影片
更多
2023-04-11
15 瀏覽
Omakase 價錢range好闊，幾百蚊到三千幾蚊一位都有，價錢越貴係咪代表質素越好呢？有啲預約困難嘅，其實味道又係差唔多，都唔可以用價錢去衡量。識過天后電氣道嘅宴鐵板燒，計埋加一，大概係$500到，價錢好合理質素都好唔錯。八道菜嘅Omakase，乜都有少少，而且擺盤擺得好精緻，加埋望維港景，打卡一流。職員仲話， Menu係啱啱新轉，加咗少少款式for商務客，如果見吓想食得好少少，可以考慮吓佢。八道菜Omakase ◾︎季節前菜螢光魷魚，配薯仔沙律今期螢光魷魚當造，隻隻爆糕，好鮮甜。配沙律個底清清哋好夾。◾︎刺身兩點間八 深海池魚刺身好新鮮，用來做開頭非常醒神。◾︎壽司兩件油金 真鯛壽司用咗赤醋飯，同油脂豐富的魚鮮更相配，令到佢更有層次。◾︎沙巴虎蝦 或 北海道帆立貝肉質好鮮甜好彈牙，簡單用海鹽調味已經好突出。帆立貝用上餐廳自家嘅海苔汁，鹹鹹香香，配上三文魚子，整體感覺好。◾︎香煎鵝肝配藍莓醬食完清淡嘅海鮮，就開始油味重嘅鵝肝。鵝肝煎得好香口，要配麵包先啱啱好。值得一讚伴碟嘅黑豆，好綿密！◾︎美國牛柳 食到牛就知差唔多完，師傅揀咗美國牛，相對地油膩感冇咁重，肉味會重啲。個人比較鍾意薄燒，包住炸蒜
識過天后電氣道嘅宴鐵板燒，計埋加一，大概係$500到，價錢好合理質素都好唔錯。
八道菜嘅Omakase，乜都有少少，而且擺盤擺得好精緻，加埋望維港景，打卡一流。職員仲話， Menu係啱啱新轉，加咗少少款式for商務客，如果見吓想食得好少少，可以考慮吓佢。
八道菜Omakase
◾︎季節前菜
螢光魷魚，配薯仔沙律
今期螢光魷魚當造，隻隻爆糕，好鮮甜。配沙律個底清清哋好夾。
◾︎刺身兩點
間八 深海池魚
刺身好新鮮，用來做開頭非常醒神。
◾︎壽司兩件
油金 真鯛
壽司用咗赤醋飯，同油脂豐富的魚鮮更相配，令到佢更有層次。
◾︎沙巴虎蝦 或 北海道帆立貝
肉質好鮮甜好彈牙，簡單用海鹽調味已經好突出。
帆立貝用上餐廳自家嘅海苔汁，鹹鹹香香，配上三文魚子，整體感覺好。
◾︎香煎鵝肝配藍莓醬
食完清淡嘅海鮮，就開始油味重嘅鵝肝。鵝肝煎得好香口，要配麵包先啱啱好。值得一讚伴碟嘅黑豆，好綿密！
◾︎美國牛柳
食到牛就知差唔多完，師傅揀咗美國牛，相對地油膩感冇咁重，肉味會重啲。
個人比較鍾意薄燒，包住炸蒜，口感更加得意。
◾︎炒飯，配麵豉湯
◾︎炒雜菜
收尾櫻花蝦炒飯，炒飯粒粒分明，好香嘅澱粉質呀！令人不期然成碗食晒。
餐廳有個小露台位，天氣好嘅話出去打卡，可以望住維多利亞公園同埋維多利亞港，一覽無遺嘅景色，夜晚食嘅話會更加浪漫🌹
張貼
