釜山商會

呢條韓國街真係好多正宗嘅韓式美食。我哋呢日午餐就嚟呢間，做咗個好得意嘅選擇。個餐牌明有好多嘢食，我哋兩個都俾章三蝦吸引。🍖章三蝦其實係一個韓式鍋物，內容非常豐富，包括咗豬肉，薄薄咁切，肥肉同瘦肉比例均勻，非常香，又爽口。蝦肉話系三蝦，其實係N蝦，由於本身預計只有三隻，多過三隻嗰一刻好有驚喜，但係就冇特登去計算，不過口感就非常彈牙，又好大隻。咁我冇數蝦數量嘅原因就係因為個隻章魚。佢嘅面積繫個鍋嘅一半，一開始見到嘅時候已經嚇咗一跳，就好似加勒比海盜，入面嗰個八爪魚怪，係個水面浮出嚟咁，個樣好震撼，不過味道就非常之可口，非常之脆身，同樣系條狀，同韓國拉麵煙煙韌韌嘅口感就變得相影成趣。成個鍋物都非常之 yummy。🍖咁點解我哋要兩個人都揀同一個鍋呢？就係因為個湯底。我就鍾意飲個辣湯，朋友就鍾意飲原味。貪佢可以自由配搭，加入伴菜嘅kimchi，選擇辣度。不過無論邊一樣，你見住個鍋滾住咁出嚟，你都好想先飲幾啖。