影片
更多
2023-04-15
20 瀏覽
銅鑼灣 Yama 係值得encore既高級日本料理，呢晚食左好豐富既Omakase，由頭食到尾都好滿意‼️餐廳用山水做主題，周圍的佈置都好用心，由桌上的餐墊、杯碟，至座位間的屏風、露台的裝飾都有山、水、自然的感覺，俾人有一個好恬靜的空間☺️餐廳最近推出4款的主題Omakase有《山の四季》、《山の御膳》、《蟹》、《和牛》，用最上乘的日本直送食材，各有特色，今次就食左《山の御膳》🗻山の御膳 Kaiseki $1,888🔸廚師發辦前菜三點上菜充滿儀式感，就好似打開一個寶盒咁，一開的盤景佈置帶有仙氣，放上1️⃣北海道帆立貝配上昆布脆片2️⃣長崎小長井生蠔🦪配上青檸檬啫喱、柚子碎、蘿蔔蓉蔥3️⃣北海道毛蟹，食材新鮮，配搭清新開胃🦀🔸蝦夷鮑酒蒸配肝醬 店員先係鮑魚噴上日本名酒十四代清酒，成件事好高貴，鮑魚爽口彈牙，鮑魚肝醬味道十分濃郁👍🏻🔸日本產雲丹拼盤（五種產地）我諗個個見到呢個海膽拼盤都會好開心😍五款海膽全部來自北海道，分別係岩手、根室、浜中町、宮城、北方四島，係鹽水海膽，即係只用海水保存全天然無添加。跟住店員建議順序食，味道由淡到濃，好鮮甜🥰最鐘意係最後個款北方四島，配上魚籽，味道最濃郁。🔸季節刺身四點先
餐廳用山水做主題，周圍的佈置都好用心，由桌上的餐墊、杯碟，至座位間的屏風、露台的裝飾都有山、水、自然的感覺，俾人有一個好恬靜的空間☺️
餐廳最近推出4款的主題Omakase有《山の四季》、《山の御膳》、《蟹》、《和牛》，用最上乘的日本直送食材，各有特色，今次就食左《山の御膳》🗻山の御膳 Kaiseki $1,888
🔸廚師發辦前菜三點
上菜充滿儀式感，就好似打開一個寶盒咁，一開的盤景佈置帶有仙氣，放上1️⃣北海道帆立貝配上昆布脆片2️⃣長崎小長井生蠔🦪配上青檸檬啫喱、柚子碎、蘿蔔蓉蔥3️⃣北海道毛蟹，食材新鮮，配搭清新開胃🦀
🔸蝦夷鮑酒蒸配肝醬
店員先係鮑魚噴上日本名酒十四代清酒，成件事好高貴，鮑魚爽口彈牙，鮑魚肝醬味道十分濃郁👍🏻
🔸日本產雲丹拼盤（五種產地）
我諗個個見到呢個海膽拼盤都會好開心😍五款海膽全部來自北海道，分別係岩手、根室、浜中町、宮城、北方四島，係鹽水海膽，即係只用海水保存全天然無添加。跟住店員建議順序食，味道由淡到濃，好鮮甜🥰最鐘意係最後個款北方四島，配上魚籽，味道最濃郁。
🔸季節刺身四點
先上牡丹蝦、帆立貝配三文魚籽同柚子皮，牡丹蝦面頭有埋蝦頭既蝦膏，鮮味加倍。接著係鰤魚，上面有鰤魚蓉，雙重口感，一件係煙燻過既，一打開玻璃蓋就聞到木既香味。最後係拖羅，油脂豐富，燒一燒食落無咁漏🐟
🔸鱈場蟹亀甲鍋🦀
鱈場蟹啖啖肉，湯底用蟹殼熬製，清甜到不得了，真係會成鍋湯飲晒🦀
🔸季節雪葩
柚子雪葩係飲完熱蟹湯之後降一降溫🍧
🔸甘鯛立鱗燒配黑松露汁🐟
連埋魚鱗一齊炸過，魚鱗會一塊塊豎起，食落超酥脆，配埋忌廉黑松露汁，味道好夾，係我全晚最鍾意食既一道。
🔸時令天婦羅🍤
有大蝦同日本蕃薯，食材新鮮就真係咩都好食，日本蕃薯係甜到呢🍠
🔸宮崎牛厚燒 聖護院燕菁 牛肝菌
上菜時放左係煙燻箱，用左日本直送的禾桿草煙燻過，有好清新特別既香味。厚切的宮崎牛油脂感滿滿，配上牛肝菌醬，十分矜貴。
🔸特濃上海蟹拌後文稻亭 10年陳意大利黑醋
稻亭烏冬撈特濃蟹粉，真係唔洗形容都知好食，口感綿滑味道濃郁，亦可按個人口味落唔同年份的意大利黑醋，增加甘香的味道，烏冬好大碗，食到好飽
🔸和風鮮果雪糕拿破崙
我話由頭到尾都好好食，係因為呢個甜品都好正，係新穎既配搭，放左塊大福皮係拿破崙上面，拿破崙好酥脆有牛油香，大福皮又軟糯，下面有紅豆蓉，拿破崙中間仲有椰子雪糕，真係好豐富，用手食就更加滿足。
📍#山Yama (#銅鑼灣美食)
銅鑼灣耀華街38號The Zing!15樓
張貼
