鉄皇子小賣所

營業中

休息中

鉄皇鐵板燒原來已經開左好多年不過最近先轉型 欣賞老闆會改變去適應環境既能力轉型後 只做外賣,qr code落單 同埋好抵食平民價錢食到高質素嘅鐵板燒真係認真咁係鐵板整出黎 但價錢比出面平好多而且都好好食好香有火氣等既時候已經聞到好香同睇到師傅煮既過程開頭仲以為係咁以燒下煮下 原來係咁認真煮仲見到佢地可以整到會添鐵板牛肉薄燒 $78鐵板燒必點 薄薄既牛肉加上大量蒜片同蔥卷係入面再有d汁同黑椒係牛肉上面 鐵板燒起黎好滿足既口感同juicy鉄板豚肉沙律 $68鐵板烤過既豚肉再鋪上沙律醬好味到停唔到口律用嘅係生菜 加d醋汁好開胃鐵板魷魚鬚 $58好好味既醬汁令到魷魚更突出魷魚新鮮而且有香烤味 非常熱辣辣出晒煙 份量多好好食鐵板鰻魚丼 $88鰻魚好嫰滑又煎得香 好正師傅即場調製鰻魚醬汁珍珠飯大大碗 夠晒飽低糖石榴汁💰HK$15石榴汁味道清香，好襯依一餐飯低糖桔仔水💰HK$15有d似青檸汁 酸酸甜甜 夠fresh同解渴貴精不貴多已經好飽夠食了2個人合共只係食左$322炸

去開親戚屋企先知鉄皇鐵板燒最近轉左型亦改左名只做外賣不設堂食😳睇menu價錢方面就相當吸引於是入去叫左幾樣野出面鐵板燒想簡簡單單食個飯或者叫個小食都好貴,而呢度大多只係$100內,丼飯價錢相當吸引~當初都以為食嗰幾十蚊野都係喺廚房整完出黎就比我地拎走,點知👇🏻大廚就開始拎架撐出黎😱😂原來仲可以望住師傅親自烹調!先係小食魷魚鬚,魷魚鬚好彈牙爽口!調味得宜仲有少少焦香味,份量都幾多~睇住師傅將一粒粒粉紅色嘅牛粒炒至焦香,差啲流口水!😍一口牛油脂平均咬落好腍,冇筋亦冇肥膏👍🏻牛味幾濃,好入味🩷牛薄片輕輕煎出牛脂後拎嚟做沙律原來係咁好味😋牛味重,沙律好夠味,洋蔥再帶啲刺激感,好好食!而且沙律菜都好新鮮!最後鰻魚飯有驚喜!鰻魚煎到乾身冚蓋焗一焗再燒一燒,然後師傅就開始即場調製鰻魚醬汁,醬汁唔會好甜好好食👍🏻珍珠飯亦都好大碗好夠味👍🏻相當抵食最後真係大推呢兩隻野飲!師傅話試左好多隻呢隻馬來西亞嘅最正!桔仔水酸酸甜甜,石榴水味道好真,唔會好甜!兩隻都係少甜,好解渴而且仲清熱氣添😍

元朗雞地最近新開咗呢間日式鐵板燒小店，原來呢到之前係元朗鐵板燒嘅始祖，而家轉型變咗只做外賣自取嘅小店，主打用平民價錢食到高質素嘅鐵板燒日式丼飯同埋日式小食！唔想等拎外賣嘅客人，仲可以預先用手機掃QR code或者whatsapp order定野食添，好方便！Order 完食物之後，師傅會喺你面前即刻用鐵板煮熟啲食物，等緊果陣已經聞到陣陣嘅食物香氣，睇見都令人流哂口水啊！真係忍唔住幫啲食物打晒卡先拎返屋企開餐～鐵板牛肉沙律💰HK$58牛肉沙律係用鐵板炒熟啲肥牛之後，面頭再淋上秘製芥末味沙律醬，配埋底層酸酸甜甜嘅沙律菜，令人好開胃～沙巴大虎蝦(1隻)💰HK$138大虎蝦勁大隻，蝦頭裡面有勁多蝦膏，蝦肉淨係簡單用香草牛油去調味，已經品嚐到大蝦嘅鮮甜味，不愧為小店嘅鎮店之寶～鐵板牛肉薄燒💰HK$78輕輕用鐵板炒過蒜蓉片同埋香蔥碎，再卷喺燒過嘅肥牛片入面，然後再簡單用醬油同黑椒調味，牛肉生熟程度適中勁juicy，加埋蒜蓉片同香蔥，口感相當之豐富～鐵板牛肉包💰HK$42呢到嘅新產品，師傅特登揀選咗呢款軟硬適中嘅意大利包去整，先用牛油將麵包裡面喺鐵板烤至金黃鬆脆，然後再炒熟肥牛同埋洋蔥，最後淋上芥末

