佰古嗲

大圍依間馬來西亞餐廳以肉骨茶閩南話Bak Kut Teh來命名，又易記又搞笑，吸引咗唔少後生仔女幫襯，餐廳仲有閣仔，坐得好舒服。細滲 $88嚟到一定要叫招牌肉骨茶，我哋叫咗個細嘅都好足料，包括豬手，豬肚，雞腳，三層肉，豆卜金菇等，湯底有淡淡中藥香，唔會嗆喉，夠入味，而且肉骨茶仲可以任添，果晚天氣凍咗飲返兩碗熱辣辣嘅肉骨茶真係好溫暖🔥🐔椰漿飯配生炸全雞髀 $92雞髀外脆內嫩有肉汁，椰漿飯香噴噴，好有斑蘭味，好正。🧈🍞鮮牛油咖央多士 $38依個係馬來西亞菜必食🤩，多士香脆，咖央醬甜滑唔膩，牛油香突出，完美組合。🥬水魷蕹菜 $58爽脆新鮮，帶啲辣，口感清爽解膩。魚仔XO醬蜆仔 $62味道中規中矩，都幾辣，啱晒鍾意食辣嘅人。馬拉沙嗲半打 $108我哋揀咗兩牛兩豬兩雞，肉質嫩，幾香口，配埋佢嘅花生醬汁更惹味。🧋特色拉茶 $22茶味香濃，我哋揀咗走冰，嚟到約七成滿。美祿恐龍 $30夠濃郁，甜度啱啱好，飲完好滿足。評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺@bakkutteh_hk佰古嗲大圍積存街14號地舖📍港鐵大圍站A出口6分鐘路程#healingbobo #foodie #hkfoodie #foodiehk #香港 #美食 #香港美食 #香港必食 #香港探店 #香港打卡 #香港旅遊 #香港好去處 #香港推薦食品 #馬來西亞菜 #肉骨茶 #香港食評 #美食打卡 #BakKutTeh #佰古嗲…查看更多

🐾聽講大圍積存街有好多小店美食，臥虎藏龍，今日熊妹就帶樹熊去兜個圈睇下有咩好食。📌主打馬來西亞菜的《佰古嗲》門面簡簡潔潔，好少見的馬來西亞菜，主要食椰漿飯、喇沙、咖哩、咖央多士等等，平時食西餐多，都好耐無試過東南亞菜，一於一試。鮮牛油咖央多士，$38邪惡爆燈😈，都係想食。好鮮明的一牌牛油🧈夾左多士中間，側邊塗了些咖央醬，鹹香帶點甜，食咖央多士真係要加呢塊牛油。水魷蕹菜，$58蕹菜類似蕃薯葉，水洽了加入豉油同辣椒油，仲有好多水魷，勁爽口，夾埋食好惹味。魚仔XO醬蘿蔔糕，$46幾特別喎，一口蘿蔔糕上面鋪滿XO醬魚仔，辣辣地，夾埋一齊食幾過癮喎。細滲，$88食馬來西亞菜點會唔食肉骨茶呀？招牌肉骨茶有好多款，緊係揀個小雜匯 - 細滲喇。有豬腳，雞腳，五花腩肉，金菇，豆卜，豬肚等等，肉骨茶好濃味，濃得黎又好清，當歸味又唔算好重，秋天飲曖笠笠好補身。重點⚠️係可以無限添加！係加真湯唔係加水！OMG！太蝕本了吧！抵飲呀！椰醬飯配生炸全雞髀，$92招牌生炸雞髀🍗睇餐牌幅相都好吸引！係超大一隻！根本就可以覆蓋成個碟。掂呀！生炸好新鮮，雞皮脆卜卜，炸到收乾啲油份，鎖住雞髀的肉汁，雞髀肉質嫩滑一啲都唔鞋口，果然招牌菜！綠色的椰漿飯，馬來西亞喜歡用色素加添食慾。大大盤飯仲有啲花生粒，魚仔，辣醬撈埋一齊食。香濃咖喱喇沙，$86好大一碗喎！份量多到二人都食唔哂。面頭放滿配料，有薯仔🥔、豆卜、雞肉、蝦、炸腐皮、魚片同芽菜，正宗喇沙麵底係用上米粉同埋油麵混合，喇沙湯底好濃郁，加入了椰奶帶有椰香味，每條麵粉條掛滿濃濃湯汁，帶辣味好惹味。美祿恐龍（凍），$30香濃白咖啡（熱），$18📌貌似一間平庸的小店，沒有大龍鳳的裝潢，默默地守在大圍積存街一角，內裡乾坤完全唔簡單！款款菜式夠特別，足料大碗價錢親民，又無加一，難怪客源不絕，平日晚巿上下層都爆哂棚，仲要排隊等位确實以實力取勝💪🏻。…查看更多

