影片
更多
2023-03-20
171 瀏覽
元朗·一餐值得專程拜訪嘅日法歐Fusion私房菜Granada by JW📍元朗安駿里2號怡康大厦地下14號舖➰好歌推介「推翻認知的瑣碎，寫生命新的一句，今天就克服磨練跑往光輝去。」.#LetUsThenYouAndI #Serrini➰筆者住係九龍及港島工作，一向比較少踏足元朗新界地方，不過有住係大西北嘅朋友知道我一向鐘意食好西，誠意拳拳邀請我入到元朗試一間佢大力推介嘅私房菜，餐廳最近仲新出春季Tasting Menu，話我會一試愛上咁話。.既然朋友都咁講，一向有住為左食好西可以去到幾盡決心嘅筆者決定去一試究竟，餐廳距離朗屏站沿元朗廣場走大約10分鐘路程，位處於元朗圖書館旁邊一條橫街。.餐廳門面低調，一不留神都有可能錯過，但通常依種隱蔽小店先會有大驚喜，餐廳採取全預約制，小店經營，所有菜式基本上由主廚Jo一手包辦，Fine Dining形式上菜，全晚只會接待約10位客人。.用餐時透過同主廚啊Jo嘅交流，所有菜式設計都係出自佢一人之手，不斷鑽研改良菜式極盡心思，平均2-3個月就更換一次菜單，毫不固步自封，所有食材醬汁調配，運用，發酵都係利用閒暇時間專心鑽研，堅持創出令自己令客人都滿意
Granada by JW
📍元朗安駿里2號怡康大厦地下14號舖
➰好歌推介
「推翻認知的瑣碎，寫生命新的一句，今天就克服磨練跑往光輝去。」
.
#LetUsThenYouAndI #Serrini
➰
筆者住係九龍及港島工作，一向比較少踏足元朗新界地方，不過有住係大西北嘅朋友知道我一向鐘意食好西，誠意拳拳邀請我入到元朗試一間佢大力推介嘅私房菜，餐廳最近仲新出春季Tasting Menu，話我會一試愛上咁話。
.
既然朋友都咁講，一向有住為左食好西可以去到幾盡決心嘅筆者決定去一試究竟，餐廳距離朗屏站沿元朗廣場走大約10分鐘路程，位處於元朗圖書館旁邊一條橫街。
.
餐廳門面低調，一不留神都有可能錯過，但通常依種隱蔽小店先會有大驚喜，餐廳採取全預約制，小店經營，所有菜式基本上由主廚Jo一手包辦，Fine Dining形式上菜，全晚只會接待約10位客人。
.
用餐時透過同主廚啊Jo嘅交流，所有菜式設計都係出自佢一人之手，不斷鑽研改良菜式極盡心思，平均2-3個月就更換一次菜單，毫不固步自封，所有食材醬汁調配，運用，發酵都係利用閒暇時間專心鑽研，堅持創出令自己令客人都滿意嘅菜式，職人匠心精神，令人響往。
➰春季Tasting Menu
6course (已包含跟餐飲品) 💲998/1
Wine Pairing (3 glasses) 💲398/1
*餐廳只收Cash / Payme / FPS
➰
✥Wine Pairing
G.D.Vajra Langhe Riesling Pètracine 2021 ⭐️4.2/5⭐️
啱啱就座，主廚Jo及助理亦都熱情同我地打招呼，小店靠口碑口耳相傳，在區內都擁獲一班忠實食客嘅垂青，Jo今日推介左意大利白酒比我地配搭，前段散發淡淡果香，後段隱約嘅礦物質味道，清爽酸度入口帶咸香感，常言道酒肉朋友，依款酒用嚟配搭海鮮正正非常合適。
Wine Pairing
10 瀏覽
0 讚好
0 留言
Wine Pairing
4 瀏覽
0 讚好
0 留言
寒暄過後，主廚隨即奉上第一道前菜，主廚每道菜都會細心解釋，依道北海道帶子係刺身級飛機貨，比起平時食到嘅都更加鮮甜，帶子煮至半生熟，恰好保留到鮮味，醬汁以黃梨發酵伴以梨汁及檸檬油混合而成，層次豐富，再加上手指檸檬碎伴碟調味，入口先是帶子鮮味，然後係檸檬酸汁嘅滋味，充滿春日氣息，單係第一道前菜已是一輪豐富體驗。
燒北海道帶子·黄梨汁·手指檸檬
4 瀏覽
0 讚好
0 留言
燒北海道帶子·黄梨汁·手指檸檬
12 瀏覽
0 讚好
0 留言
主廚表示依道菜式數年來經過不斷鑽研都仍然不停改進至今，今次為配合春季Tasting Menu特意加入佛手柑﹑發酵蕃茄汁﹑大黃汁﹑香茅清檸汁做基底醬汁，伴碟加入芥蘭花及日本黃金山女魚籽，工序之繁複令人讚嘆不已。
.
