新華茶餐廳

營業中

休息中

長沙灣嘅🌼新華茶餐廳🌼已經係超過50年嘅老字號，門口賣嘅蛋撻更加係餐廳嘅靈魂😍，好多人都會慕名而來專食佢哋嘅蛋撻，佢哋嘅蛋撻以酥皮為主，賣緊$10件，外層酥皮食得出有層次感👍🏻，每一啖咬落去都非常酥軟😋，而佢哋嘅蛋漿帶有傳統嘅味道，就係舊式茶餐廳嘅風味，超滑之餘蛋味夠晒香濃，的確係唔錯👏🏻👏🏻平時嘅我經過只係會買件蛋撻食吓，今次就特登試埋佢哋嘅茶餐，叫咗佢哋嘅特餐，沙嗲牛肉麵配火腿奄列同餐包 $51 :唔試過真係唔知，都幾失望😩沙嗲牛肉冇沙嗲味，牛肉都冇乜牛味，連火腿奄列嘅蛋都整到超老，裏面嘅火腿冇乜特別可言，雖然係老字號，但我諗質素應該係越嚟越差😔😔另外叫咗個午餐茄汁燴豬扒飯 $58 :連埋嘢飲都要$67，其實呢個價錢真係唔平，上網見到佢塊豬扒夠厚夠大塊，所以先叫嚟食吓，點知出嚟嘅時候又係勁失望，又薄又細又韌😱，呢個價錢午餐嚟計其實都唔平，佢仲要咁嘅質素，真係唔知講咩好，都係買返佢個蛋撻算😩😩

蛋撻不嬲都係港人最愛🥧今次跟住「蛋撻關注組」搵食🍴 嚟長沙灣試兩間人氣茶記嘅酥皮蛋撻🆚.📌酥皮蛋撻 $10開業逾50年 蛋撻比金園平$1🤑酥皮好厚身 色澤冇咁靚 但超酥脆有層次 一咬即化勁蓬鬆 牛油焦香濃郁💯蛋餡口感較實 偏淺色 蛋奶香唔夠突出🥚.📌葡式蛋撻 $11茶記少有嘅葡撻 唔多人買 唔係新鮮出爐 擺咗陣 酥皮相對失色 軟腍濕潤 唔夠酥脆鬆化😟表面焗至焦糖化 焦香奶味濃郁 甜度比蛋撻高 但口感更滑溜🍮 .📌午餐 $511️⃣叉燒湯意粉-麵質夠爽彈 湯頭唔會過濃味🍝叉燒偏鞋 甜味唔夠🍖2️⃣火腿奄列-炒蛋熟度剛好 充滿油香雞蛋味🍳火腿絲份量都多🥓3️⃣牛油餐飽-軟熟香甜 但唔夠熱🍞4️⃣唂咕-老茶記傳統飲品 純可可粉+水 冇落奶同糖 甘苦濃醇🍫.如欲查看相關食物相片 可查閱本人已上傳之影片🎦

最近到訪位於青山道的新華茶餐廳。作為一間經營數十年的老字號，無論是價格還是品質實在令人失望，而且恃住老字號招牌，服務態度都應該要改善一下。單點一杯普通份量的凍檸檬茶，只有三片檸檬，竟然要收$25。相比之下，銅鑼灣告士打道168號的漢X麵家，不單止凍檸檬茶份量多四分之三、檸檬片更給到四片，價錢反而只需$21。而且漢X麵家連提供的辣椒醬、胡椒粉等調味料都明顯質素高幾級，更顯出青山道這邊的遜色。以這樣的價格水平，喺深水埗區實在令人難以接受。建議大家不如去告士打道漢X麵家，價錢更相宜之餘，不論係飲品定食物質素都更有水準，值得親身去體驗比較一下，建議各位慎選。⭐️ 2/5

