168
10
2
| 餐廳: | Tokio Joe |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵中環站 D2 出口, 步行約5分鐘
繼續閱讀
電話號碼
25251889
開飯介紹
Tokio Joe 自1995年起為本港熱愛日本菜的食客提供優質的日本餐飲體驗，25年來深受各界歡迎。餐廳的行政總廚華師傅從傳統的日本菜及文化娛樂取得靈感，並注入其本人對當代日本菜的敏銳觸覺，製作了一系列全新的「廚師發辦」餐單及單點菜式；他堅持選用最新鮮空運到港的食材，並利用其千變萬化的烹調技巧，致力保留各種食材的原汁原味。
繼續閱讀
營業時間
今日營業
12:00 - 15:00
18:00 - 00:00
星期一至日
12:00 - 15:00
18:00 - 00:00
*星期一至五最後點菜時間: 14:30及22:45 星期六及星期日假日早午餐:最後點菜時間: 14:30 晚餐最後點菜時間: 22:45
以上資料只供參考, 請與餐廳確認詳情
有關獎賞計劃
優惠
相關文章
年紀漸長，感覺去蘭桂坊玩樂已經超咗齡🤣朋友約我前幾日放工落「坊」去一間日式餐廳食個Tasting Menu🍣行到發現好多舖位都變咗餐廳，就好似見証住時代嘅變遷🌃除咗Tasting Menu之外，餐廳仲有做Omakase，希望下次有機會試試🍣Tasting Menu超豐富，包括前菜、沙律、刺身、壽司、和牛、海鮮烏冬鍋同甜品，每位$1080。本人食後感係覺得食物質素、環境、服務對得住個價錢！前菜二重奏 - 燒蠔及鱈場蟹腳————————————超大隻燒蠔🦪超肥美🤤外層嘅調味少少焦香，但蠔肉仍然保持Juicy、順滑嘅口感！調味好特別，好重蒜香、有少許芥末味，整體味道層次豐富。鱈場蟹腳非常厚肉🦀肉質鮮甜又彈牙，凍食冇加調味，原汁原味係最正🤤炙燒平目魚沙律————————————平目魚屬於白身魚，魚味較清淡鮮嫩🐟作為沙律好適合，經炙燒後略帶焦香，醬汁微酸，配合新鮮菜🥗非常開胃。刺身三點 - 吞拿魚腩、粒貝、鰤魚————————————好厚嘅吞拿魚腩🤤油脂同魚肉口感平衡，用紫蘇菜包住食，別有一番風味。鰤魚刺身味道清爽，肉質較厚實，含豐富DHA！粒貝口感超爽彈，帶淡淡海水味🌊壽司 - 針魚、吞拿魚、北海道海膽————————————新鮮橙黃色嘅海膽🍣入口超軟滑，淡淡海水鮮味，未開到口讚嘆佢嘅美味，就已經係我口中溶化🤤吞拿魚蓉加上黑芝麻，壽司米烤得香脆🍣 赤身吞拿魚🍣入口較爽彈，魚味較重。針魚經炙燒後，滲出甘香嘅魚油🍣佐賀和牛粒————————————全日本約 150 種和牛品牌中，佐賀牛與號稱「日本三大和牛」的松阪牛、神戶牛並列同等級，係和牛界中嘅頂級肉質品種🐮「A5」代表最高級嘅和牛，霜降度毋庸置疑，真係入口即溶🤤配上炸蒜片同牛油汁，口感更加昇華。海鮮烏冬•香辣湯————————————係一個超豐富嘅烏冬鍋呀🍲好多蟹🦀仲有蔬菜🥬菇🍄🟫等等，烏冬配上微辣嘅湯，食咗咁多魚生、壽司，食鍋物暖返個胃，好滿足。最後有甜品，係日式芝麻雪糕🍦仲有水果🍉
