鉄皇子小賣所

營業中

休息中

最近元朗地鐵站附近開咗一間餐廳，好有特色。舖面唔大，可以堂食或者外賣。入到去見到一張大嘅鐵板燒枱之後可以圍住坐望住師傅即嗌即煮！望住師傅煮嘅時候都已經流晒口水非常之香。牛肉沙律 $58沙律菜、蕃茄仔非常新鮮，而且上面加咗紫洋蔥，食落好Fresh。上亦都淋咗日式和風醬汁，同埋沙律油。 上邊嘅牛肉份量非常之多，而且煎到表面金黃香脆，再用鹽調味就已經非常之好味。 鐵板鰻魚丼$88鰻魚本身已經係熟嘅，喺鐵板上面再煎香佢，啲油脂好香魚味，而且師傅再攞火槍燒到鰻魚面燶燶哋。鰻魚汁亦都係師傅自己調製，唔係出邊即食嗰啲standard鰻魚醬。再淋係上面，成件事望住個師傅煮真係好療癒，好似睇緊戲咁樣。最尾再加紫菜絲同埋炸蒜片，撈埋食好夾。