影片
更多
2021-11-21
2026 瀏覽
如果唔係公司搞活動我諗我都唔會再自費食buffet，因為自己根本就食唔多嘢，幾百蚊我寧願食得精緻啲，太多選擇我又唔想，唔食又唔抵。今次公司俾錢食呢一間我未食過㗎，之前評價都係一般般，就睇吓一個唔多食buffet嘅人有咩意見啦。而家折實價每人六百幾蚊有生蠔有鵝肝有麵包蟹有任食movenpick 聽落都似算係咁因為身體狀況其實我唔食得生蠔🦪㗎，不過我忍唔到口食咗三隻，質素都OK！見到同事食成隻麵包蟹、大蝦🍤同螺，我就覺得太麻煩同埋一向都唔”好”又唔識食。魚生方面我就覺得選擇少咗啲囉，因為我唔食三文魚，所以淨係要咗幾片墨魚同埋北寄背。熟食我試左糯米飯、燒牛肉、即煎鵝肝多士、片皮鴨⋯其實佢仲有好多其他嘅⋯例如咖喱薄餅、海南雞飯、蛇羹等等。食物嘅質素普通通，不過我將主力放咗喺甜品度，俾佢個movenpick 雪糕吸引住, 總共食咗4球雪糕， 佢仲要加埋我最鍾意食嘅人氣牛角包窩夫，真係不得了。最吸引係佢嘅甜品，最失望嘅就係生果同埋飲品啦！簡直可以話完全冇嘢俾我揀得落手，生果佢竟然成個蘋果上，其餘都係一啲好普通嘅哈密瓜、菠蘿🍍、西瓜🍉, 我至愛嘅草莓🍓雜莓全部都無。飲品更加唔掂，同事拎既果汁甜到漏，
今次公司俾錢食呢一間我未食過㗎，之前評價都係一般般，就睇吓一個唔多食buffet嘅人有咩意見啦。
而家折實價每人六百幾蚊有生蠔有鵝肝有麵包蟹有任食movenpick 聽落都似算係咁
因為身體狀況其實我唔食得生蠔🦪㗎，不過我忍唔到口食咗三隻，質素都OK！見到同事食成隻麵包蟹、大蝦🍤同螺，我就覺得太麻煩同埋一向都唔”好”又唔識食。
魚生方面我就覺得選擇少咗啲囉，因為我唔食三文魚，所以淨係要咗幾片墨魚同埋北寄背。
熟食我試左糯米飯、燒牛肉、即煎鵝肝多士、片皮鴨⋯其實佢仲有好多其他嘅⋯例如咖喱薄餅、海南雞飯、蛇羹等等。食物嘅質素普通通，不過我將主力放咗喺甜品度，俾佢個movenpick 雪糕吸引住, 總共食咗4球雪糕， 佢仲要加埋我最鍾意食嘅人氣牛角包窩夫，真係不得了。
最吸引係佢嘅甜品，最失望嘅就係生果同埋飲品啦！簡直可以話完全冇嘢俾我揀得落手，生果佢竟然成個蘋果上，其餘都係一啲好普通嘅哈密瓜、菠蘿🍍、西瓜🍉, 我至愛嘅草莓🍓雜莓全部都無。飲品更加唔掂，同事拎既果汁甜到漏，自斟嘅檸檬茶咖啡奶茶完全冇質素可言啦，我想要杯latte/cappuccino 諗都唔好諗. 話晒都一間酒店丫。
佢有一罐罐嘅汽水俾你拎，但係佢一間酒店喎唔係出邊任飲咁食嗰啲喎。😭
雖然俾我哋發現60歲以上長者有八五折優惠（我哋同事堆中有三個）不過都彌補唔到我對佢嘅評價，好彩唔係自己錢😂🤪
又或者咁，係我太過嘴刁姐！
張貼