Weekend拍拖唔想行出元朗，行行下唔覺意見到間好特別嘅鐵板燒，店名好特別，而且佢係立食店，一於試一下。我地一共叫左四樣野食。首先係薄切燒牛肉，香氣誘人，牛肉薄而嫩滑，牛肉加入炸蒜片同蔥花包住，口感豐富，令人回味無窮。跟住就係鐵板燒蠔，蠔都幾大隻下，超級juicy。經過燒烤後，蠔肉更加鮮嫩。搭配上烤製後嘅煙肉碎，更能帶出其獨特嘅風味。跟住係燒牛肉丼飯，好香好美味，牛肉燒得剛剛好，鮮嫩多汁。飯粒蓬鬆，加埋師傅特別配製嘅汁，再配埋蔥花簡直一流。最後係燒鰻魚丼飯，香氣撲鼻，鰻魚燒得恰到好處，肉質鮮嫩滑順。搭配師傅特別配製嘅鰻魚燒汁，美味無窮。等緊野食嘅時候師傅間唔中會同我地傾下計，原來師傅以前做過高端路線嘅鐵板燒，怪不知師傅工藝高超，令人讚嘆。佢哋對食材嘅敏感度好高，烹飪技巧純熟。佢善於掌握火候，將食材烤到剛剛好嘅熟度，佢熟練地操作鐵板，動作流暢，駕輕就熟。唔單止煮出美味嘅食物，仲以出色嘅表演技巧同互動性，為用餐者帶來視覺同娛樂上嘅享受。

親民日式鐵板燒，有得睇，有得食📍地點：元朗🍽️菜式：日本菜💰人均消費：午餐 HK$50~150🔖服務費：❎🧻餐巾/ 濕紙巾：✅ / ❎🪑座位類型：吧枱 / 外賣📝落單方式：侍應生落單.堂食位少少嘅鐵板燒，有風味，師傅表演功架十足。【鉄板羊肉丼】💰HK$68羊肉唔騷，啱哂怕騷嘅朋友食。炒香羊肉，配少量沙律汁，中和得剛好。【鉄板鰻魚丼】💰HK$88原條鰻魚煎香，再用火槍烘焦鰻魚表面，入口有照燒鰻魚油香，送飯一流。【鉄板魷魚鬚】💰HK$58魷魚鬚先炒香，再有個秘製汁燴，唔乾得嚟又香口。【鉄板牛舌芯】💰HK$78牛舌芯薄切上，份量十足。牛舌有咬口得嚟又唔柴，而且十分惹味。#foodcourt #foodxcourtx #foodxcourtxYL#元朗搵食地圖 #元朗美食 #元朗 #日本菜.鉄皇子小賣所 @teppanyakiking🏷️ 元朗鳳攸北街11-15號益發大廈地下1號舖

