Layback Cafe & Bar

營業中

休息中

上次黎過銅鑼灣呢間餐廳食生拆蟹粉拌北京麵，簡直一試難忘，今次再黎試下佢嘅Winter Menu，有多種主食同飲品選擇。韓國辣醬八爪魚扁意大利麵意粉煮得軟硬適中，入口順滑，配韓式辣醬、八爪魚仔、泡菜同蕃茄仔，辣辣地幾惹味，夠曬刺激味蕾，八爪魚仔口感爽脆，份量都吾少。法式奶油海膽魚子醬龍蝦包法式包烘得外脆內軟，龍蝦仔混合西芹味道清新，上面仲有海膽同魚子醬，雙重鮮味集於一身，伴碟仲有粗薯條同蛋黃醬。Baileys Custard Cream Croffle with Strawberry牛角包窩夫烘得相當鬆脆，有兩件可以同朋友開心share，士多啤梨果肉甜美，配埋Bailey Custard Cream滋味無窮。檸檬薑蜜糖伯爵茶伯爵茶茶味香濃，可清清油膩感。Gold-Diva朱古力奶特飲係用Godiva朱古力粉同可可粉調配而成，朱古力味非常濃郁，再加埋上面嘅棉花糖，簡直絕配。