意大利粉紅蝦已經拆肉造成甜蝦他他，每啖入口先係鮮甜無比，其後味蕾散發佛手柑嘅清新苦澀味形成強烈對比，加上爽口芥蘭花及山女魚籽係口腔爆發，口感非常豐富鮮味絕倫。😋
燒意大利粉紅蝦·佛手柑·蕃茄水·香茅汁
3 瀏覽
0 讚好
0 留言
燒意大利粉紅蝦·佛手柑·蕃茄水·香茅汁
5 瀏覽
0 讚好
0 留言
日本墨魚柳.羊肚菌.螢光尤魚 ⭐️4.3/5⭐️
將墨魚柳釀入羊肚菌內，加入北歐風黑蒜汁調味，配料方面用返日式瑩光魷魚粒伴碟，羊肚菌配搭墨魚柳口感配合得相得益彰，加上黑蒜汁同瑩光魷魚粒每啖入口都好滋味。
日本墨魚柳.羊肚菌.螢光魷魚
6 瀏覽
0 讚好
0 留言
日本墨魚柳.羊肚菌.螢光魷魚
5 瀏覽
0 讚好
0 留言
日本墨魚柳.羊肚菌.螢光魷魚
2 瀏覽
0 讚好
0 留言
海螯蝦脆卷以類似中式油泡方法炸至外脆內嫩，再將拆殼蝦油蝦膏推成蝦汁薯蓉作醬汁，令鮮味昇華，伴碟係時令當造嘅法國白露筍，拌上蝦汁更係為惹味。
挪威海螯蝦脆卷·法國白露筍·蝦汁薯蓉
1 瀏覽
0 讚好
0 留言
挪威海螯蝦脆卷·法國白露筍·蝦汁薯蓉
5 瀏覽
0 讚好
0 留言
主廚Jo係交流中特別推介兩款期間限定菜式，見到前面咁多心機之作之後我地當然信心大增，雀躍答允。
.
首先出場嘅係日本甘鯛立鱗燒，以半煎炸方式將魚鱗炸至層層立起，無疑是心機之作，除咗視覺效果之外，細緻魚肉同交疊鱗片嘅特殊交錯口感，非常酥脆，另外不得不提烏魚子醬汁特別咸鮮惹味，用嚟配搭海鮮類食物甚為出色，值得一試。😋
鱗燒日本甘鯛.烤菜烏魚子醬
1 瀏覽
0 讚好
0 留言
接住出場嘅係燉和牛牛尾，主廚將牛尾起肉堆疊冷卻成形再切條，基底亦係用上北歐風黑蒜汁，絲絲牛尾肉嫩滑細膩配上黑蒜汁突出牛味，濃郁到一個新層次。而配菜方面燒茄子亦用心處理，加上熟成熱溶芝士及藜麥鋪面，形成一層特別煙韌薄脆口感，非常新穎嘅味道，好推薦。😋
燉和牛牛尾.藜麥茄子.黑蒜
4 瀏覽
0 讚好
0 留言
燉和牛牛尾.藜麥茄子.黑蒜
2 瀏覽
0 讚好
0 留言
去到中段奉上自家製酸種麵包，非常新鮮熱辣，切開麵包感受到外脆內軟，更為驚喜嘅發酵過焦化洋蔥牛油，抹上麵包有洋蔥豐盈甘甜之餘更帶出麵包香氣，主餐連麵包都製作得好滋味，大概如果頭盤就上依份麵包應該會食唔落主菜。🤤
酸種麵包·焦化洋蔥牛油
4 瀏覽
0 讚好
0 留言
酸種麵包·焦化洋蔥牛油
11 瀏覽
0 讚好
0 留言
酸種麵包·焦化洋蔥牛油
3 瀏覽
0 讚好
0 留言
A.烤法國有機鴨胸·紅梨汁
B.焗法國白鱈魚·魚醬+$40
C1.燒澳洲M4和牛腰臀肉蓋 (Picanha)
C2.燒乾式熟成法國夏洛萊牛肉眼（Dry Aged Charolais Beef）+$250
D.燒伊比利豬架柳
𖥕焗法國白鱈魚·魚醬 💲+40⭐️4.4/5⭐️
由於朋友唔食牛肉同埋飽足感已有七至八成，我地就選擇咗鴨胸同白鱈魚。
.
