影片
更多
2023-08-20
103 瀏覽
小編早幾日同朋友試左呢間人氣邊爐店！餐廳裝潢充滿懷舊風，地方闊落，仲有糖果色系佈置房間比客人影相！主打養生美顏鍋，今期響應Barbie熱潮，特意推出粉紅夢幻套餐，小編睇完Barbie，即刻叫左個套餐黎試吓！粉紅夢幻套餐（$388）套餐包括粉紅牛乳玫瑰鍋、粉紅墨魚滑同粉紅薔薇（砵仔糕）牛乳鍋中間有一朵大大嘅粉紅玫瑰同食用花，非常吸晴！湯底有淡淡牛奶香氣，底下更加入木瓜襯托，都幾清甜，亦比較健康～ 粉紅墨魚滑墨魚滑加入火龍果，成個都係粉紅色～ 賣相成個砵仔糕咁，入口爽彈啲就更正。粉紅薔薇（砵仔糕）成個甜品都係粉紅色，必定可以吸引一眾少女心！口感煙韌。太極兩儀（$428）安格斯牛加入紅酒醃製，酒味突出。牛肉入口軟嫩，牛味香濃，另一邊嘅豚肉以牛奶醃製而成，散發淡淡奶香，豚肉肥瘦適中，味道唔錯。七彩餃子（$108）七彩鮮色餃子以木橋呈上，相當精緻，顏色亦好鮮艷，包括有金華火腿菜肉、午餐肉粟米、蟲草花、蟹肉黑松露、冬菇薺菜、姬松茸野菌同和牛香茜餃七款口味～ 餃子皮偏厚，食落都幾煙韌，饀料夠創新！七色丸（$108）七色丸同樣以木橋呈上，味道包括芝士蝦丸、椰芋、鹹蛋黃、青咖喱、南乳同紅咖喱七款口味，口
粉紅夢幻套餐（$388）
套餐包括粉紅牛乳玫瑰鍋、粉紅墨魚滑同粉紅薔薇（砵仔糕）
牛乳鍋中間有一朵大大嘅粉紅玫瑰同食用花，非常吸晴！湯底有淡淡牛奶香氣，底下更加入木瓜襯托，都幾清甜，亦比較健康～
粉紅墨魚滑
墨魚滑加入火龍果，成個都係粉紅色～ 賣相成個砵仔糕咁，入口爽彈啲就更正。
粉紅薔薇（砵仔糕）
成個甜品都係粉紅色，必定可以吸引一眾少女心！口感煙韌。
太極兩儀（$428）
安格斯牛加入紅酒醃製，酒味突出。牛肉入口軟嫩，牛味香濃，另一邊嘅豚肉以牛奶醃製而成，散發淡淡奶香，豚肉肥瘦適中，味道唔錯。
七彩餃子（$108）
七彩鮮色餃子以木橋呈上，相當精緻，顏色亦好鮮艷，包括有金華火腿菜肉、午餐肉粟米、蟲草花、蟹肉黑松露、冬菇薺菜、姬松茸野菌同和牛香茜餃七款口味～ 餃子皮偏厚，食落都幾煙韌，饀料夠創新！
七色丸（$108）
七色丸同樣以木橋呈上，味道包括芝士蝦丸、椰芋、鹹蛋黃、青咖喱、南乳同紅咖喱七款口味，口感爽口彈牙，小編最推薦青咖喱味，帶點微辣，夠曬惹味！
琥珀誘惑（$88）
飲品中間有大大朵玫瑰花形狀嘅冰塊，帶有淡淡番石榴味。加入新鮮奇異果汁、橙汁同菠蘿汁，清新怡人，酸酸甜甜好開胃。
花月豪庭（$128）
賣相好靚，北海道牛奶加入藍莓同蘋果，質感幼滑，再配上口感軟綿嘅棉花糖蛋糕同新鮮蜜瓜及奇異果，都幾特別～
張貼