呢間長沙灣茶餐廳好似幾出名今次帶外國回港朋友一齊試我叫咗份午餐🇭🇰▶️ 叉燒湯意粉 ($51)叉燒半肥瘦，味道正常，肉質偏韌湯意粉有啲過熟😅湯底還可以▶️ 火腿奄列配牛油餐包牛油餐包係嘉頓一包四件嗰隻，尚算軟熟🍞火腿奄列正常發揮，個炒蛋唔夠eggy，不過幾多火腿絲-食物中規中矩，可能佢係得酥皮蛋撻出名餐廳有兩層，幾有懷舊風味鋪面狹窄，預咗坐得迫少少🤏🏻服務就好好嘅，啲侍應好友善性價比ok，份量足

老字号，我只飲咖啡，熱很香，凍亦有不同風味。有上層可坐，現在己很少。蛋撻係骚皮，唔錯。不過現在己很少出葡撻，其他麵包也出得很少量，我上午9:00堂食，叫左雞尾包，非常凍，一定唔會係隔夜野，但唔得，其他如椰絲奶油包，都好似賣哂，只剩番半盤麵包，好似只賣蛋撻。

常餐有餐包、奄列、雪茶肉絲米和茶走。對於不太餓的我，份量好足夠。雪菜肉絲米的米粉好爽口，每一口都有「嗦嗦」聲，完全不會軟身! 好滿意!雪菜的味道剛好，不會淡而無味。雪菜肉絲帶辣味，為味蕾帶來一點刺激，好開胃!這是我最喜歡的雪菜肉絲米!奄列的蛋皮是全熟，完全沒有蛋漿，圍邊有點焦脆，完全合乎我的口味!火腿略帶鹹味，且每條有些許厚度，滿足。火腿均勻分佈在奄列中，不會只集中間部分，使每一口都有蛋皮和火腿。這是我最喜歡的奄列!茶走不會太甜，雖然帶有茶味，卻不會澀，茶和奶取得平衡。

朝早食早餐，由將軍澳出黎深水埗。係另一間號稱最好食既茶餐廳食到隻隔夜蛋撻，非常難食。唔忿氣過黎新華食番隻正常蛋撻補數。好唔好食有樣睇，呢間既蛋撻起碼最基本，夠熱，蛋香，穌皮夠鬆脆。

真係好多年冇食沙嗲牛肉麵，因為真係搵唔到一間好味道。諗返起以前喺長沙灣食過一間懷舊冰室，終於今日要去探一探佢其實都幾隔涉，即刻冇直車到囉 ！佢又未至於令到我想轉車都去食嘅一間。終於還自己心願，亦都確定唔需要再去啦。好普通嘅一個茶餐價錢都係咁上下啦40幾蚊，所以原來澳牛都唔係好貴。個沙嗲汁OK嘅，不過牛肉就鹹到一個點😮‍💨其他都係正正常常囉，反而我轉咗個多士我又覺得幾好味（有啲質感），可能我本身喜好多士同埋最憎佢呢個卡位要間塊板喺中間囉，Covid都完咗啦！ 搞到逼迫澀澀咁 去就成個鐘食就食10分鐘其實佢出名蛋撻㗎，不過點會食得落呀，買返屋企決定揀雞批，可能太耐冇食過我覺得好食。 又令我諗返起⋯⋯⋯ 😣

時間：2024年5月28日   約下午七時半至八時地點：長沙灣青山道 新華茶餐廳當晚叫豬扒飯，賣相同味道唔算差，尚能接受。可惜不幸遇上意外，跟餐叫咗一杯涷鴦少甜少冰，飲到杯底先發現有一隻大型蛋白質，應該暫時會暫停再拜訪。老闆同樓面侍應有即時道歉及向我反映當日有進行滅蟲，但當時候實在太震驚，完全無法相信會發生在這間餐廳身上。及後老闆有提供免單及再次道歉。但後面考慮再三後，決定反映事件給食環署跟進以保障其他食客安全。

