影片
更多
2018-03-31
837 瀏覽
今日食左餐開心飯, 放工衝去養和探完朋友同佢既初生寶貝後再帶佢父母去左餐豪華中菜.餐廳環境好寬敞舒適, 服務都好一流! 餐牌都比出面先進, 自動落單每一款食物都有自己既一張相. 由於開心既關係我地都豪叫了一個二人餐再加幾個小菜.前菜係呢個咖啡煙燻溏心蛋, 食落好濃煙燻味又香口不過就唔係好食到咖啡味. 另外既蟲草花牛蒡都好特別凍凍地又酸酸may may又有麻油味開胃又醒神.跟住呢個湯我真係0晒咀呀!!! 湯中豆腐做既花靚到咁叫我點樣捨得食呀, 豆腐做既花浸在用雞同金華火腿煲濃濃的湯真係好正呀! 另外仲有一塊又林又唸口又滑既花膠扒, 店員話可以就咁食或者浸在湯中都可以, 成碗湯加花膠都充足晒骨膠原呀!! 識嘆既uncle 就在6個小菜中選左3個海鮮出黎,佢話佢分析過係最好最抵食既配搭. 蒸龍躉球超滑配埋豆腐去蒸食落口感係滑上加滑既感覺, Major 係上面既欖菜提升左魚既鮮味.重點想提提最後既芝士大蝦伊麵, 嘩香濃芝士香到停唔到口,呢個份量係令到我地有點唔夠喉, 蝦球又爽口,好好食呀!! 最後就係瑤柱蛋白炒飯, 一人一小煲非常別緻可愛. 炒飯炒得好香口好乾身, 加埋菜粒有爽口的口感!! 係
餐牌都比出面先進, 自動落單每一款食物都有自己既一張相. 
由於開心既關係我地都豪叫了一個二人餐再加幾個小菜.
前菜係呢個咖啡煙燻溏心蛋, 食落好濃煙燻味又香口不過就唔係好食到咖啡味. 另外既蟲草花牛蒡都好特別凍凍地又酸酸may may又有麻油味開胃又醒神.
跟住呢個湯我真係0晒咀呀!!! 湯中豆腐做既花靚到咁叫我點樣捨得食呀, 豆腐做既花浸在用雞同金華火腿煲濃濃的湯真係好正呀! 另外仲有一塊又林又唸口又滑既花膠扒, 店員話可以就咁食或者浸在湯中都可以, 成碗湯加花膠都充足晒骨膠原呀!!
識嘆既uncle 就在6個小菜中選左3個海鮮出黎,佢話佢分析過係最好最抵食既配搭.
蒸龍躉球超滑配埋豆腐去蒸食落口感係滑上加滑既感覺, Major 係上面既欖菜提升左魚既鮮味.
重點想提提最後既芝士大蝦伊麵, 嘩香濃芝士香到停唔到口,呢個份量係令到我地有點唔夠喉, 蝦球又爽口,好好食呀!!
最後就係瑤柱蛋白炒飯, 一人一小煲非常別緻可愛. 炒飯炒得好香口好乾身, 加埋菜粒有爽口的口感!! 係成餐完美的終結呀!
呢個甜品就賣相差左小小, 不過都好好味! 成餐都好滿足呀!! 張貼