今日第一次試喺元朗呢間嘅鐵板燒，印象中鐵板燒都係比較中高價錢嘅餐廳，但出奇地呢間餐廳有平價鐵板燒食同埋平時喺元朗屯門天水圍都好少見到有鐵板燒，所以今次特登去試吓。到咗餐廳之後見到餐牌大概50至$60就有一款菜式，我哋點咗牛肉丼飯、鰻魚丼飯、炒魷魚、炒牛舌，仲要試埋特色飲品聽講老闆係喺馬來西亞嗰邊訂返嚟。份量都幾多，兩個人食完全係好足夠尤其係個炒魷魚好香口惹味，用黎配飯一流！鍾意食鰻魚嘅朋友都可以試吓，因為呢個鰻魚丼飯嘅鰻魚係成條上！！仲要經過鐵板燒之後鰻魚好香，勁好食！呢個丼飯只係$88，超級抵食。之後同老闆開始傾偈，先知道原來本身餐廳係做中高價價錢，但係因為通咗關之後好多人都返咗大陸消費,所以轉型做平價鐵板燒吸引客人。佢話做咗15年都就嚟頂唔順，聽到都有啲心酸，所以希望大家都可以支持本地餐廳啦！

坦白講，呢間餐廳性價比簡直係史上新高，好食到我真心想私藏起來㊙️🤣🤣！但本着有美食要同大家分享嘅宗旨，都係要share出嚟🤣（雖然內心已掙扎一百萬次）。這間小店的師傅擁有超過25年高級鐵板燒經驗，以前一直在五星級酒店工作。獨立門戶後，成為元朗區鐵板燒始祖，造福我們這些平民百姓😁🙌🏻，令我呢啲平民可以以蔗渣嘅價錢獲取五星級嘅享受！日本一口牛粒 $58直頭是一場燦爛的火焰Show🤩🤩‼️見到師傅在你面前灒酒，「逢」一聲燒起來🙌🏻🙌🏻睇到勁想拍手🤣🤣。骰子般的牛粒鑊氣十足，帶點焦香，肉質細嫩、肉味濃而有肉汁，配上蒜片香氣，食到我舔舔脷😋😋。鐵板魷魚鬚$58超級爽口彈牙、醬汁惹味，非常高質，我同屋企人食得勁開心😁😁❗️要知道炒得太耐，會韌；炒得太短，會過硬。可見師傅控制火喉的功力達到爐火純青的地步👍🏻👍🏻。皇牌1: 鐵板羊肉丼$68 （爆推🌟🌟🌟🌟🌟) 必推‼️羊肉片份量多，加入大量胡椒及蔥花，表面鋪滿紅椒絲，睇到已經流晒口水。一啖入口，羊肉味濃，不騷，配上胡椒的辛辣，辣得好味、辣得過癮，喜歡食羊的朋友一定不可錯過‼️皇牌2: 鐵板牛肉丼$58 （爆推🌟🌟🌟🌟🌟) 現場聽到師傅炒到滋滋喳喳，已經非常誘人

4月21日 星期日 間中黃雨就喺元朗頭、小巴站尾 對面嘅街角。好開陽好耀眼好易搵。成間舖就係一個open 鐵板燒，鋪面精心嘅小擺設，舒適嘅 露營outdoor style 小座位位俾你等外賣。全部都係有心之作。臥虎藏龍，大廚係酒店出身，睇佢炒個飯、炒個菜嘅公架已經知冇得呃。除咗做外賣，佢仲可以包場。very interesting，幻想吓喺街角全透明鐵板燒，一班好友暢飲、食好嘢開party，好特別。佢仲有Mobile嘅鐵板燒，可以上門到會。隨時隨地都可以鐵板燒。我就隨便叫咗幾個家常嘢：- 鰻魚飯- 炒雜菜- 牛肉薄燒- 豚肉飯睇住大廚準備呢一份餐已經係一個entertainment，同你喺日本鐵板燒餐廳睇到嘅差唔多。米，食得出係日本珍珠米，甘甜有嚼頭。雖然用料唔會係乜乜M56789和牛、食提子大嘅豬 ….. 但係以大廚嘅出品 且以一間街坊特色鐵板燒嚟講，係超值。

