影片
更多
2022-09-04
1968 瀏覽
今次係第一次跟朋友嚟食中東菜 位置係中上環嘅中間😌 一行到過嚟就覺得氣氛好好 所有店員都係用英文Serve你 好有置身係外國嘅感覺🥰 感覺佢哋好親切 好helpful餐牌選擇唔算太多 但係朋友話大部份嘢食都好食 所以是但揀咗幾樣🙊煙燻鷹嘴豆蓉呢個醬真係做得好出色👍🏻 全個都係鷹嘴豆蓉整出嚟 而且煙燻味好香 第一啖就係豆香 食到嗰陣味最尾就會感受到個煙燻味湧出嚟🐷自家製薄餅一碟有三塊 其實就咁食 麥味已經好香 佢唔係印度嘢嗰種薄餅 咬落好脆嗰種 有少少似Pizza咁嘅口感 但係佢係外脆內軟嘅 再配埋個煙燻鷹嘴豆蓉真係好好食😋 係一個好好嘅配搭香烤西蘭花配羽衣甘藍呢碟我反而係有少少失望 因為成個味好草青😮 西蘭花好似有半棵冇切咁上嘅 本身以為好方便可以用叉 一吉就食得🤣 第一下有少少嚇親 因為一嚟係成棵西蘭花咁起咗身🥦恰摩拉醬烤雞肉串呢碟雖然賣相唔係特別吸引 但係呢三串雞肉都烤到好香 而且咬落口好有肉汁🐥 上面啲醬孜然味好香 側邊仲有啲醃製咗嘅青椒🫑 食落口唔係好辣反而酸味較重烤羊架配蒜蓉乳酪和中東香料油呢碟烤羊架我都係非常推介💛 二百零蚊有三件烤羊架 每件都好厚身 而且唔會烤到太熟 所以
今次係第一次跟朋友嚟食中東菜 位置係中上環嘅中間😌 一行到過嚟就覺得氣氛好好 所有店員都係用英文Serve你 好有置身係外國嘅感覺🥰 感覺佢哋好親切 好helpful
餐牌選擇唔算太多 但係朋友話大部份嘢食都好食 所以是但揀咗幾樣🙊
煙燻鷹嘴豆蓉
呢個醬真係做得好出色👍🏻 全個都係鷹嘴豆蓉整出嚟 而且煙燻味好香 第一啖就係豆香 食到嗰陣味最尾就會感受到個煙燻味湧出嚟🐷
自家製薄餅
一碟有三塊 其實就咁食 麥味已經好香 佢唔係印度嘢嗰種薄餅 咬落好脆嗰種 有少少似Pizza咁嘅口感 但係佢係外脆內軟嘅 再配埋個煙燻鷹嘴豆蓉真係好好食😋 係一個好好嘅配搭
香烤西蘭花配羽衣甘藍
呢碟我反而係有少少失望 因為成個味好草青😮 西蘭花好似有半棵冇切咁上嘅 本身以為好方便可以用叉 一吉就食得🤣 第一下有少少嚇親 因為一嚟係成棵西蘭花咁起咗身🥦
恰摩拉醬烤雞肉串
呢碟雖然賣相唔係特別吸引 但係呢三串雞肉都烤到好香 而且咬落口好有肉汁🐥 上面啲醬孜然味好香 側邊仲有啲醃製咗嘅青椒🫑 食落口唔係好辣反而酸味較重
烤羊架配蒜蓉乳酪和中東香料油
呢碟烤羊架我都係非常推介💛 二百零蚊有三件烤羊架 每件都好厚身 而且唔會烤到太熟 所以食落口仲有好多肉汁 肉質唔會太韌 底下嘅蒜蓉乳酪同羊味好夾 比起喺其他餐廳配薄荷醬更加好食
由於位置喺PMQ附近 下次可以去完PMQ再過嚟食🤪 因為餐廳氣氛真係好舒適 入到去仲熄咗少少燈 好啱同另一半嚟呀
張貼
