The Cipollini Pizzeria

營業中

休息中

啟德地鐵站連接嘅新商場開咗，今日同女兒過嚟行吓，睇吓有冇新餐廳試吓！AIRSIDE商場餐飲種類都不少，其中有一間The Cipollini Pizzeria，是一間意大利餐廳，裝潢設計好有歐式風格，自家製嘅意粉和薄餅都好出名，今晚我哋試吓呢間先！煙三文魚薄餅：材料有煙燻三文魚、芝士、酸豆和蕃茄醬。薄餅底係薄底，口感香脆。煙三文魚份量十足，鋪滿整個薄餅，加上芝士和酸豆，無論口感和味道都好豐富！熱前菜拼盤：蝦米爆谷，外層金黃酥脆，蝦肉爽口。雞翼係單骨方便進食，皮脆肉嫩有肉汁，肉丸沾滿特製醬汁，肉味香濃十分惹味！白酒蒜蓉蜆意粉：意粉軟硬適中，掛上蒜味香濃的醬汁，又香又惹味，加入新鮮大蜆，啖啖都充滿鮮甜味道。雞翼即叫即炸，香脆嫩滑，真係食到停唔到口，要Encore！自製雪糕兩球：正宗意大利雪糕，每日新鮮製造，揀咗雲尼拿味道，口感順滑，味道香濃。蘋果汁香甜。