素年 (三陂坊)

營業中

休息中

今日唔知係初一定十五，同行有位朋友想去食素，就揀左呢間素食餐廳。真係估唔到素食可以咁有驚喜～～～第一個點左個炸香芋波波裡面勁多香芋！蕃薯條，好食～正常質素。呢個魚香茄子意粉好有驚喜！！！ 啲肉碎整到好似真肉完全食唔出係素食，而且唔會太油，意粉又煮到岩岩好。係份量唔算多，但真係好食。漢堡就真係有啲普通，因為佢得個大啡蘑菇，又無咩醬，成個食落有啲乾，芝士唔夠多，個包本身都有啲乾，相比其他菜式，係有啲失望。咖哩豬扒飯，一入到去就見到好多人叫，我哋都唔執輸叫左，非常非常好食！超多咖哩汁，加埋塊平果食落口平衡返唔會太膩。豬扒炸得好鬆軟，呢道菜係必食之選！呢個青意粉就有啲普通唔夠味。最後黎到甜品，呢個pancake 好正又大份，我哋四個人食差啲食唔晒😂另外朱古力同個蛋糕就都好食不過無咩特別。