最近看到不少YouTubers再介紹蛋撻。San話經常在家中出現，於是找個時間過來一試。本來只有打算吃一兩件蛋撻，但是見到最低消費是$22，蛋撻也只是$10一件，於是叫了一件雞批。第一件酥皮蛋撻並沒有太驚艷，蛋味可以，但不算太濃，味道比較清甜，酥皮還可以，屬於比較輕盈的口感。不過剛好有一盆剛出爐的，於是多叫了一件。這次的酥皮蛋撻，入口蛋味更豐富，酥皮略為焗得焦香，十分好食。果然蛋撻就是要吃剛出爐的！至於雞批，味道一般，可以忽略不吃。

關注組經常有網友談論嘅新華，今日就專門拜訪，酥皮蛋撻皮層次唔夠多，但茶走濃滑細膩😋Sun Wah is one of the most popular cha chaan tang in Cheung Sha Wan that people usually visit for their HK style milk tea and egg tart. The puff pastry of the egg tart was not as multi-layered as expected. But the Milk Tea has a good blend of black tea, dairy, and sweetness.

經過呢邊搵地方醫肚，行左幾間茶記都唔吸引，直至行到呢間........冰室 feel喎，食個午餐＋個例水......都應該好正丫（自己諗）。黑椒雞扒火腿飯🙄請唔好誤會，味道冇問題，非常之正常，雞扒一般茶記既味道，黑椒汁夠濃夠辣，上枱仲熱辣辣添，個份量就真係震撼......半塊雞扒＋半塊火腿（或者係2/3塊）開二，我見到隔離枱碟炒飯非常之精緻（碟細/份量亦不多）我叫左多飯先有咁大份，可能習慣左茶記碟頭飯抵食夾大件，呢度果份真係少得離普，$59。凍奶奶亦都一般般。地方企理光猛，坐位窄dd；可能蛋撻好好食掛.......但食完碟飯都費事買。而家係租貴食材貴，定係食水太深呢？？好多茶餐廳都會改靚/細塊雞扒，可以做雞球或雞皇，都冇半塊上枱咁誇吓嘩

復活節食「蛋」怎會少得港式酥皮蛋撻呢？我今次選擇去呢間老字號茶餐廳，因為全香港只剩返4間有閣樓的茶餐廳，而呢間就是其中之一間，梗係要見識一下啦😁🥚🥧 熱辣蛋撻 (HK$10)．呢度出品嘅蛋撻是街坊推介的招牌菜之一．填滿滿的蛋漿，口感奶滑，甜度適中，不過蛋味比較淡．暖暖哋嘅撻皮厚身，但層次不太分明，但口感有啲酥脆嘅🍗🥧 雞批 (HK$13)．呢款好少見，只有某啲茶餐廳有出品，所以見到餐牌有就叫嚟試下．可惜是室溫溫度，口感唔夠酥脆，餡料比較肥膩，麻麻哋，唔知如果可以要求叮翻熱食，味道會唔會好啲呢？🤔🥛☕️ 熱奶茶 (HK$22)．叫蛋撻食又怎可以不配搭一杯熱奶茶呢？．厚身嘅奶滑口感配香濃嘅紅茶味，味道不錯👍🏼

而家香港老字號嘅茶餐廳真係越嚟越少，新開茶餐廳食物質素都唔係特別好，唔會話想食完再返嚟食。所以有時我都會特登去搵啲老字號嘅茶餐廳去食佢哋嘅早餐。最鍾意就係試杯熱奶茶同埋沙嗲牛肉麵啊。☕️香港長大既我真係覺得香港港式奶茶係無敵㗎。早餐開咗一杯熱飲沙嗲牛肉麵一個餐包同埋可以選擇煎蛋或者火腿奄列，火腿奄列真係好多火腿啊，奶茶香濃，沙嗲牛肉麵都好味新開好多時都係得熱水咁既完全唔同。 🍜 個環境都夠晒懷舊啊，亦都乾淨！

本身係一個百分百嘅奶茶控，閑時會發掘好飲嘅奶茶，今日嚟到新華茶餐廳⋯嘆番杯佢哋出名嘅奶茶☕️果然係名不虛傳，杯奶茶超正👍🏻茶味香醇，茶同奶嘅比例恰到好處，仲有陣陣回甘