Tokio Joe

營業中

休息中

朋友推薦下來了一試這間餐廳的Tasting Menu，地點好方便就喺蘭桂坊入邊，中環收工嘅話行過去都幾快。特登揀星期一去，想要靜靜地咁享受二人晚餐，因為星期五蘭桂坊一定超多人。～Chef's Appetizer 前菜為枝豆，爽脆嫩綠，佐酒不錯。刺身方面，迷你吞拿魚沙律口感鮮嫩，吞拿魚刺身色澤粉紅，魚油滿滿，都很不錯～接下來是Joe's Signature Sushi ，個人非常鍾意炸壽司飯上面擺滿辣吞拿魚蓉的菜式，香口有新意，北海道海膽就好鮮甜，而深海池魚爽彈爽彈的～一向都唔鍾意紫蘇葉，見到呢度天婦羅係用紫蘇葉包起再炸，本來想枱嘅時候好擔心，點知食完之後出乎意料地好鍾意，紫蘇葉炸完之後脆卜卜，可以解膩同時，又為單純的魚味加入獨特嘅紫蘇葉香氣。～在主菜方面，龍蝦湯稻庭烏冬非常濃郁，天婦羅蝦同樣都係炸得外皮香脆，浸泡落龍蝦湯入邊一陣之後，有種平時麵包浸西湯嘅感覺，幾有趣。～最後嘅甜品幾有驚喜，有水果有雪芭有雪糕，好豐富，而且黑芝麻雪糕口感細膩順滑，為晚餐很好地收結。