最近元朗開左間平民價錢鉄板燒，只做外賣，讓食客安座家中，都可以享用鉄板燒美食。小店主打既鉄板菜式，有丼、炒飯、沙律，仲有多款鉄板小食。鉄板雞軟骨：爆炒到金黃色，酥脆可口，調味得宜，口感十足。豚肉薄燒：豚肉切到好薄片，捲住炸蒜及香蔥等配料煎香，仍能保留到肉汁，相當juicy又美味。鉄板牛肉丼：薄切肥牛很軟腍，牛味濃郁，配上炸蒜、蔥花、牛肉燒汁、wasabi忌廉沙律醬，味道好有層次感，果然係小店招牌。鉄板鰻魚丼：用上原條鰻魚，灑鹽後用火槍燒到表面香脆，帶微微焦香，再灑上紫菜絲及芝麻，香氣撲鼻，鰻魚非常軟腍，魚香四溢。總結，食物質素非常高，主廚ken師傅用心經營，烹煮手法純熟，一絲不苟，加上街坊價錢，絕對值得再來支持。

元朗其中一個吸引我既地方就係呢度好多小店，佢地各有自己既特色，有自己既諗法，唔會好似出面啲連鎖店一式一樣😌😌而今日我地去左既鉄皇子小賣所亦都好特別，去之前我真係冇諗過會有一間專做外賣既鐵板燒餐廳😲？佢每份外賣都係由師傅親自出馬👨‍🍳🔥，係你面前炮製食物👍🏼😋先講講鐵板牛肉炒飯🐮，飯經過鐵板煮後真係做到粒粒分明、爽身，每粒飯都有獨特嘅炒飯香氣，盡顯師傅既功架!我地仲叫左鐵板豚肉丼🐽，豚肉燒得微微焦香，好多汁又嫩滑，加埋沙律醬都幾好送飯🍚😋再嚟就係日本一口牛粒，外面微焦，就算我地拎到返去裡面仲係多汁鮮嫩，估佢唔到🤩最後就係鐵板雞軟骨，超有驚喜！雞軟骨經過鐵板燒烤，變得好香口，值得一提佢個醬汁好好食好惹味🤪總括嚟講，鉄皇子小賣所雖然係主力做外賣，但真心feel到師傅對每份外賣落足心機咁整，完全唔會hea住黎做🫰元朗友買外賣呢間餐廳絕對係個好選擇！🫡

呢間係元朗雞地鐵板燒嘅外賣店，本身以前係鐵板燒堂食嘅餐廳，後來生意難做，而家呢幾個月開始轉型做外賣，但係外賣嘅質素一啲都唔差，仍然keep到高水準👍🏻而且價錢好實惠，價錢$58已經有一個鐵板牛丼，你仲可以即場望住師傅燒，其他丼飯都係幾十蚊！鐵板牛丼：牛肉味好濃，而且份量好多，再加上蔥蒜，沙律汁，真係超好味另外仲有一個推介鐵板魷魚鬚，呢個勁推介食落去好彈牙👍🏻仔細望下餐廳的設計都好靚，花左不少心機👍🏻

餐廳係以外賣形式為主，不過絕對唔會因為外賣就求其做，即叫即做師傅會喺你面前用鐵板去做每一個菜，大飽眼福之餘又可以見到每一道食材都係熱辣辣即叫即做，呢個價錢嚟講竟然可以有咁樣嘅質素，令到我同朋友都非常驚喜，其實我哋住呢頭附近都見過呢一間舖頭幾次，今次就決定叫幾樣嘢返屋企外賣試吓，究竟係咪真係咁好食！鐵板牛肉炒飯🤟🏻，用鐵板去炒飯就可以令到每粒炒飯到粒粒分明，但係都非常考究廚師嘅功夫，呢一個炒飯嚟講絕對係喺出邊食鐵板燒之後嗰個炒飯嘅工架，每粒炒飯都收到好乾，而且再加埋牛肉做配料，令到口感上更加豐富，返到屋企仲係熱辣辣非常好食，餐廳利用圓滑嘅珍珠米，我同朋友都非常鍾意呢一個炒飯，認為絕對唔可以錯過，真係好好食！！！鐵板牛肉薄燒🤟🏻，另一個非常有驚喜嘅食材就係呢一個鐵板牛肉薄燒，價錢嚟講真係唔算好貴，完全唔係普通鐵板燒嘅價錢，牛肉加咗大量嘅蒜片，同埋蔥，令到成個口感非常好味，牛肉嘅質素亦都非常高絕對唔會好韌，餐廳喺控制燒牛肉嘅時候火候控制得好好，做到半生熟，同坐喺鐵板燒前面食冇分別，呢個真係冇誇張，呢個價錢真係可以一試，非常抵食！！！鐵板雞軟骨🤟🏻，我同朋友都非常鍾意雞軟骨做小食，因為可以用嚟

