火土燒肉

除裝修靚，食品新鮮好味外，以下呢啲原因都成為唔會再有下次理由。利申成日食韓燒韓日燒平貴放題等都去過。價錢貴，份量細，限2小時制，6時入席，準時7點半last order lock order page，但門口冇人排隊半場吉檯。QR落單半自助但收加一（近年商家佬醜陋食相）。張檯唔細亦算好大，但爐面好細，啲生冷嘢又唔可以叫定攤曬喺度吽菌，變相要一個半鐘內要邊燒邊落order，好annoying又趕頭趕命。人均水消費7舊，食量正常人士居然食唔飽（普通茶記午餐會食剩）間餐廳定位好奇怪，貴又冇service有大檯又冇人等位但準確限時，時間成本轉嫁曬落消費者度，無法暢快與朋友聚會，畀呢個價出面大把選擇。極懷疑樓一大堆讚好根本打手。P.S. 建議腳長人士唔好揀露營櫈位坐，不論伸直屈起都會畀張檯頂住，坐遠啲又燒唔到食唔到，仲會坐到pat痛，又冇收納外套手袋位置極雞肋。