繼續閱讀
去蘭桂坊大家都會覺得係飲酒食西餐嘅地方，但係入便就有一間屹立29年，坐滿外國人嘅隱世日式居酒屋店內裝潢以昭和懷舊風格為主，走高級奢華路線，令大家瞬間就好似飛到日本一樣嘅感覺行政總廚師傅從傳統的日本菜及文化娛樂取得靈感，並注入其本人對當代日本菜的敏銳觸覺，製作一系列廚師發辦及單點菜式而且堅持選用最新鮮空運到港的食材，並利用其千變萬化的烹調技巧，致力保留各種食材的原汁原味令大家都可以得到優質的日本餐飲體驗，所以當年來都深受各界歡迎食物方面:Tasting Menu 前菜到甜品有七道菜前菜二重奏 : 係燒蠔拼鱈場蟹腳，鱈場蟹腳肉質鮮甜彈牙，燒蠔肉質隻肥美，表面加上燒溶嘅芝士，夠曬惹味炙燒平目魚沙律 : 平目魚魚味清淡，肉質鮮嫩，炙燒後入口即化，再配埋自家製油醋汁嘅新鮮沙律刺身三點 : 有肥美嘅吞拿魚腩、極為爽脆嘅粒貝及肉質鮮甜嘅鰤魚，高質甜嘅刺身三點廚師精選壽司 : 有齊北海道海膽、赤身、油甘魚、甜蝦三文魚子、吞拿魚蓉炸飯卷、蟹籽炸蝦牛油果卷，魚生夠曬新鮮佐賀和牛粒 : 用上 A5 佐賀和牛切成牛肉粒，濃厚鮮嫩多汁充滿油脂感，再配上蒜片牛油汁，更加惹味海鮮烏冬香辣湯 : 烏冬上枱熱辣辣，有鱈場蟹、帶子、蟹柳、菠菜娃娃菜，份量十足，味道帶微辣芝麻雪糕 : 芝麻雪糕味道濃郁，夠曬冰凍生果拼盤 : 有齊西瓜，提子及蜜瓜，非常鮮甜網址 : https://lkfconcepts.com/pages/tokio-joe
繼續閱讀
週末假期，想舒舒適適咁嘆美食同傾下計，揀一個好既Brunch係非常之重要😎 今日就同閨蜜去咗中環＜TOKIO JOE＞ 試佢哋嘅週末早午餐，呢間餐廳質素高，除咗特定嘅小食，刺身拼盤同主菜之外，佢任食嘅選項都好多，有天婦羅，串燒，沙律，卷物同甜品等等，最緊要係你完全覺得係高級日本餐廳單點嘅質素，正😍餐廳裝修係日式設計，毫無壓迫感，可以好放鬆咁食野，餐廳嘅師傅喺open kitchen度即制美食，視覺享受都唔錯😌🌟北海道蟹肉伴海膽蟹肉有海水味，配少少海膽提鮮，ok喎💕🌟薄切平目魚刺身呢個小食係視乎人數送嘅，我哋兩位就有呢款刺身 ，新鮮刺身配埋酸汁，好開胃👍🌟刺身拼盤真係好高質嘅刺身拼盤，有吞拿魚赤身，吞拿魚腩，平目魚，油甘魚，甜蝦，北海道帶子同三文魚等， 樣樣都好新鮮，尤其是個帶子，味道真係好鮮美，堅北海道貨🫶🏻🌟沙律有好多種沙律揀，我哋揀咗佢個招牌吞拿魚沙律， 份量都唔少，佢個汁做得好，配埋新鮮嘅吞拿魚條，係好好食✅🌟蟹肉菠菜沙律沙律夠凍，菠菜爽，配麻醬同埋蟹肉，非常之好❤️🌟燒物試咗日本雞翼，牛舌，小青椒，雞軟骨，雞腿肉同免治雞肉棒，我想講樣樣都好好食，全部都係單點質素，我建議全部叫曬，值得encore嘅係日本雞翼 ，燒得真係好好，另外燒牛舌都係好好味🥰🌟炸物餐廳嘅炸物係天婦羅做法，梗係每樣都叫兩件試下啦，平目魚，海蝦，南瓜，蕃薯同茄子，全部都好好食，質量好高，其中平目魚做法比較特別，用紫蘇葉包住炸，好味🤤🌟主菜A5 佐賀和牛薄燒好掂！生熟度啱啱好，有多幾件就好啦🤣🌟龍蝦湯海鮮拉麵好濃嘅龍蝦湯，食完成身都暖曬😃🌟甜品估唔到有咁多種，叫咗生果拼盤，檸檬雪葩，綠茶紅豆雪糕同芝麻雪糕，全部清曬，好好味💕不知不覺我地係＜TOKIO JOE＞就食咗差唔多三個小時，環境同美食往往令到你唔知時間，呢個週末覺得非常都愉快！ 真心推介🫶🏻
