影片
更多
2024-12-07
877 瀏覽
鮨一係其中一間我好喜愛嘅日本居酒屋，食物好食，侍應親切，性價比高，所以我經常回訪，係我私心大推嘅餐廳🤭今日天氣凍咗好多，凍到縮埋一舊，所以我哋一心要嗌返個暖笠笠嘅鍋先得！最近餐廳推出咗冬日限定套餐🍲有兩個火鍋選擇。🥩A4和牛鍋(200g) $428🥓日本豚肉鍋(200g) $368已包括一份蔬菜籃及日本蘭黃蛋兩隻湯底可選壽喜燒，日式豬骨湯或韓式泡菜湯🌟另外可追加:特上刺身拼盤 $488 或上刺身 $308我哋揀咗壽喜燒湯底嘅A4和牛鍋，同埋加咗上刺身。🩷A4和牛鍋 $428和牛肉質嫩而多汁，脂肪發佈均勻，充滿濃郁牛肉香味。將牛肉沾上蘭黃蛋漿，口感即時香濃幼滑，充滿肉汁同蛋香味。壽喜燒湯底香甜惹味，湯鍋入邊材料份量十足，有福袋年糕，爆芝嘅竹輪，入晒味嘅冬菇，滑捋捋豆腐，底層有水晶粉，面層鋪滿唔同種類嘅蔬菜同金菇，蔬菜入晒甜豉油同埋肉汁嘅味，正到暈，真係超級豐富！🩷上刺身 $308拼盤共有八款刺身，分別係：牡丹蝦、劍魚腩、油甘魚、北寄貝、八爪魚、三文魚、帶子及伊佐目。師傅按當天新鮮飛機貨揀選刺身，所以未必每一次都一樣款。刺身新鮮，每一款厚切，分量十足，當中有幾款刺身特別好食。牡丹蝦蝦肉鮮甜
今日天氣凍咗好多，凍到縮埋一舊，所以我哋一心要嗌返個暖笠笠嘅鍋先得！
最近餐廳推出咗冬日限定套餐🍲有兩個火鍋選擇。
🥩A4和牛鍋(200g) $428
🥓日本豚肉鍋(200g) $368
已包括一份蔬菜籃及日本蘭黃蛋兩隻
湯底可選壽喜燒，日式豬骨湯或韓式泡菜湯
🌟另外可追加:
特上刺身拼盤 $488 或
上刺身 $308
我哋揀咗壽喜燒湯底嘅A4和牛鍋，同埋加咗上刺身。
🩷A4和牛鍋 $428
和牛肉質嫩而多汁，脂肪發佈均勻，充滿濃郁牛肉香味。將牛肉沾上蘭黃蛋漿，口感即時香濃幼滑，充滿肉汁同蛋香味。壽喜燒湯底香甜惹味，湯鍋入邊材料份量十足，有福袋年糕，爆芝嘅竹輪，入晒味嘅冬菇，滑捋捋豆腐，底層有水晶粉，面層鋪滿唔同種類嘅蔬菜同金菇，蔬菜入晒甜豉油同埋肉汁嘅味，正到暈，真係超級豐富！
🩷上刺身 $308
拼盤共有八款刺身，分別係：牡丹蝦、劍魚腩、
油甘魚、北寄貝、八爪魚、三文魚、帶子及伊佐目。師傅按當天新鮮飛機貨揀選刺身，所以未必每一次都一樣款。刺身新鮮，每一款厚切，分量十足，當中有幾款刺身特別好食。牡丹蝦蝦肉鮮甜，蝦膏甘香，口感軟綿帶爽！帶子厚身好大粒，肉質新鮮結實帶甜味。伊佐目肉質軟嫩，口感Q彈。劍魚腩非常肥美，入口即溶，甘香滑溜。
上刺身
$308
8 瀏覽
0 讚好
0 留言
壽喜燒 和牛火鍋
$428
14 瀏覽
1 讚好
0 留言
張貼
