喜記避風塘炒辣蟹 (謝斐道)

營業中

休息中

天氣凍咗想食返啲嘢暖暖身，朋友提起灣仔有間老字號係《喜記避風塘炒辣蟹》，佢話好多local同遊客去，成日都會full曬。難得去到梗係食豪啲，叫咗佢哋嘅招牌菜避風塘炒辣蟹同椒鹽特大瀨尿蝦！首先講下個避風塘炒辣蟹先，隻蟹超大隻，啲配料炸到金黃色，望落好開胃，再連埋蟹炒成一大碟。蟹肉嘅肉質鮮甜香嫩，夠鑊氣之餘又入味，配埋炸蒜一齊食，啲香味出曬嚟，真係超滿足。油鹽水煮蜆鮮甜得嚟冇沙，就咁用油鹽水煮，簡單得嚟又唔會太濃味，蓋曬蜆嘅鮮味。最正嘅係粉絲將所有鮮味吸曬，十分之鮮甜！蔥油炒蟹超多蟹膏，蟹黃又實淨，仲啖啖都係肉，加上蔥蒜嘅香味真係回味無窮～瀨尿蝦勁大隻，啲蝦肉結實、彈牙之餘，椒鹽同蔥嘅調味啱啱好，肉又超入味，而且仲爆多膏！至於酥炸生蠔外面脆漿鬆脆，而入面嘅蠔熱辣辣，好肥美，又鮮又juicy。全部都好新鮮，下次再黎試其他野