雲南小鍋米線

營業中

休息中

喺石籬附近玩完活動，朋友話帶我食好味米線，於是就試咗呢間小鍋米線，不過我fd話舊老闆娘主理嗰陣仲好食，但依家都ok。我叫咗自選米線，配料揀咗肥牛、響鈴、豬腸、肉碎，佢另外本身會跟韭菜、芽菜同腐竹。我揀咗清湯配肉碎辣，算係最唔辣嘅一種配搭。肥牛冇乜肥，但唔韌，豬腸好入味，不過佢切到細細條，如果切件會更有咬口。小食我嗌咗麻辣豬耳，好好味，好爽口，不過都幾辣。朋友推薦食佢個招牌雞絲米線，話係人手摵幼絲配湯好好食，我試咗少少，唔乾嘅，不過我唔鍾意佢嗰種雞鬆口感。好彩我哋5:30pm入座，嗰陣仲未坐滿，啱啱有位，未夠6點已經full晒要排隊，fd話佢午市同晚市都好full，唔想排隊就要揀啱時間去。