佰古嗲

營業中

休息中

【大圍•佰古嗲】@ππππππππππππππππππππππππππππππ一場南洋風味嘅享受前日同朋友去咗一間南洋風味嘅餐廳，試咗幾款招牌菜，真係食得好開心！鮮牛油咖央多士 一上枱，陣牛油香同咖央嘅甜味已經撲鼻而來。多士烤得金黃脆口，咬落去，牛油同咖央好滑，甜度啱啱好，唔會太膩。厚切嘅多士仲有少少煙韌口感，配杯茶食，完美！椰香白咖喱麵呢個白咖喱真係驚喜，椰奶味濃而不膩，帶點微微嘅辣，同麵條好夾。麵條彈牙，湯底有淡淡嘅香茅同薑味，好清新。份量都夠，食完有滿足感。香濃咖喱喇沙如果鍾意濃味嘅朋友，呢個喇沙一定啱你。湯底夠濃郁，咖喱香氣好突出，仲有花生碎同椰奶嘅層次感。配料有蝦、雞蛋同芽菜，食落好豐富。不過辣度有啲高，怕辣嘅要小心。玻璃生菜 簡單嘅一碟生菜，但炒得啱啱熟，爽脆又有鑊氣。調味唔算重，啱晒解膩，配啲濃味菜式好正。馬拉沙嗲串燒 (半打) 半打有三串雞肉三串牛肉，燒得夠香，肉質嫩滑。沙嗲醬好濃花生味，微辣微甜，搽滿串燒真係一流。不過牛肉略為細串，食完覺得仲想再encore。芽菜雞 雞肉蒸得嫩滑，皮仲有少少Q彈，芽菜爽脆，吸咗雞汁嘅鹹香，好惹味。飯淋咗啲豉油同蔥油，簡單但好香，