影片
更多
2024-06-20
6 瀏覽
尋晚同朋友係Sogo地庫間超市買左支Gin，買埋試飲埋sake就去左呢間係澳門逸園中心26樓既日本餐廳開餐#刺身松-刺身新鮮就係基本啦，呢間魷魚係用紫菜包左變成一小卷咁食，爽口同軟腍夾雜一齊，幾特別，甜蝦有蝦頭先叫完整，仲有好多蝦膏🤤🤤#壽司盛-我食左 #油甘魚 #甜蝦 同 #甜卷蛋 ，新鮮食材真係無得輸，油甘魚油份充足，甜蝦有兩隻，而且搣埋尾，唔使自己吐，好細心👍🏻#燒白鱔 #燒鰻魚 -店員介紹呢兩樣係佢地招牌，白鱔係成片，應該係大鱔黎，因為好厚肉同好長，啖啖肉之餘，外皮燒到脆卜卜，裡面就充滿油份，唔使再落調味已經好正，鰻魚就我同朋友都好鍾意食，同埋都係油份好夠，不過相比就當然係白鱔油份多好多#胡麻豆腐沙律-其實一坐低已經有一盤菜，點麵豉醬甜甜地好好味，要黎送啤酒就正，不過我鍾意食菜，所以叫多個沙律食#牛肉稻庭烏冬-初初諗住唔夠食，叫左呢個牛肉烏冬，但其實最後係食唔晒，但呢個烏冬係好味架，牛肉嫩滑，上菜仲係少少粉紅色，烏冬就煮得岩岩好，唔會爛或者無晒質感同老闆Tom傾過，最近香港經濟差，生意難做，原來28樓間泰國野都係佢地開，Tom好好人，送左杯啤酒比我朋友，可惜我感冒未好晒，唔飲得
#刺身松-刺身新鮮就係基本啦，呢間魷魚係用紫菜包左變成一小卷咁食，爽口同軟腍夾雜一齊，幾特別，甜蝦有蝦頭先叫完整，仲有好多蝦膏🤤🤤
#壽司盛-我食左 #油甘魚 #甜蝦 同 #甜卷蛋 ，新鮮食材真係無得輸，油甘魚油份充足，甜蝦有兩隻，而且搣埋尾，唔使自己吐，好細心👍🏻
#燒白鱔 #燒鰻魚 -店員介紹呢兩樣係佢地招牌，白鱔係成片，應該係大鱔黎，因為好厚肉同好長，啖啖肉之餘，外皮燒到脆卜卜，裡面就充滿油份，唔使再落調味已經好正，鰻魚就我同朋友都好鍾意食，同埋都係油份好夠，不過相比就當然係白鱔油份多好多
#胡麻豆腐沙律-其實一坐低已經有一盤菜，點麵豉醬甜甜地好好味，要黎送啤酒就正，不過我鍾意食菜，所以叫多個沙律食
#牛肉稻庭烏冬-初初諗住唔夠食，叫左呢個牛肉烏冬，但其實最後係食唔晒，但呢個烏冬係好味架，牛肉嫩滑，上菜仲係少少粉紅色，烏冬就煮得岩岩好，唔會爛或者無晒質感
同老闆Tom傾過，最近香港經濟差，生意難做，原來28樓間泰國野都係佢地開，Tom好好人，送左杯啤酒比我朋友，可惜我感冒未好晒，唔飲得，唔係實同佢飲反杯🍻
張貼