今次嚟到元朗雞地呢一間熱鐵板燒咗招徠嘅外賣店。鋪仔細細，一入到去就見到好大塊鐵板。師傅好有心問我哋想食啲乜，然後即場燒。第一味燒嘅係鰻魚丼，一邊燒熱、一邊加入唔同嘅調味料，食落非常軟熟，燒汁味好濃，冇咩骨。豚肉丼份量非常之多，數埋差唔多有9塊豚肉，配埋特製嘅沙律醬，相當惹味開胃。牛舌芯牛舌嘅口感煙韌，牛味濃郁，絕對係燒烤必吃一口牛大約係一粒骰仔咁大，油香充足，調味唔會太濃，食得出食材嘅鮮味，係鐵板燒一大亮點。雖然係外賣店，但睇師傅烹煮都幾有趣。

有朋友住喺元朗，因此得閒都會入元朗食下嘢，次次有新意，有時亦都有驚喜。今次係有段古嘅，朋友話帶我食鐵板燒，同一個位置，唔同嘅店名，以前聽講好貴㗎，通常行過你都唔會望一眼嘅，依家生意難做，都需要有變通，個店的營業時間由以前只做夜晚，到依家有午市加埋夜市，而啲價錢好貼地，好大眾化，同週圍啲舖頭都差不多。大家行過路過都可以入來試吓吖，喺間舖仲見到“愛回家”的朱ling同老闆的合照，會唔會下次來都可以見到佢呢？點咗“鐵板牛肉丼”、“鐵板雞軟骨”、“日本一口牛粒”和“鐵板牛肉炒飯”，跟住就可以坐喺度睇老闆表演，記住呀佢唔做堂食嘅只係做外賣，但你都可以喺度一邊傾偈一邊睇住老細表演嘅，鐵板輕輕炒啲肥牛片，再加D醬油同黑椒調味，同埋香蔥，蒜片，擺入碗中，掂晒；師傅將切或一粒粒的一口牛粒炒至焦香，少少燶，牛味甚濃，食落好入味；睇埋雞軟骨同牛肉炒飯，我都偷到少少師，但係屋企點做到？ 所以都係來幫襯喇。順便講句，門外的公仔都好吸引呢。

元朗一間隱世日式鉄板食肆，以往經過都想去試下，但常因滿座或需預先訂座未有機會幫襯。最近轉營做平民生意，以親民價錢，大師傅手藝處理日式鉄板，一於要試下啦！餐牌簡單列明各項目，真係好抵食喎！一座正式鉄板燒烤爐，師傅戴上廚師帽，手藝純熟，處理食物令等外賣既我望著食物涶延欲滴。牛肉沙律，味道唔錯，有沙律漿調味，菜與肥牛一齊吃，可以消膩。調味的濃淡度得宜，推薦！一口牛只有輕輕調味，加上鹽，黑椒，油，目擊在鉄板上燒烤，過程好吸引, 食物樣貌都新鮮，略賺熟了一點。魷魚香味濃郁，新鮮，燒烤後加分，分量適中全日最愛鰻魚鰻魚輕燒後，帶點焦香，脆口！味道即時提昇，似在日本吃的炭爐燒烤鰻魚，CP值高！由於座位有限，只供外賣，有點可惜，若能於煮後即品嚐會更加分。重點是要盡快食用，才能感受鉄板魅力！整體食物質素不錯，調味較輕手，主要吃食物的原汁原味，希望這所餐廳會更多人認識，讓普羅大眾可以吃到高CP值高質鉄板