影片
更多
2008-11-12
41 瀏覽
無聊響OPENRICE四圍CLICK，偶然發現左呢間居然連一個喊樣冇嘅茶餐廳，於是，禽日決定專程去探討一下。坐港鐵響長沙灣C1出口出，直行見到青山道再左轉，大概十分鐘就到，唔難搵亦唔太遠。響GOOGLE查過，青山道小巴及好幾條九巴線都會經呢度。去到仲趕得切叫下午茶，於是同愛人一人叫左一個餐：1 X 沙爹牛肉麵（麵係普通大光麵，但係Ｄ沙爹牛肉又確係幾好味，一碗大概有五至六舊。）1 X 榨菜肉絲米粉（愛人食呢個，佢話會考慮下次再黎，即係食得過啦！）2 X 火腿蛋奄列 + 牛油方包（一份奄列落足兩隻雞蛋，雖然冇澳洲牛奶公司果Ｄ咁滑，但係絕對合格。值得一讚個牛油方包，軟熟得黎仲要熱熱地。）1 X 熱奶茶（奶味重過茶味，尚算合格。）1 X 凍檸茶（愛人話勝在用左碎冰。）之後見一場黎到，一於試埋個蛋撻同雞批先走人：2 X 蛋撻（傳統酥皮蛋撻，夠熱夠脆夠蛋味，唔會差過肥彭推介果間。）1 X 雞批（雞批入面竟然有冬菇絲，非常足料。塊批皮亦係熱辣辣脆卜卜，絕無欺場。）總結：樓上雅座地方整潔光猛，睇唔到一般茶餐廳常見的小小強及蚊滋仔，衛生情況好唔錯，我一路食見伙計哥哥一路四圍抹野，五點半上層收檔時又見清潔
坐港鐵響長沙灣C1出口出，直行見到青山道再左轉，大概十分鐘就到，唔難搵亦唔太遠。響GOOGLE查過，青山道小巴及好幾條九巴線都會經呢度。
去到仲趕得切叫下午茶，於是同愛人一人叫左一個餐：
1 X 沙爹牛肉麵（麵係普通大光麵，但係Ｄ沙爹牛肉又確係幾好味，一碗大概有五至六舊。）
1 X 榨菜肉絲米粉（愛人食呢個，佢話會考慮下次再黎，即係食得過啦！）
2 X 火腿蛋奄列 + 牛油方包（一份奄列落足兩隻雞蛋，雖然冇澳洲牛奶公司果Ｄ咁滑，但係絕對合格。值得一讚個牛油方包，軟熟得黎仲要熱熱地。）
1 X 熱奶茶（奶味重過茶味，尚算合格。）
1 X 凍檸茶（愛人話勝在用左碎冰。）
之後見一場黎到，一於試埋個蛋撻同雞批先走人：
2 X 蛋撻（傳統酥皮蛋撻，夠熱夠脆夠蛋味，唔會差過肥彭推介果間。）
1 X 雞批（雞批入面竟然有冬菇絲，非常足料。塊批皮亦係熱辣辣脆卜卜，絕無欺場。）
總結：
樓上雅座地方整潔光猛，睇唔到一般茶餐廳常見的小小強及蚊滋仔，衛生情況好唔錯，我一路食見伙計哥哥一路四圍抹野，五點半上層收檔時又見清潔嬸嬸拖地。同場加映一位貌似中環英雄的西裝哥哥叫左杯熱飲一路埋首睇書，可見呢度係坐得耐的地方。美中不足之處係呢度卡位Ｄ凳比較短，生得高大的話好易坐到腳痺。食物方面係靠得住嘅。
張貼
