田記魚蛋牛腩專門店 (塘尾道)

營業中

休息中

最近鍾意咗食有關牛嘅粉麵，所以收工之後就同朋友一齊嚟到呢間係塘尾道嘅牛腩專門店。第一次幫襯田記粉麵，見網上都好多好評，所以當然要試吓牛腩中嘅極品崩沙腩，朋友見餐廳嘅魚片係自家製，所以非常有興趣就點咗魚片麵。粉麵未嚟之前就叫咗碗淨水餃食吓，水餃皮薄多料，口感爽彈味道鮮甜。崩沙腩河 ($54) : 份量唔少之餘仲有蘿蔔伴碟，蘿蔔清甜無渣，崩沙腩肥瘦適中，久煮慢炆後肉質軟嫩，不愧為牛腩中嘅極品，如果以呢個價錢就食到呢個級數嘅崩沙腩河，性價比非常高。手打魚片麵 ($34) : 朋友 share 咗啲比我試食，果然自家製同交貨嚟真係唔同味道，魚片口感更彈牙，味道更鮮美，油麵亦無鹼水味。