~雖然價錢稍貴, 但係有質素的服務, 環境同埋食物, 總算是物有所值喇!!!
題外話/補充資料：
因為是生日飯，店方仲可以幫我地雪起左個ＣＡＫＥ添，真係抵讚！
(以上食評乃用戶個人意見 , 並不代表OpenRice之觀點。)
張貼