好耐冇食馬來西亞菜喇, 今日黎到大圍既佰古嗲好有驚喜呀!!餐廳分上下兩層, 裝修簡簡單單, 但係幾舒服, 牆上面仲有貓咪壁畫, 好可愛丫服務方面好好喎, 店員會主動講解辣度, 有啲菜可以揀唔辣／少辣, 非常細心~~食物款式好豐富, 有好多特色馬來西亞菜鮮牛油咖央多士 $38多士烘得香脆, 外皮金黃, 入面搽滿厚厚嘅咖央醬~食落外脆內軟, 咖央甜中帶少少椰香, 配埋牛油嘅鹹香真係perfect match水魷蕹菜 $58蕹菜爽口唔會腍, 水魷片切得厚薄適中, 咬起嚟煙韌彈牙叁巴辣椒醬帶微辣又唔嗆喉, 味道濃但食得出菜香~細滲 $88肉骨茶一上枱個瓦煲仲冒煙~ 湯底呈深啡色, 有陣陣中藥香同胡椒香飄出嚟~~飲一啖, 首先係濃濃蒜香撲鼻, 之後係胡椒辣味慢慢滲出, 最後帶少少草根藥材香同回甘味道濃郁但唔苦, 飲落暖笠笠~~~食材配料好豐富, 有豬腩肉, 豬肚, 炸豆卜, 雞腳, 金菇等等...全部都吸收晒肉骨菜既精華, 超正丫!!芽菜雞（例牌） $88馬來風味嘅切雞~~ 雞肉滑到出油光, 皮厚帶一層啫喱感, 雞肉入味嫩滑!!芽菜夠粗身、爽脆又唔會帶生青味~個豉油底調得香甜, 淋喺雞肉上面一齊食真係一流黃金醬虎蝦 $168呢味真心正~~ 邪惡但好好食!! 絕對係必食之選~~虎蝦隻隻都好大隻, 啖啖肉, 爽口彈牙炸得香脆嘅蝦殼微微焦香, 配上鹹蛋黃醬, 鹹香惹味特色拉茶 $22茶味香濃、奶味順滑, 甜度唔會死甜, 比例好平衡, 飲落滑到不得了美祿恐龍 $30上面鋪咗超厚美祿粉, 一湯匙都足夠帶返童年回憶!!底下係凍美祿, 味道香濃、甜度啱啱好…查看更多

舖頭面積頗細，但係裝修都明亮企理乾淨。芽菜雞 呢個勁普通。冇加錢轉雞髀，結果係俾咗一大碟好大舊嘅雞胸肉。件件都大大嚿又好鞋口。個汁又只係普通豉油汁，冇咩特別。唔推介。 配淨豬油撈飯食到明顯又香嘅豬油味，但係又唔會覺得好油膩。舖頭阿姐介紹加少少黑豉油，加咗之後令到個飯增添咗一啲甜味嘅層次，好味。不過飯本身整得比較軟身唔係粒粒分明嗰種。手抓薄餅 薄餅都幾鬆軟酥香。係符合預期嘅手抓餅嗰種質感同味道。細滲 可以有無限添加嘅肉骨茶汁。肉骨茶嘅湯汁飲第一啖就會覺得藥材味頗重，係頗濃嘅醬油味同當歸味果種。當然飲得多慢慢就會覺得有啲鹹，但係本身攞嚟送肉食就覺得味道充足。細滲有唔同嘅材料，除咗排骨，仲有豬手、雞腳，豆腐卜等等，一次過可以食唔同嘅材料，覺得都幾好。姐姐牛丸牛丸係自家製手打嘅風味，口感比較粗同埋多粒粒嘅口感，牛肉味可以。比較欣賞佢嘅牛骨湯，佢係清湯湯底，再加比較濃郁充足嘅牛骨髓味道，而且冇咩味精湯嘅感覺，滿意。另外湯裡面仲有粉絲。👌🏼鮮牛油咖央多士多士都焗得鬆脆，咖央醬味道都香甜。不過對比起傳統馬來西亞食到嗰種，呢度嘅多士就係平時港式嘅口感，唔算非常好薄脆嗰種。美祿恐龍 …查看更多

呢日忽然好想食馬來西亞菜，嚟咗大圍呢間餐廳，店員叫我哋去樓上坐，環境會比較闊落😙大滲食馬來西亞菜一定要食肉骨茶，呢間嘅肉骨茶好正宗，仲有得免費加添肉骨茶嘅湯😙 呢煲肉骨茶入面乜嘢都有，啱晒選擇困難症嘅我😍 三層肉、豬肚、雞腳、豬手仔、一字骨、豆卜、金菇同埋響鈴，豆卜同埋響鈴索晒肉骨茶嘅湯真係超正🤩砂煲香爆銀針粉呢個銀針粉好有鑊氣，用個砂煲上勁有儀式感🤣 每條銀針粉都比醬汁包裹住，仲有肉碎、炸豬油、流心蛋同埋紫洋蔥等等嘅配料，份量都幾多㗎，同朋友share就啱啱好😉鮮牛油咖央多士勁推介呢份咖央多士，入面嘅餡料同多士嘅比例啱啱好，加埋有鮮牛油喺入面，雖然有啲邪惡，但係每啖都係幸福感👍🏻串燒沙嗲可以揀豬、牛或者雞，我哋就每樣嗌咗兩串，沙嗲嘅花生味勁香濃，雞肉串燒非常嫩滑🐥特色拉茶馬來西亞最出名嘅飲品一定係拉茶，呢度嘅拉茶甜度適中，唔想飲咁甜嘅朋友仲可以揀少甜。美祿恐龍上面有美祿粉、蜜糖星星同可可脆片🦖大人細路都會鍾意 。餐廳嘅牆上有好多可愛嘅壁畫，特別鍾意嗰幅貓嘅畫，畫得細緻，我都有同佢打埋卡先走啊😍…查看更多