影片
更多
2022-08-27
1291 瀏覽
呢間鐵板燒比起平時嘅相對於大間，有一間大房鐵板燒位同三個細鐵板燒位，仲有個bar枱既omakase，今次我地就試佢既鐵板燒先，但估唔到好多人食，唔係淨係我地90後，仲有一大班媽媽級甚至一家人帶埋小朋友嚟食，證明依家啲人真係好識食今次我哋叫咗呢個套餐係龍蝦鐵板燒二人前 $2380包咗前菜，沙律，汁煮白鱈魚，龍蝦配海膽汁，季節料理，熊本縣產A5王牛，炒飯，雞湯，甜品酒浸日本乾鮑肥大而且肉厚軟滑，而且酒味幾香👍🏻👍🏻酸汁藜麥沙律藜麥我淨係喺沙律嘅時候會食，食落去個沙律好fresh,而且沙律菜都新鮮上面仲有合桃，合桃唔會苦澀汁煮白鱈魚師傅提醒最後先食皮，因為好熱鱈魚要同洋蔥一齊食，要配埋側邊既黑胡椒食落去洋蔥汁甜，魚做到外脆內滑，讚 👍🏻個人認為要同洋蔥同埋洋蔥汁一齊食會更加出色，因為個洋蔥汁好甜，而且佢煮完嘅洋蔥汁唔會話10分大陣洋蔥味，仲可以令到個魚都好入味😋龍蝦膏海膽汁驟眼睇都唔覺有咩特別，但係見到佢喺鐵板上面郁，同埋上碟嘅時候發現原來佢好大隻，因為佢嘅龍蝦肉勁多，同朋友一人一半，但係佢嘅龍蝦肉嘅份量係多個平時出邊食嘅一人前份量，而且龍蝦側邊配咗海草，令到成件事唔會淨係食龍蝦好膩，我見到
今次我哋叫咗呢個套餐係龍蝦鐵板燒二人前 $2380
包咗前菜，沙律，汁煮白鱈魚，龍蝦配海膽汁，季節料理，熊本縣產A5王牛，炒飯，雞湯，甜品
酒浸日本乾鮑
肥大而且肉厚軟滑，而且酒味幾香👍🏻👍🏻
酸汁藜麥沙律
藜麥我淨係喺沙律嘅時候會食，食落去個沙律好fresh,而且沙律菜都新鮮
上面仲有合桃，合桃唔會苦澀
汁煮白鱈魚
師傅提醒最後先食皮，因為好熱
鱈魚要同洋蔥一齊食，要配埋側邊既黑胡椒
食落去洋蔥汁甜，魚做到外脆內滑，讚 👍🏻
個人認為要同洋蔥同埋洋蔥汁一齊食會更加出色，因為個洋蔥汁好甜，而且佢煮完嘅洋蔥汁唔會話10分大陣洋蔥味，仲可以令到個魚都好入味😋
龍蝦膏海膽汁
驟眼睇都唔覺有咩特別，但係見到佢喺鐵板上面郁，同埋上碟嘅時候發現原來佢好大隻，因為佢嘅龍蝦肉勁多，同朋友一人一半，但係佢嘅龍蝦肉嘅份量係多個平時出邊食嘅一人前份量，而且龍蝦側邊配咗海草，令到成件事唔會淨係食龍蝦好膩，我見到側邊有人係配蒜蓉包，雖然我勁鍾意食蒜蓉包，但係我同朋友表示都係海草會好啲因為真係太飽，而且有擺盤，仲加埋隻龍蝦殻係面，賣相100分
而佢既汁係用左龍蝦膏同海膽，師傅仲話唔夠汁可以再加
個人幾鍾意食呢隻龍蝦，因為佢好爽口而且佢個份量真係好多好抵食，係我暫時食過最爽口最大隻嘅龍蝦💯
季節料理
今日季節料理係蒜蓉乾花菇，蒜蓉超級多，而且啲菇因為經過乾，所以更加香
熊本縣產A5王牛
師傅會問要幾多成熟，與從朋友鍾意食三成熟令我都改變咗，但因為A5會比起平時嘅牛油脂更加豐富，所以如果怕太油嘅話唔建議食咁生，但如果接受到嘅佢個牛真係會好似入口即溶嘅感覺，而且好嫩滑
旁邊汁醬配咗紅酒汁，生磨芥末同玫瑰鹽，另外仲有個酸汁
配料就配咗蒜片，羽衣甘藍，番薯
個人認為就咁點紅酒汁，生磨芥末同玫瑰鹽啱啱好，唔需要加個酸汁，有酸汁反而蓋過咗原本咁靚嘅牛嘅味道
生磨芥末佢係採用咗甜嘅芥末，所以落多啲都唔怕
除咗點汁之外，我認為配料三樣嘢加埋一齊食更加完美，好過每樣配料分開食
高菜，千本漬
我自己本身麻麻哋漬物，但朋友好鍾意食
自家製清雞湯
鐵板燒好多時係比麵豉湯，但呢間好有心思係自家製嘅清雞湯，雞湯平時我哋就飲得多，但係自家製就真係第一次飲，入面配咗啲菇同埋蝦，比起平時嘅湯就較為清
蛋炒飯
蛋炒飯嘅精粹一定係要炒得夠香，但係每次食都上面嘅野好多時已經飽咗，因為鐵板燒真係好豐富，但係我覺得佢味道都幾香，所以我忍唔住食晒
甜品
嚟到最後再飽都要食埋個甜品先係完美，女人真係有兩個胃，竟然甜品有幾款選擇，除咗幾款味嘅雪糕仲有蜜瓜
柚子雪芭，綠茶雪糕，豆腐雪糕同日本蜜瓜
我哋就揀咗豆腐味雪糕，同埋日本蜜瓜
豆腐味雪糕，本身我自己都好鍾意食，佢面頭仲加咗啲卜卜米，底部有加咗啲楓糖，令到平時食嘅豆腐雪糕更加一點心思，而且啲卜卜米我仲食到玄米味，而唔係淡而無味嘅卜卜米
蜜瓜就建議先食，再食雪糕，如果唔係雪糕嘅甜味就會蓋過咗蜜瓜本身嘅甜味，同埋多汁好Juice
偷偷地話你哋聽，個師傅仲好好今晚嘅食客都送咗鱈魚乾同埋自家製嘅紅豆銅鑼燒，銅鑼燒仲要勁多紅豆
所以我覺得呢間食物質素，價錢同埋環境都係合理，有機會我想試埋佢嘅omakase
張貼
