滾爺火鍋 (上海街)

營業中

休息中

打邊爐是香港人的至愛，亦都是我的至愛，一年四季都會食打邊爐，天氣熱打邊爐，最緊要火鍋店的冷氣夠勁，今次去了旺角上海街428號地舖滾爺火鍋店，店舖的冷氣非常充足，座位又舒適，最重要是店員非常貼身的招待。招牌椰子雞鍋$248椰子雞鍋湯底是用兩個椰青和兩個椰皇，仲有椰子肉和馬蹄做湯底，然後再加半隻雞，湯底非常清甜，椰味濃郁，雞肉新鮮有雞味，雞肉嘅鮮嫩同椰子嘅香甜，味道非常出色，絕對值得一試。脆鯇魚片$88脆肉鯇魚片切得大大片，肉質非常緊實彈牙，鮮甜爽脆，再加埋椰子雞湯底的清甜，令人食指大動。手包韭菜餃$40韭菜餃皮薄，包得韭菜餡飽滿，韭菜嘅香味十足。每一口都能夠感受到韭菜餃嘅皮軟滑同韭菜嘅鮮香，感到很滿足。即炸魚皮$58魚皮炸得酥脆，浸在椰子雞湯裏一至兩秒，食落更加香口，食到上哂癮。