影片
更多
2024-05-20
66 瀏覽
姊鄉下係福建，出尖沙咀晏就專登搵左間食閩菜（即福建菜）既餐廳，尼間餐廳係香港整褔建菜都整到出名，有幾間分店，今次同娘親&屋企人黎，等娘親品評下。到餐廳前，娘親已經講話尼個時間係鄉下最靚係食蟶子，點知去到餐廳真係因應季節做緊蟶子菜式。福建蟶子（哆頭蟶）唔係我地香港食開好長既蟶子，係短肥既，姊細個既時候娘親多啲買黎煮，通常都係薑蔥炒。今次娘親發板要嗌蒜蓉蒸海蟶 & 椒鹽哆頭蟶 。黎到個賣相已經好吸引，隻隻蟶子肥嘟嘟大大隻，好鮮甜，完全無沙。椒鹽係原隻蟶子，而蒜蒸將蟶子分開2邊，唔同口感，但都不失惹味鮮味，娘親超讚。娘親話扁肉湯&興化炒米粉都係福建名食，我今次係第一次食扁肉湯，好似迷你雲吞配紫菜湯，入面係包豬肉，連娘親都讚皮薄好食，仲一路食一話紫菜可以降血壓。個湯真係好暖胃，個湯好香紫菜同麻油香味，姊好鐘意！個米粉只係嗌例牌，但都已經超大碟，好足料，入面都有肥肥既蟶子，係香港好少食到咁幼細既米線，如果人多推介一試。另一樣都係娘親發板既係芋香鴨，娘親好鐘意食芋頭，通常見到有芋頭既食物都會嗌，唔知係咪福建人鐘意食芋食呢🤔尼碟芋香鴨係心機菜，用芋泥包住鴨肉絲，好香口。唔好睇佢得8件仔，每件都好重料
到餐廳前，娘親已經講話尼個時間係鄉下最靚係食蟶子，點知去到餐廳真係因應季節做緊蟶子菜式。福建蟶子（哆頭蟶）唔係我地香港食開好長既蟶子，係短肥既，姊細個既時候娘親多啲買黎煮，通常都係薑蔥炒。今次娘親發板要嗌蒜蓉蒸海蟶 & 椒鹽哆頭蟶 。
黎到個賣相已經好吸引，隻隻蟶子肥嘟嘟大大隻，好鮮甜，完全無沙。椒鹽係原隻蟶子，而蒜蒸將蟶子分開2邊，唔同口感，但都不失惹味鮮味，娘親超讚。
娘親話扁肉湯&興化炒米粉都係福建名食，我今次係第一次食扁肉湯，好似迷你雲吞配紫菜湯，入面係包豬肉，連娘親都讚皮薄好食，仲一路食一話紫菜可以降血壓。個湯真係好暖胃，個湯好香紫菜同麻油香味，姊好鐘意！個米粉只係嗌例牌，但都已經超大碟，好足料，入面都有肥肥既蟶子，係香港好少食到咁幼細既米線，如果人多推介一試。
另一樣都係娘親發板既係芋香鴨，娘親好鐘意食芋頭，通常見到有芋頭既食物都會嗌，唔知係咪福建人鐘意食芋食呢🤔尼碟芋香鴨係心機菜，用芋泥包住鴨肉絲，好香口。唔好睇佢得8件仔，每件都好重料大大件，鐘意食芋頭唔好錯過。
其實已經食到好飽，但一場黎到，又見到甜品好吸引又唔常見，唔係周圍食到果啲款，所以都嗌左2款甜品試：桂花陳皮燉雪梨 及 薄荷琵琶凍。個燉雪梨全個雪梨上，為免變酸已經係底部刮走個芯，唔會太甜，桂花同陳皮味好足，娘親大讚好清潤，值得推介。薄荷琵琶凍好足料既琵琶果味道，面頭仲有一粒枇杷果肉，喺其他地方真係好少食到呢個甜品。
整體嚟講娘親好滿意今次嘅餐廳，之後仲不停推介親戚要去食，真係估唔到，見佢開心我都開心🫶🏻，之後會再帶佢走食。
📍 莆田 (港威商場) (尖沙咀)
尖沙咀廣東道3-27號海港城港威商場地下G103號
張貼
