影片
更多
2022-07-23
252 瀏覽
第一次食係上環店，今次嚟到尖沙咀店一樣有驚喜😋Dinner Omakase $1,880 (先付、七款刺身、兩款和食、六款壽司、湯品及甜品)先付三款有金線瓜配上秋葵及三文魚籽，入口清新爽甜，沖繩水雲係（海中髮菜）加上靜岡縣番茄，酸咪咪非常開胃，山口縣黑梅貝用上鰹魚高湯及昆布浸去煮，貝身飽滿彈牙又清甜先來鰈魚捲上火灸過魚邊，配埋個鰈魚肝醬鹹鮮濃香刺身7款：1.登半島象拔蚌好爽甜，仲有柚子皮、青檸汁及竹炭鹽提鮮2.北海道昆布森真蠔好奶滑，蠔身飽滿加埋土佐啫喱及柚子皮勁鮮甜3.鰤魚上腩肉較厚實，最正係用上自家製三星漬（麵豉、米酒、辣椒）食落鹹鮮帶微辛辣4.北海道毛蟹配蟹膏旁邊仲有鮮甜蟹腳肉5.東京灣鰹魚經火灸配酸汁及燒紫洋蔥6.粉嫩肥美嘅鳥取縣境港中拖羅入口即溶，面上加入竹炭鹽7.極邪惡腦天，來自鳥取縣境港吞拿魚頭頂上嘅肌肉，部份好少量，經火灸過啲油脂爆哂出嚟，食落魚油脂極香，用紫菜包住減少膩感和食2款：1.日本鱈場蟹配京都豆乳，皇帝蟹鮮甜飽滿，最驚喜係底下湯葉，好香豆乳味但又食到蟹肉鮮甜2.即炸甘鯛魚外層粉薄夠脆又香口，入面魚肉好嫩滑👉食壽司前食件青檸啫喱清清味蕾6款壽司：深海池魚王、白蝦
第一次食係上環店，今次嚟到尖沙咀店一樣有驚喜😋Dinner Omakase $1,880 (先付、七款刺身、兩款和食、六款壽司、湯品及甜品)
先付三款有金線瓜配上秋葵及三文魚籽，入口清新爽甜，沖繩水雲係（海中髮菜）加上靜岡縣番茄，酸咪咪非常開胃，山口縣黑梅貝用上鰹魚高湯及昆布浸去煮，貝身飽滿彈牙又清甜
先來鰈魚捲上火灸過魚邊，配埋個鰈魚肝醬鹹鮮濃香刺身7款：
1.登半島象拔蚌好爽甜，仲有柚子皮、青檸汁及竹炭鹽提鮮
2.北海道昆布森真蠔好奶滑，蠔身飽滿加埋土佐啫喱及柚子皮勁鮮甜
3.鰤魚上腩肉較厚實，最正係用上自家製三星漬（麵豉、米酒、辣椒）食落鹹鮮帶微辛辣
4.北海道毛蟹配蟹膏旁邊仲有鮮甜蟹腳肉
5.東京灣鰹魚經火灸配酸汁及燒紫洋蔥
6.粉嫩肥美嘅鳥取縣境港中拖羅入口即溶，面上加入竹炭鹽
7.極邪惡腦天，來自鳥取縣境港吞拿魚頭頂上嘅肌肉，部份好少量，經火灸過啲油脂爆哂出嚟，食落魚油脂極香，用紫菜包住減少膩感
和食2款：1.日本鱈場蟹配京都豆乳，皇帝蟹鮮甜飽滿，最驚喜係底下湯葉，好香豆乳味但又食到蟹肉鮮甜
2.即炸甘鯛魚外層粉薄夠脆又香口，入面魚肉好嫩滑
👉食壽司前食件青檸啫喱清清味蕾
6款壽司：深海池魚王、白蝦、赤貝、北海道馬糞海膽、太刀魚及赤鯥魚，最愛池魚濃郁及赤貝爽脆鮮甜，太刀魚及赤鯥魚油脂經火灸過迫哂出嚟好甘香，當然最愛馬糞海膽嘅濃厚甘甜
最後有偏甘甜湯品味增湯及3.6特濃奶香抹茶奶凍
Thank you 豪師傅😊
張貼
