影片
更多
2024-10-18
164 瀏覽
天氣開始有秋意，涼涼哋就最啱打邊爐啦😂 呢晚嚟咗呢間台式火鍋店，幾年前都有幫襯過，不過呢次嚟就遇上佢哋嘅五周年紀念，所以就食佢哋新推出嘅日本黑毛和牛A4+套餐啦🤩魚白湯三文魚豆腐湯呢個係期間限定嘅湯底，係個高蛋白質之選 。雖然係魚白湯，再有三文魚粒，但係湯底都唔會腥 🐟肉類呢個餐獨有嘅就係日本黑毛和牛A4+同伊比利亞黑毛豬梅肉 。見到黑毛和牛嘅超靚雪花已經流晒口水，和牛入口即溶，真係唔係講笑🐮 黑毛豬梅肉同樣係好有油香，食落好爽口🐷 當然都會有其他套餐嘅高質素肉類，不過我都係鍾情於肥美嘅日本和牛多啲🤪 澳洲和牛M5牛肩卷同埋紐西蘭羊卷肉味道同質感都唔錯😌海鮮拼盤呢個套餐仲附送一個海鮮拼盤，入面有鮑魚、蠔、元貝同埋蟶子，幾鍾意佢嘅蟶子，輕輕灼下，已經夠晒爽口😗 除咗海鮮拼盤，套餐仲可以點鮮甜海蝦、真台灣鱸魚片、脆肉鯇魚腩，幾款都幾新鮮🐟鮑魚盛宴呢個套餐可以無限任食鮑魚，無論係火鍋用嘅鮮甜鮑魚，定係可以即食烹製過嘅都可以任嗌😍 熟嘅鮑魚仲有三款口味，古法醉鮑魚、炭燒鹽蔥鮑魚同埋柚子燒汁鮑魚。火鍋配料澳洲M9和牛牛丸係每次嚟打邊爐嘅主打，真係牛味香濃又juicy🙈 自助吧食物名稱一目了然，又
魚白湯三文魚豆腐湯
呢個係期間限定嘅湯底，係個高蛋白質之選 。雖然係魚白湯，再有三文魚粒，但係湯底都唔會腥 🐟
肉類
呢個餐獨有嘅就係日本黑毛和牛A4+同伊比利亞黑毛豬梅肉 。見到黑毛和牛嘅超靚雪花已經流晒口水，和牛入口即溶，真係唔係講笑🐮 黑毛豬梅肉同樣係好有油香，食落好爽口🐷 當然都會有其他套餐嘅高質素肉類，不過我都係鍾情於肥美嘅日本和牛多啲🤪 澳洲和牛M5牛肩卷同埋紐西蘭羊卷肉味道同質感都唔錯😌
海鮮拼盤
呢個套餐仲附送一個海鮮拼盤，入面有鮑魚、蠔、元貝同埋蟶子，幾鍾意佢嘅蟶子，輕輕灼下，已經夠晒爽口😗 除咗海鮮拼盤，套餐仲可以點鮮甜海蝦、真台灣鱸魚片、脆肉鯇魚腩，幾款都幾新鮮🐟
鮑魚盛宴
呢個套餐可以無限任食鮑魚，無論係火鍋用嘅鮮甜鮑魚，定係可以即食烹製過嘅都可以任嗌😍 熟嘅鮑魚仲有三款口味，古法醉鮑魚、炭燒鹽蔥鮑魚同埋柚子燒汁鮑魚。
火鍋配料
澳洲M9和牛牛丸係每次嚟打邊爐嘅主打，真係牛味香濃又juicy🙈 自助吧食物名稱一目了然，又乾淨衛生，有多款丸類同蔬菜可以選擇🥬 仲有黑松露海鮮漿，食落口彈牙。傻蛋花枝丸都幾特別，都推介大家試下。
台灣小吃
呢個火鍋仲包括台灣小吃，我地嗌咗即炸午餐肉、士林鹽酥雞、真豬小香腸、私房鴨血同埋魚香皮蛋豆腐，份量適中，唔會太多搞到太快飽肚😎
飲品
外面有無糖茶、汽水、QR code落單仲有鴨屎香檸檬茶同埋乳清蛋白荔枝玉露，兩款都幾有特色🍋
甜品
依加雪糕係任食，唔係一人得一杯😆 甜品控表示好開心，仲要係Häagen-Dazs雪糕雪條嚟架🍦仲可以嗌台中·仙草凍，真係好有台灣風味。
用日本和牛嚟打邊爐都係好豪華，鍾意食牛嘅朋友一定要把握機會嚟呢度食盡靚牛啊🤗
張貼
