影片
更多
2022-05-14
54 瀏覽
地中海係一個被三大州包圍嘅大海域，沿岸國家有20多個，地中海飲食就係指其周邊國家嘅傳統飲食，飲食原則主要以食用橄欖油、富含膳食纖維的蔬菜、水果、堅果、乳製品，並且每週適量攝取魚、雞、蛋，每餐搭配適量紅酒等，研究指地中海飲食可以降低患心血管疾病風險。Boaz House位於悅來酒店，經過餐廳正門望到餐牌菜式特別又新奇，知道係地中海菜，抱住嚐新嘅心態，好期咁上網睇吓資料，又親身去試下味道。原來餐廳係基督教背景，某些佈置上和墊餐紙上都印有金句，地中海令人聯想起「海」同「舒服」嘅感覺，餐廳淺藍色嘅挨凳不難令人諗起海洋，餐廳空間感十足，成遍嘅花牆，都俾人舒舒服服嘅感覺。2人晚餐$368，非常實惠：➺餐湯南瓜湯微甜不濃厚，飲完正好吊出胃口，期待前菜。➺經典鷹嘴豆蔬菜球以色列國民美食。鷹嘴豆係土耳其堅果，菜式係磨碎鷹嘴豆同蔬菜，外面炸至金黃，淋上芝麻醬。食落非常有驚喜，鷹嘴豆磨成泥漿嘅口感好似薯蓉，一啖咬落去，咦？鬆化到咁嘅？隨碟嘅沙律份量都唔少！➺以色列炸雞每個地方都有自己習慣炸雞嘅口感，呢種炸雞真係好脆，食到咯咯聲，好可口，覺得熱氣嘅時候不妨食下隔離嗰啲石榴籽，酸酸甜甜，有時一下酸到瞇起隻眼之後
Boaz House位於悅來酒店，經過餐廳正門望到餐牌菜式特別又新奇，知道係地中海菜，抱住嚐新嘅心態，好期咁上網睇吓資料，又親身去試下味道。
原來餐廳係基督教背景，某些佈置上和墊餐紙上都印有金句，地中海令人聯想起「海」同「舒服」嘅感覺，餐廳淺藍色嘅挨凳不難令人諗起海洋，餐廳空間感十足，成遍嘅花牆，都俾人舒舒服服嘅感覺。
2人晚餐$368，非常實惠：
➺餐湯
南瓜湯微甜不濃厚，飲完正好吊出胃口，期待前菜。
➺經典鷹嘴豆蔬菜球
以色列國民美食。鷹嘴豆係土耳其堅果，菜式係磨碎鷹嘴豆同蔬菜，外面炸至金黃，淋上芝麻醬。食落非常有驚喜，鷹嘴豆磨成泥漿嘅口感好似薯蓉，一啖咬落去，咦？鬆化到咁嘅？隨碟嘅沙律份量都唔少！
➺以色列炸雞
每個地方都有自己習慣炸雞嘅口感，呢種炸雞真係好脆，食到咯咯聲，好可口，覺得熱氣嘅時候不妨食下隔離嗰啲石榴籽，酸酸甜甜，有時一下酸到瞇起隻眼之後，又可以繼續食多件雞！有超過10件咁多！
➺水波蛋香草燒汁雞肉意粉
見到菜式名嘅感覺好似好港式，但係上面又落咗地中海菜鍾意加嘅薄荷葉，醬汁都加咗好多調味料，食到有蒜又有少少咖喱味。醬汁夠晒多，最鍾意係意粉嘅質感，又掛晒汁！
➺以色列甜甜圈
聽到個名以為好甜，見到個樣以為好飽。食落又唔係喎，切件放入口，首先係感受到濃烈嘅玫瑰醬味道，唔係好甜，糖漿、糖粉又去除咗下面粉團嘅單調，最後又食晒！
➺凍奶茶（凍飲另加$3 ）
奶滑茶味突出，都大杯㗎！
➺百香果冰茶（特飲另加$15 ）
個樣好吸睛，顏色鮮艷，咁亞熱帶風情嘅？底部全部都係椰果，面層又加埋百香果籽，有d誠意！建議少甜！
非常有興趣試吓其他菜式，見到set lunch幾十蚊有交易，會回訪！
張貼
