影片
更多
2022-09-03
45 瀏覽
《Chueca - 中環》自從番左黎香港之後，真係好似好耐都無食過西班牙菜☺️今次都係朋友介紹呢間位於中環既西班牙餐館比我，我先知香港都有好食又靚view既tapas 餐廳😂是次特意前往去聚會順便飲杯野😌結果lunch time就開始飲酒😂由於好多菜式都唔知個presentation係點，為免估估下，我同朋友決定食佢個lunch嘅Tasting Menu😎$380/位 有五款Tapas，一份主菜，仲可以加$30 要埋甜品🍮黎得西班牙餐廳，當然係要飲Sangria 🤓我就要左一杯Sangria，朋友都叫左杯叫crushed cucumber 既cocktail💁🏻♀️Chef's Rusa基本上每枱我都見到人叫👍🏻佢用左薯仔、呑拿魚蓉、沙律醬、魚子等食材做出黎既沙律，用黎搽脆脆小麵包好好味😋魚子比左好多，啖啖都有魚油香，必點！💁🏻♀️Tuna Tartare外表超精緻，喺脆餅上面放上牛油果蓉，再用三文魚子呑拿魚蓉放面，食落好有層次感👍🏻建議一啖放曬落口，咁先食到一層一層既口感💁🏻♀️Padrón Peppers本身我對呢個青椒無太大感覺😂仲以為會好草青，點知食落又唔會咼，個青椒燒過後表皮變
自從番左黎香港之後，真係好似好耐都無食過西班牙菜☺️今次都係朋友介紹呢間位於中環既西班牙餐館比我，我先知香港都有好食又靚view既tapas 餐廳😂是次特意前往去聚會順便飲杯野😌結果lunch time就開始飲酒😂
由於好多菜式都唔知個presentation係點，為免估估下，我同朋友決定食佢個lunch嘅Tasting Menu😎$380/位 有五款Tapas，一份主菜，仲可以加$30 要埋甜品🍮黎得西班牙餐廳，當然係要飲Sangria
🤓我就要左一杯Sangria，朋友都叫左杯叫crushed cucumber 既cocktail
💁🏻♀️Chef's Rusa
基本上每枱我都見到人叫👍🏻佢用左薯仔、呑拿魚蓉、沙律醬、魚子等食材做出黎既沙律，用黎搽脆脆小麵包好好味😋魚子比左好多，啖啖都有魚油香，必點！
💁🏻♀️Tuna Tartare
外表超精緻，喺脆餅上面放上牛油果蓉，再用三文魚子呑拿魚蓉放面，食落好有層次感👍🏻建議一啖放曬落口，咁先食到一層一層既口感
💁🏻♀️Padrón Peppers
本身我對呢個青椒無太大感覺😂仲以為會好草青，點知食落又唔會咼，個青椒燒過後表皮變軟，反而有啲甜甜地，再加上上面落左岩鹽，更加帶到pepper個甜味
💁🏻♀️Croquettes
呢一度菜我都唔知應該點形容個名好，呢個炸波波經常喺西班牙菜館見到，每間餐廳都會有自己特色嘅炸波波，而呢一個用咗伊比利亞火腿同埋白汁製成，啱啱炸起嘅時候熱辣辣要小心啲食👍🏻不過幾好味，白汁好Creamy，又係呢度必食嘅Tapas
💁🏻♀️Sobrasada Bikini
呢個三文治睇落平平無奇，但可以話係成餐飯入面我第二喜歡嘅Tapas👍🏻👍🏻三文治用左西班牙辣肉腸、牛油加埋芝士整成肉醬，咬落超香濃😋個麵包表皮脆脆包住入邊嘅肉醬，係一脆一軟嘅感覺😎可能我本身鍾意食chorizo，再加埋芝士真係無敵👍🏻如果你哋散嗌嘅話可以叫埋呢個
主菜方面我哋揀咗兩款，但食到中段又想試多一樣，所以當日我哋叫咗三個主菜😂
💁🏻♀️Alaskan Halibut
💁🏻♀️Truffled Angus Beef Cheek
呢一個係我點嘅，安格斯牛面肉再配上黑松露片😋十分奢華嘅食法😂牛面肉煮到好淋一切就分解咗😅食落唔會有渣👍🏻旁邊黃色嘅醬汁係粟米忌廉汁，呢個配搭好新奇不過又唔會搶咗牛肉嘅味道，我個人幾鍾意的❤️
💁🏻♀️Spinach "Canelón"
叫呢道菜嘅原因係因為見到隔籬枱有人食而我哋又好好奇係啲咩黎😂佢其實係菠菜忌廉米卷黎架，上面黃色嗰啲係松露碎，入面嘅菠菜忌廉應該係加咗芝士，有黏性同埋比想像中濃味，旁邊嘅菠菜淋上沙律油同埋少少酸酸地既醬汁，食落幾開胃
主菜食到尾段時我哋仲考慮緊要唔要叫甜品，但係眼見其他枱都叫咗甜品而且好吸引嘅關係，我哋兩個都加錢各要咗一款😂
💁🏻♀️Basque Style Cheesecake
芝士蛋糕入面有好多藍莓果醬，味道偏酸，咁樣反而令到個芝士蛋糕冇咁漏，好食👍🏻，而且只要加$30就食到，你喺旁邊嘅coffee shop一件都唔係咁嘅價錢啦，所以我覺得超抵
💁🏻♀️Coconut and Fresh Berries
而呢一個甜品嘅重點係上面嘅椰汁忌廉，下面嘅士多啤梨同埋紅莓本來都比較酸，但配埋個椰汁忌廉又剛剛好中和到，如果食得太飽唔想食咁漏嘅甜品的話可以考慮叫呢一個
呢一個午餐最少食咗兩個半鐘😂我地三個人叫左三個lunch tasting menu又飲酒又食甜品又top up加菜😅埋單連加一大約$1500，喺中環其實唔算好貴☺️而且最緊要啲嘢好食💪🏻我諗之後都會成日嚟飲野的
張貼
