Le Viet

營業中

休息中

星期五晚食下越南菜，好多人出街食飯，等左一陣記安排入座。眼見好多枱都叫左個鍋，原來係咖喱牛腩鍋配法包，我地都叫左個黎試下。咖哩偏甜少少辣，牛腩得兩舊，另外有兩三舊牛筋、薯仔、洋蔥等，有個爐熱住唔錯！法包熱辣辣又軟熟，配住咖哩食係唔錯！另一樣叫左越式拼盤，有四款小食分別係越式春卷、扎肉蒸粉包、蝦餅同埋豬頸肉，個人覺得最出色係扎肉蒸粉包，其他小食味道都唔錯，不過同泰式小食有啲相似。最後叫咗個菠蘿炒飯，炒得幾乾身亦都食到有一粒粒菠蘿，上面仲有幾隻蝦同肉鬆，配搭得幾好。整體評價中上，侍應都好勤力加水，商場鋪所以覺得價錢合理。