牛舞日本燒肉‧涮涮鍋放題 (利舞臺廣場)

營業中

休息中

一間燒牛肉放題店，突別賣點係佢有刺身同火鍋。環境乾淨光線充足，半落單半自助吧形式供應食品，自助吧有熱盤區供4-5個小菜、蔬菜區、甜品區及飲品區。落單主要肉食、海鮮、刺身、壽司等。 刺身方面種類唔算多，size比一般日式放題店提供的小同薄，解凍算係做得唔錯，但唔多吸引，有點虎頭蛇尾的感覺。明明是一個本應加分的賣點，但正式做到又加唔落分。 火鍋方面今次幫襯和牛的，佢上碟薄身肉很瘦唔肥，解凍感覺做得唔太好，滾熟後咬口比較靭。其他火鍋配料唔算多唔驚喜。 燒肉方面和牛質素係有點輸蝕，牛的肥瘦花紋賣相係差少少🤏，有牛肉味，唔太油。鮑魚算大隻連殼的，甲羅燒可自己調教雞蛋醬，帶子中規中矩。 甜品區較多選擇，賣相算係吸引。 服務方面，服務員有時會走去客到教人點樣燒，算係唔錯服務。 價錢六百幾加一，食品種類算多唔精，火鍋刺身燒肉甜品都有，算係比上不足 比下有餘，加上唔似大牌子排死隊，一解燒肉荒係可以，算係合格。 Ps:個人懶唔想等的時候會再幫襯，但有時間有心情都係會等大牌子😂。