匠山

營業中

休息中

餐牌都好多選擇，但最開心嘅就係👉全日食嘢都冇加一🥳咁我就叫多啲野食啦⋯⋯匠山刺身沙律放上滿滿的刺身，下面就係沙律菜，夾起嘅刺身有: 三文魚、吞拿魚、油甘魚、帆立貝、甜蝦。將沙律醬、蟹籽拌勻刺身，每口刺身伴隨爽口嘅沙律，美味嘅前菜。吞拿魚醬油漬飯吞拿魚味道清淡， 但因為含有豐富嘅魚油，甘香嘅魚油配搭醬油漬飯就更好味。匠山特上刺身飯甜蝦鮮甜、呑拿魚清淡、油甘魚甘香、三文魚籽口感爽脆，亦帶鮮味、呑拿魚蓉口感綿軟，油脂味濃，配飯一流。明太子雞翼炸到外皮香脆，咬落雞肉柔軟，加入左明太子，味道帶一點辣和鹹，豐富左雞翼嘅口感。炸蟹肉忌廉薯餅炸得外皮鬆脆，內餡有軟滑忌廉，有薯仔味嘅薯餅。比目魚西京燒煎到外皮香香，醬油味濃，魚肉夠滑，每口都食到比目魚油脂嘅香。