Casamigos

營業中

休息中

駱克駅一向都係銅鑼灣唔錯嘅食飯地點，因為成幢大廈都係食飯，今次就食咗呢間西班牙菜。未到晚飯時間餐廳唔算太多人，所以有得揀坐室內或者室外。🐟 鯷魚橄欖脆包鯷魚橄欖脆包味道比較酸，不過就一啲都唔腥，食完幾開胃，幾有特色嘅一款小食。🥠 西班牙薯仔蛋餅蛋餅面放上醬料睇落去靚仔好多，內裹餡料勁多，而且仲係流心口感。🍝 手工闊條麵見到蟲草花配野菌牛油呢個配搭幾特別，所以就膽粗粗叫咗試下，手工闊條麵煙韌有彈性，蟲草花同野菌香氣融入牛油裏面，估唔到呢個配搭都幾有驚喜。🐖 西班牙黑毛豬鞍黑毛豬鞍超級正 🤤 口感好淋有肉味，伴碟有炸咗嘅香口羽衣甘藍同口感軟綿嘅薯蓉。🐏 澳洲羊架羊架燒到啱啱好，肉質嫩滑多汁，配上蛋黃醬好食到返唔到轉頭，伴碟仲有薯蓉、甜椒、松茸菇。