繼續閱讀
前日去左位於中環蘭桂坊嘅Tokio Joe食Tasting Menu，呢間餐廳好有日本風格，燈光較為昏暗，好有格調。呢一個Tasting Menu由前菜到甜品，足足有七道菜，價錢係$1080，CP值好高。-炙燒平目魚沙律沙律菜好新鮮，味道上酸酸地非常開胃，而平目魚刺身相當有驚喜，刺身有輕輕火炙過，望落就已經好吸引。 -燒蠔&蟹肉燒蠔非常之大隻肥美，表面會放上芝士，燒完之後溶化望落就已經心心眼，成隻蠔一啖食落去，真係好鮮味。而隔離嘅鱈場蟹肉已經開咗底下嘅蟹殼，一推就出到嚟，食落口好鮮甜好有蟹味，相當唔錯。 -刺身三點刺身分別係拖羅、粒貝、鰤魚，大拖羅油脂豐富入口即溶，粒貝食落好有口感，而鰤魚味道豐富得來亦都相當有咬口，三款刺身都非常新鮮。 -壽司而壽司就有六件，特別驚喜嘅係海膽同甜蝦，非常鮮甜而且海膽嘅金味非常突出，海膽嘅份量仲多到就嚟瀉咁滯。而甜蝦亦都好細嫩甜滑，配上完美嘅醋飯，真係好想再encore。-佐賀和牛粒食完海鮮就輪到牛肉啦，機A5佐賀和牛粒結肉味簡直無與倫比。烹調得外焦內嫩，咬落口非常Juicy，牛味亦都好濃郁，配上炸到金黃脆身嘅蒜片，味道同口感都好有層次感。-海鮮烏冬最後嘅海鮮烏冬依然好有驚喜，酸辣嘅湯底好惹味配上訓練十足嘅蟹肉同其他海鮮個湯底簡直鮮味道不得了。而且烏冬本身都係主角之一，烏冬口感又滑又彈牙，真係好食到停唔到口。-芝麻雪糕食完咁豐富嘅日式料理最後再嚟一個味道濃郁嘅芝麻雪糕，真係大滿足。 -
繼續閱讀
💡高級日式料理 今晚同朋友去咗Tokio Joe食tasting menu，有齊日前菜，沙律，刺身，壽司，和牛等等，好豐富。每道菜都好精緻，餐廳暗黑風格超有格調🖤，師傅發辦嘅海鮮全部飛機貨✈️，好新鮮。🌊前菜二重奏 🦪燒生蠔好大隻生蠔，蠔肚creamy到似食奶凍，超肥美。口感好順滑，味道juicy。🦀鱈場蟹腳肉質鮮甜夠彈牙，唔洗加調味，都夠味🔥炙烤平目魚沙律 師傅即席用火槍炙燒比目魚邊🐟，魚油滴落沙律菜度，配自家製山葵油醋汁，酸酸地超開胃～ 🎨刺身三點 間八魚爽脆得黎又清甜 ，北寄貝好新鮮，又彈牙 ，大拖羅，油脂香爆燈，入口即溶感覺。大滿足。🍣主廚壽司三貫 🐟針魚經過炙燒後，更能迫出油脂香。🐟吞拿魚中腹魚油甘香迴盪，非常香口。🐟馬糞海膽軍艦北海道直送！淡淡海水鮮味。🥩佐賀和牛A5燒 最頂級的和牛，用上 A5 佐賀和牛切成牛肉粒，大粒得黎又好彈牙，一咬落去，非常juicy， 再配上蒜片牛油汁，更加惹味 。🌶️海鮮烏冬 香辣湯好豐富的烏冬鍋，材料十足，有蟹肉，帶子，好多不同的蔬菜，烏冬掛湯力一流，食完成個人暖粒粒❄️→🔥 🍨芝麻雪糕質感綿密的，好香芝麻味，另外仲有水果食，好滿足。
繼續閱讀