影片
更多
2023-01-05
55 瀏覽
🍴上次食完印度素食幾回味，又想再食印度嘢(๑˃̵ᴗ˂̵)今次呢間餐廳好耐之前試過，佢哋喺全球有幾十間分店，可以體驗正宗印度風味。.🧅 Onion Pakoda $70印度版洋蔥圈同西式洋蔥圈完全不同，洋蔥絲加入茴香、香草等香料，再沾上炸粉，炸得非常香脆，搭配清新薄荷醬，唔會覺得油膩。.🍗 Chicken’65 $80見到menu有幾款菜式都用’65’命名幾特別，揀咗雞肉原來係印式炸雞，雞塊外層沾滿紅色嘅印度香料，炸得外脆內嫩，再蘸埋搭配嘅甜辣醬一齊食，入口香辣惹味！.🐥 Chicken Garlic Kebab $140烤雞肉串用鐵板上，配料有洋蔥、青椒、椰菜等，一上枱就聞到陣陣香味。雞髀肉肉質結實，食到大蒜及燒烤香氣，搭配薄荷醬，多一份清新味道。.🥘 Butter Chicken Masala $120黃油雞係食印度菜必點，咖喱質感濃稠，滿滿香料味道，雞肉醃得好入味，肉質軟腍又無骨。咖喱辣味加上番茄酸甜，奶油同牛油香味，味道豐富有層次！.🫓 Butter Naan $40烤餅滿滿牛油香氣，口感軟熟又帶點煙韌，配咖喱食perfect。.🐑 Anjappar Mutton Meal $130
上次食完印度素食幾回味，又想再食印度嘢(๑˃̵ᴗ˂̵)今次呢間餐廳好耐之前試過，佢哋喺全球有幾十間分店，可以體驗正宗印度風味。
.🧅 Onion Pakoda $70
印度版洋蔥圈同西式洋蔥圈完全不同，洋蔥絲加入茴香、香草等香料，再沾上炸粉，炸得非常香脆，搭配清新薄荷醬，唔會覺得油膩。
.🍗 Chicken’65 $80
見到menu有幾款菜式都用’65’命名幾特別，揀咗雞肉原來係印式炸雞，雞塊外層沾滿紅色嘅印度香料，炸得外脆內嫩，再蘸埋搭配嘅甜辣醬一齊食，入口香辣惹味！
.🐥 Chicken Garlic Kebab $140
烤雞肉串用鐵板上，配料有洋蔥、青椒、椰菜等，一上枱就聞到陣陣香味。雞髀肉肉質結實，食到大蒜及燒烤香氣，搭配薄荷醬，多一份清新味道。
.🥘 Butter Chicken Masala $120
黃油雞係食印度菜必點，咖喱質感濃稠，滿滿香料味道，雞肉醃得好入味，肉質軟腍又無骨。咖喱辣味加上番茄酸甜，奶油同牛油香味，味道豐富有層次！
.🫓 Butter Naan $40
烤餅滿滿牛油香氣，口感軟熟又帶點煙韌，配咖喱食perfect。
.
🐑 Anjappar Mutton Meal $130
羊肉拼盤一上枱好吸引，一大隻圓盤上放有咖喱羊肉、印度米飯、兩款烤餅，仲有8款配料/醬汁，按自己喜好配飯或烤餅食。咖喱羊肉辣味溫和，肉質軟嫩，配料/醬汁味道有淡味濃味，有辣有唔辣，一次過試到多種不同嘅印度味道，幾特別！
.
🫓 Butter Dosa $80
呢款牛油煎餅真係超大塊，類似crepe咁好薄身，食落好香牛油味，熱食時脆口，凍咗食就煙煙韌韌，有雙重口感。配4款醬：咖喱醬、薄荷醬、椰子醬、番茄醬，各有特色。
.
🥭 Mango Lassi $40
芒果嘅甜味同乳酪味道好balance，入口順滑，酸酸甜甜，解辣之選。
🍋 Lemon Mint Cooler $50
檸檬加上清香薄荷葉，帶淡淡甜味唔會太酸，清新解渴。
.
總括而言：餐廳環境寬敞，裝潢充滿印度色彩，仲播住印度歌，氣氛唔錯。店員都係印度人，態度親切又會介紹菜式，Menu超多選擇，價錢合理，想試正宗印度菜嘅朋友可以試吓(●'◡'●)ﾉ
張貼
