Potluck Eatery

偶然會行柯士甸道，一早發覺有間望落去木系feel 裝修好唔錯嘅餐廳，仲有幾個戶外位置吸引咗我視線，一直都想去試吓。大約6:45去到，當時人唔算太多，不過後尾就越來越多，study完個Menu之後，發覺二人晚餐最抵食，就叫咗個二人餐。有兩個餐湯連蒜蓉包，一個頭盤，兩個主菜，同埋兩個甜品，仲有兩杯餐飲。都幾豐富當日餐湯係薯仔忌廉湯，好creamy 。頭盤選擇咗脆炸魷魚柚子雜菜沙律超大碟，上面起碼有六條炸魷魚，味道有啲似平時食開的炸魷魚圈，不過應該係自家製不是來貨，粉漿不會太厚，食完一條又一條，唔係好停到口。沙律菜也很新鮮。主菜揀咗炭燒法式豬鞍架伴紅桑子汁佢預先幫忙切好了三件才擺盤，我覺得很貼心，很方便大家share吃，食材質素是好的，豬鞍不要煮太熟更好。牛油白酒煎焗挪威比目魚，這個超推介，睇相都睇到有幾厚，但係佢厚得來一啲都唔會鞋，好滑好嫩，用牛油煎香唔會有多餘醬汁，我自己同朋友都勁喜歡。跟餐甜品有兩款選擇，當然兩款都叫晒，抹茶雪糕我自己很喜歡，很香抹茶味，不會太甜。芝士蛋糕就朋友比較喜歡，喜歡他的質感。餐廳的服務也算周到，不會過分打擾，但也很親切。餐廳現在還佈置了一些聖誕裝飾，很有氣氛。