雪白般嘅白鱈魚份量亦不容小覷，伴碟黃菜頭粒增加口感，最有驚艷感仍係醬汁部分，竟然係將咖啡發酵後加入魚露，完全超乎想像嘅配搭，咸香鮮味猶為突出，入口更如奶泡感般幼滑，好出色。😋
焗法國白鱈魚·魚醬
4 瀏覽
0 讚好
0 留言
焗法國白鱈魚·魚醬
2 瀏覽
0 讚好
0 留言
兩大件鴨胸色澤粉嫩亮麗，皮肉之間嘅鴨脂氛香撲鼻，入口完全無鴨騷味，鴨肉連皮入口非常惹味，油花係口腔回蕩，久久未散。伴碟方面亦有芝加哥菜頭及珍珠洋蔥，配搭紅梨汁剛好可以中和油膩感，非常滿足。😋
𖥕飲品 ⭐️3.9/5⭐️
飲品方面揀左蘋果紅菜頭汁及熱情果汁較為解膩，正常水準發揮。
烤法國有機鴨胸·紅梨汁
2 瀏覽
0 讚好
0 留言
烤法國有機鴨胸·紅梨汁
3 瀏覽
0 讚好
0 留言
✥草莓提拉米蘇慕斯蛋糕 💲+68⭐️4.2/5⭐️
筆者亦都係士多啤梨控一名，主廚介紹今晚嘅特色甜品係以Tiramesu嘅製法換成士多啤梨做主角，中間混入車厘子酒配合士多啤梨味道，上枱非常精緻，純白慕斯蛋糕上層有切片士多啤梨，中間係Tiramesu嘅細膩飽滿口感，仲有士多啤梨醬夾心，酒足飯飽過後，正式為依餐Fusion私房菜盛宴劃上完滿句號。
草莓提拉米蘇慕斯蛋糕
3 瀏覽
0 讚好
0 留言
餐廳雖然係小店私房菜形式經營，但主廚對餐廳出品嘅堅持執著深深打動左在場每位食客，千錘百鍊用心鑽研每道菜式﹑挑選時令食材﹑甚至配菜醬汁嘅配搭都令人出乎意料，依一份職人匠心精神征服左在場食客嘅味蕾與口碑，期待不久將來再次到訪主廚又會為我地帶嚟新一輪嘅味蕾衝擊。🥳
➰#GranadaByJW
#元朗美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#finedining #私房菜 #北歐菜 #日本菜 #法國菜
#食好西 #相機食先 #香港美食
#為左食好西可以去到幾盡
#燒意大利粉紅蝦 #鱗燒日本甘鯛 #燉和牛牛尾
#焗法國白鱈魚 #烤法國有機鴨胸
➰
世上偶遇也是重遇，祝大家拼命無恙🫶🏻
賣吓廣告先，一個90後偽文青鐘意食好西聽好歌去旅行😋🎵✈️
有興趣睇更多好西好歌好玩推介，或者大家有好嘢Share嘅🥳
請大家Follow下我IG，比D支持，多謝✨：@healoop.foodie
張貼
